3 படத்தின் ரிலீசுக்கு பிறகு 2 வருசம் பட வாய்ப்பே வரல… நடிகை ஸ்ருதி ஹாசன் ஓபன் டாக்

3 படம்

தமிழ் சினிமா மட்டும் இன்றி தெலுங்கு மற்றும் இந்திப் படங்களில் முன்னணி நடிகையாக வலம் வருபவர் நடிகை ஸ்ருதி ஹாசன் (Actress Shruti Haasan). இவர் நடிப்பது மட்டும் இன்றி பாடல்களை பாடியும் ரசிகர்களின் மனதில் இடம் பிடித்துள்ளார் என்பது குறிப்பிடத்தக்கது. இந்த நிலையில் முன்னதாக பேட்டி ஒன்றில் பேசிய நடிகை 3 படத்தில் நடித்ததற்கு பிறகு தனக்கு சினிமா வாழ்க்கையில் என்ன நடந்தது என்று வெளிப்படையாக பேசியுள்ளார். அதில் நடிகை ஸ்ருதி ஹாசன் பேசியதாவது, 3 படத்தின் ஜனனியை பல பேருக்கு பிடிக்கும் என்பதே எனக்கு 10 வருசத்துக்கு அப்பறம் தான் தெரியும். வெளிப்படையா சொல்லனும்னா 3 படத்தில் நான் நடிச்சு அது ரிலீசானதுக்கு அப்பறம் எனக்கு 2 வருசமா எந்த பட வாய்ப்பும் கிடைக்கல. ஏன் கதை சொல்றேன்னு கூட யாருமே என்னை அனுகவில்லை. அது ஏன்னு எனக்கு புரியவே இல்லை என்று தெரிவித்துள்ளார்.

தமிழ் சினிமாவில் ஸ்ருதி ஹாசன் அறிமுகம் ஆன படம்:

உலக நாயகன் கமல் மற்றும் நடிகை சரிகாவின் மூத்த மகளான நடிகை ஸ்ருதி ஹாசன் தனது தந்தை இயக்கி நடித்த ஹே ராம் என்ற படத்தின் மூலமாக குழந்தை நட்சத்திரமாக சினிமாவில் அறிமுகம் ஆனார். 2000-ம் ஆண்டு இந்தப் படம் வெளியானது குறிப்பிடத்தக்கது.  அதனைத் தொடர்ந்து 2009-ம் ஆண்டு முதல் இந்தி மற்றும் தெலுங்கு மொழிப் படங்களில் முன்னணி கதாப்பாத்திரத்தில் நடிக்கத் தொடங்கினார்.

இந்த நிலையில் கடண்டஹ் 2011-ம் ஆண்டு இயக்குநர் ஏ.ஆர்.முருகதாஸ் இயக்கத்தில் நடிகர் சூர்யா நடிப்பில் வெளியான ஏழாம் அறிவு படத்தின் மூலம் தமிழ் சினிமாவில் நாயகியாக அறிமுகம் ஆனார். இந்தப் படம் திரையரங்குகளில் வெளியாகி ரசிகர்களிடையே நல்ல வரவேற்பைப் பெற்றது. தமிழில் அறிமுகம் ஆன முதல் படமே ஸ்ருதி ஹாசனுக்கு சூப்பர் ஹிட் கொடுத்தது குறிப்பிடத்தக்கது.

நடிகை ஸ்ருதி ஹாசனின் இன்ஸ்டா பதிவு:

ஸ்ருதி ஹாசன் நடிப்பில் வெளியான ஹிட் படங்கள்:

ஏழாம் அறிவு படத்திற்கு பிறகு நடிகை ஸ்ருதி ஹாசன் நடிப்பில் தமிழில் வெளியான 3, பூஜை, புலி, வேதாளம், சிங்கம் 3, புத்தம் புது காலை, லாபம் ஆகிய படங்கள் வரவேற்பைப் பெற்றது. மேலும் படங்களில் நடிப்பது மற்றும் இன்றி பாடல் பாடுவதிலும் நடிகை ஸ்ருதி ஹாசன் தொடர்ந்து கவனம் செலுத்தி வருவது குறிப்பிடத்தக்கது.

ரஜினியுடன் கூலி படத்தில் நடிக்கும் ஸ்ருதி ஹாசன்:

இயக்குநர் லோகேஷ் கனகராஜ் இயக்கத்தில் தற்போது உருவாகி வரும் படம் கூலி. இந்தப் படத்தில் சூப்பர் ஸ்டார் ரஜினிகாந்த் நாயகனாக நடித்துள்ளார். வருகின்ற ஆக்ஸ்ட் மாதம் 14-ம் தேதி 2025-ம் ஆண்டு திரையரங்குகளில் வெளியாக உள்ள இந்தப் படத்தில் நடிகை ஸ்ருதி ஹாசன் முக்கிய கதாப்பாத்திரத்தில் நடித்துள்ளது குறிப்பிடத்தக்கது.