Lokesh Kanagaraj: அஜித் குமாருக்கு கதை சொன்ன லோகேஷ் கனகராஜ்? படம் எப்போ வருது தெரியுமா?
Lokesh Kanagaraj And Ajith Alliance: தமிழ் சினிமாவில் இயக்குநராக தனக்கென ரசிகர்களை தக்கவைத்திருப்பவர் லோகேஷ் கனகராஜ். இவரின் இயக்கத்தில் தளபதி விஜய் முதல் சூப்பர் ஸ்டார் ரஜினிகாந்த் வரை பல பிரபலங்கள் இணைந்து நடித்துள்ளனர். அந்த வகையில் இவர் அஜித் குமாருடன் புதிய படத்தில் இணையவுள்ளதாக கூறப்படுகிறது.

லோகேஷ் கனகராஜ் மற்றும் அஜித் குமார்
தென்னிந்திய சினிமாவில் பிரபல இயக்குநர்களில் ஒருவராக இருந்துவருபவர் லோகேஷ் கனகராஜ் (Lokesh Kanagaraj). இவர் தற்போது சினிமாவில் ஹீரோவாகவும் நடிக்க தொடங்கியுள்ளார். இயக்குநராக இதுவரை 6 படங்களை இயக்கி ஹிட் கொடுத்திருக்கும் நிலையில், மற்றொரு இயக்குநரான அருண் மாதேஸ்வரனின் இயக்கத்தில் டிசி (DC) என்ற படத்தில் கதாநாயகனாக நடித்துவருகிறார். இந்த படத்தின் ஷூட்டிங் தொடங்கி பிரம்மாண்டமாக நடைபெற்றுவரும் நிலையில், இதில் அவருக்கு ஜோடியாக நடிகை வாமிகா கபி (Wamiqa gabbi) நடித்துவருகிறார். இந்த படத்தை அடுத்ததாக கைதி 2 (Kaithi 2) திரைப்படத்தை இவர் இயக்கவுள்ளார் என கூறப்படும் நிலையில், இவரின் அடுத்தடுத்த படங்கள் தொடர்பான தகவல்கள் இணையாயத்தில் வைரலாகிவருகிறது.
இவர் அஜித் குமாருடன் (Ajith Kumar) புதிய படத்தில் இணையவுள்ளதாக வட்டாரங்கள் உறுதியாக கூறுகிறது. லோகேஷ் கனகராஜ் புது படத்திற்கான கதையை அஜித் குமாருக்கு கூறியிருப்பதாகவும், அஜித் குமாருக்கு அந்த கதை பிடித்திருப்பதாகவும் கூறப்படுகிறது. மேலும் இந்த படம் எப்போது உருவாகும் என்பது குறித்து ரசிகர்கள் மத்தியில் எதிர்பார்ப்புகள் அதிகரித்து வருகிறது.
இதையும் படிங்க: சினிமாவில் எனக்கு ரொம்ப பிடிச்ச வேலை அதுதான்.. அதை சஞ்சயும் செய்ய வேண்டும் – தளபதி விஜய் பகிர்ந்த விஷயம்!
அஜித் குமாரின் ரேஸின் குறித்து மேலாளர் சுரேஷ் சந்திரா வெளியிட்ட பதிவு :
” It is never too late to start a new beginning, a new career in your life” 🏁🇮🇳❤️ @Akracingoffl pic.twitter.com/fpsVIo58fQ
— Suresh Chandra (@SureshChandraa) November 26, 2025
லோகேஷ் கனகராஜ் – அஜித் குமார் கூட்டணி படம் எப்போது உருவாகிறது :
நடிகர் அஜித் குமார் தற்போது கார் ரேஸ் போட்டியில் பிசிடியாக இருந்துவருகிறார். மேலும் இவர் ஜனவரியில் முக்கியமான கார் ரேஸ் போட்டியிலும் கலந்துகொள்ளவுள்ளார். இந்த போட்டியை முடித்தவுடன் வரும் 2-26ம் ஆனது பிப்ரவரி மாதத்தின் இறுதியில், இயக்குநர் ஆதிக் ரவிச்சந்திரன் பக்கத்தில் AK64 படத்தில் இணையவுள்ளார். இந்த படத்தின் ஷூட்டிங் கிட்டத்தட்ட 5 மாதங்களுக்கும் மேல் நடக்கும் என கூறப்படுகிறது. இந்த படத்தின் ஷூட்டிங்கை முடித்தபிறகு லோகேஷ் கனகராஜின் இயக்கத்தில் அஜித் குமார் நடிப்பதற்கு அதிக வாய்ப்புகள் உள்ளதாக கூறப்படுகிறது.
இதையும் படிங்க: தலைவர் 173-க்கு நோ… சுந்தர் சி இயக்கும் படத்தின் அப்டேட் இதோ
ஆனால் இது குறித்து அஜித் குமார் தரப்பிலும், லோகேஷ் கனகராஜ் தரப்பிலும் எந்தவித அறிவிப்புகளும் வெளியாகவில்லை என்பது குறிப்பிடத்தக்கது. மேலும் இப்படம் உருவானால் நிச்சயம் 2027ம் ஆண்டில் வெளியாகும் என கூறப்படுகிறது. மேலும் இயக்குநர் லோகேஷ் கனகராஜ் தெலுங்கு சினிமாவிலும் இயக்குனராக அறிமுகமாகவுள்ளார் என்றும், அல்லு அர்ஜுன், பிரபாஸ் மற்றும் பவன் கல்யாண் போன்ற நடிகர்களை கொண்டு புது படத்தை இயக்க உள்ளார் என்றும் கூறப்படுகிறது. இது எந்த அளவிற்கு உண்மை என தெரியவில்லை. மேலும் கைதி 2 படம் உறுதியாக 2027ம் ஆண்டில் வெளியாகும் என லோகேஷ் கனகராஜ் தெரிவித்திருந்தார் என்பது குறிப்பிடத்தக்கது.