Mari Selvaraj: பைசனில் விக்ரம் நடிக்க வேண்டும் என நினைத்தேன்- மாரி செல்வராஜ்!

விக்ரம் மற்றும் துருவ் விக்ரம்

தமிழ் சினிமாவில் இளம் நடிகர்களில் ஒருவராக இருந்துவருபவர் துருவ் விக்ரம் (Dhruv Vikram). இவரின் நடிப்பில் கிட்டத்தட்ட 2 வருடங்களுக்கு பின் வெளியீட்டிற்கு தயாராகியுள்ள திரைப்படம் பைசன். இந்த படத்தை பிரபல இயக்குநர் மாரி செல்வராஜ் (Mari Selvaraj) இயக்கியுள்ளார். இவரின் இயக்கத்தில் இறுதியாக கடந்த 2024ம் ஆண்டில் வாழை என்ற திரைப்படமானது வெளியானது. இந்த படத்தினை அடுத்ததாக நடிகர் துருவ் விக்ரமுடன் இந்த பைசன் (Bison) படத்தில் இணைந்திருந்தார். இந்த படமானது கடந்த 2023ம் ஆண்டிலே அறிவிக்கப்பட்டநிலையில், அதை தொடர்ந்து தென்மாவட்டங்களில் இப்படமானது படமாக்கப்பட்டு வந்தது. குறிப்பாக திருநெல்வேலி மற்றும் தூத்துக்குடி சுற்றுவட்டாரங்களாகில் இப்படமானது எடுக்கப்பட்டது என்பது குறிப்பிடத்தக்கது.

இந்த படத்தில் துருவ் விக்ரமின் அப்பா வேடத்தில் நடிகர் பசுபதி (Pasupathi) நடித்துள்ளார். இந்நிலையில் இயக்குநர் மாரி செல்வராஜ், இந்த படத்தில் நடிகர் சியான் விக்ரம் (Chiyaan Vikram) முக்கிய வேடத்தில் நடிக்க வைக்கவேண்டும் என நினைத்ததாக தெரிவித்துள்ளார். அது பற்றி விவரமாக பார்க்கலாம்.

இதையும் படிங்க: 4 மாநில விருதுகளை வென்றது ரக்‌ஷித் ஷெட்டியின் 777 சார்லி படம்

பைசன் படத்தை பற்றி இயக்குநர் மாரிசெல்வராஜ் பேசிய விஷயம்

சமீபத்தில் பத்திரிகையாளர்கள் சந்திப்பில் பேசிய மாரிசெவ்ராஜ், இந்த பைசன் படத்தில் பசுபதி சாரின் கதாபாத்திரம் மிக முக்கியமான கதாபாத்திரம், ஆரம்பத்தில் இந்த கதாபாத்திரத்திற்காக, நான் எஸ்.ஜே. சூர்யா சார் மற்றும் சியான் விக்ரம் சாரிடம் பேசினேன். அப்போது விக்ரம் சார் என்னிடம், “அதை துருவ்தான் முடிவெடுக்கவேண்டும். அவர் தனியாக வரவேண்டும் என நான் நினைக்கிறேன்” என விக்ரம் சார் கூறினார்.

இதையும் படிங்க: தனுஷ் – மமிதா பைஜூவின் டி54 படம்.. ரிலீஸ் எப்போது தெரியுமா?

விக்ரம் சார் ஒரு சரியான காரணத்தை என்னிடம் கூறினார். நான், அப்பாவாக ஒரு கதாபாத்திரத்தை இப்படத்தில் மிகவும் முக்கியமாக உருவாக்கியிருக்கிறேன். இந்த கதாபாத்திரம் எதோ ஒருவகையில், நிச்சயமாக ஒரு விவாத பொருளாக மாறும் என நினைக்கிறேன்” என்று இயக்குநர் மாரிசெல்வராஜ் அந்த சந்திப்பில் பேசியுள்ளார். தற்போது இந்த தகவலானது ரசிகர்கள் மத்தியில் வைரலாகிவருகிறது.

பைசன் பட பாடல் தொடர்பாக படக்குழு வெளியிட்ட பதிவு :

இந்த பைசன் படத்தில் துருவ் விக்ரம் ஹீரோவாக நடிக்க, நடிகை அனுபமா பரமேஸ்வரன் கதாநாயகியாக நடித்துள்ளார். மேலும் இதில் நடிகர்கள் லால், ரஜிஷா விஜயன், கலையரசன், பசுபதி மற்றும் பல்வேறு பிரபலங்கள் இணைந்து நடித்துள்ளனர். இந்த படமானது வரும் 2025 அக்டோபர் 17ம் தேதியில் தீபாவளியை முன்னிட்டு வெளியாகவுள்ளது என்பது குறிப்பிடத்தக்கது.