Health Tips: மழைக்காலத்தில் அடிக்கடி தொண்டை வலியால் தொல்லையா..? காரணங்களும்.. தீர்வுகளும்..!

தொண்டை வலி

ஒரு சிலருக்கு தண்ணீரை (Water) மாற்றி குடித்தாலே வாய்க்கு அடியில் இருக்கும் தொண்டை வலி (Throat Pain) ஏற்பட தொடங்கும். மெலும், சிலருக்கு இந்த தொண்டை வலி பல காரணங்களால் ஏற்படுகிறது. இதை உடனடியாக எப்படி குணப்படுத்துவது? உங்களுக்கு பல நாள் கேள்வியாக இருக்கலாம். இந்த தொண்டை வலி காரணமாக, உங்களால் எதையும் சரியாக பேசவும் முடியாது, பேசுவது கடினமாகிறது. எதையாவது சாப்பிடும்போதோ, தண்ணீர் குடிக்கும்போதோ கடுமையான வலி ஏற்படுகிறது. இதுபோன்ற பிரச்சினைகள் ஏற்படும் போது என்ன செய்வது என்று யோசிக்கும் நபர்களுக்கு இந்தக் கட்டுரை நிச்சயமாக இந்தப் பிரச்சினைகளிலிருந்து விடுபட உதவி செய்யும். உங்கள் தொண்டை அடிக்கடி வலித்தால் அல்லது தொண்டை கட்டி கொண்டால், அதற்கான காரணம் பின்வருமாறு இருக்கலாம்.

ALSO READ: டெங்குவின் ஆரம்ப அறிகுறிகள் என்ன? அதை எவ்வாறு தடுப்பது..?

ஒவ்வாமை:

பலருக்கு ஒவ்வாமை பிரச்சினைகள் உள்ளன, எனவே அவற்றைக் குறைப்பதில் கவனம் செலுத்துங்கள்.

சத்தமாகப் பேசுதல் மற்றும் கத்துதல்:

தொடர்ந்து பேசுவது, சத்தமாகப் பேசுவது அல்லது கத்துவதும் தொண்டை வலியை ஏற்படுத்தும்.

மாசுபாடு மற்றும் புகைத்தல்:

தூசி, புகை மற்றும் புகைபிடித்தல் போன்றவை குரல் அல்லது தொண்டையைப் பாதிக்கும். இது தொண்டை வலியை ஏற்படுத்தும்.

அமிலத்தன்மை அல்லது இரைப்பை ரிஃப்ளக்ஸ்:

அமிலத்தன்மை அல்லது இரைப்பை ரிஃப்ளக்ஸ் குரலில் கரகரப்பை ஏற்படுத்தும்.

இவை அனைத்தையும் தவிர, தொண்டை புண் தைராய்டு அல்லது மன அழுத்தத்தாலும் தொண்டை வலி ஏற்படலாம்.

இந்தப் பிரச்சனையிலிருந்து விடுபடுவது எப்படி?

சூடான நீர் மற்றும் உப்பு:

தொண்டை வலி அல்லது கரகரப்பான குரல் இருந்தால், சூடான உப்பு நீரில் வாய் கொப்பளிப்பது பரிந்துரைக்கப்படுகிறது. இதை ஒரு நாளைக்கு இரண்டு முறை செய்வது தொண்டை வீக்கம் மற்றும் வலியைக் குறைக்கும்.

இஞ்சி மற்றும் தேன் மஞ்சள் பால்:

தொண்டை பிரச்சனை இருந்தால், இரவில் மஞ்சளுடன் சூடான பால் குடிக்கலாம். இதைச் செய்வது மிக விரைவாக நிவாரணம் அளிக்கும்.

துளசி மற்றும் அதிமதுரம்:

துளசி மற்றும் அதிமதுரம் தொண்டை வலியை ஆற்றும் என்று அறியப்படுகிறது. எனவே, நீங்கள் இந்த இரண்டையும் சேர்த்து ஒரு கஷாயம் தயாரித்து குடிக்கலாம். இது உங்களுக்கு உடனடி நிவாரணம் அளிக்கும்.

ALSO READ: காய்ச்சல் இருக்கும்போது ஏன் காபி குடிக்கக்கூடாது? இது ஏன் நல்லத்தல்ல..?

இதை செய்வது முக்கியம்..

இந்தப் பிரச்சனையை நீங்கள் மீண்டும் மீண்டும் சந்தித்தால், உங்கள் வாழ்க்கை முறையில் சில மாற்றங்களைச் செய்ய வேண்டும். தொண்டை வலி ஒரு பொதுவான பிரச்சனையாக இருந்தாலும், அதை லேசாக எடுத்துக் கொள்ளக்கூடாது. மேற்கண்ட ஆலோசனைகள் உதவவில்லை என்றால், மருத்துவரைப் பார்ப்பது நல்லது.