நடிகர் சூப்பர் குட் சுப்பிரமணி உடல்நல குறைவால் காலமானார்!

சென்னை, மே 10 : தமிழ் திரைப்படங்களில் குணச்சித்திர மற்றும் நகைச்சுவை கதாபாத்திரங்களில் நடித்து வந்த நடிகர் சூப்பர் குட் சுப்பிரமணி உடல்நல குறைவால் உயிரிழந்தார். அவருக்கு வயது 58 ஆகும். புற்றுநோயால் பாதிகப்பட்டு இருந்த அவர், கடந்த சில நாட்களாக சென்னை ராஜீவ்காந்தி அரசு மருத்துவமனையில் சிகிச்சை பெற்று வந்தார். இந்த நிலையில், அவர் இன்று ( மே 10, 2025) சிகிச்சை பலனின்றி உயிரிழந்துள்ளார். அவரது மறைவு திரைத்துறையினர் மத்தியில் பெரும் சோகத்தை ஏற்படுத்தியுள்ளது.

குணச்சித்திர கதாப்பாத்திரங்களில் கலக்கிய சூப்பர் குட் சுப்பிரமணி

தமிழ் சினிமாவின் குணசித்திர கதாபாத்திரங்களிலும், நகைச்சுவை கதாபாத்திரங்களிலும் நடித்து வந்தவர் சூப்பர் குட் சுப்பிரமணி. சினிமாவில் 30 ஆண்டுகளாக நடித்து வந்த இவர், தமிழில் பரியேறும் பெருமாள், பிசாசு, ரஜினி முருகன், ஜெய் பீம், வானம் உள்ளிட்ட திரைப்படங்களில் நடித்துள்ளார். இவரின் உண்மையான பெயர் சுப்பிரணியாக உள்ள நிலையில், சூப்பர் குட் பிலிம்ஸ் நிறுவனத்தில் பணியாற்றியதன் காரணமாக இவர் சூப்பட் குட் சுப்பிரமணி என அழைக்கப்பட்டு வந்தார்.

சூப்பர் குட் சுப்பிரமணி காலமானார்

RIP #SuperGoodSubramani sir pic.twitter.com/2Nqnd3CB1s

— Etcetera Entertainment (@Etceteraenter) May 10, 2025

புற்றுநோயால் தவித்து வந்த சூப்பர் குட் சுப்பிரமணி

நடிகர் சூப்பர் குட் சுப்பிரமணி புற்றுநோயால் பாதிக்கப்பட்ட நிலையில் சிகிச்சை பெற்று வந்தார். இவர் புற்றுநோயின் 4வது கட்டத்தில் இருந்த நிலையில், கடந்த சில நாட்களாக மிகவும் ஆபத்தான நிலையில் உயிருக்கு போராடி வந்தார். இதற்கிடையே கடமை உணர்ச்சியுடன் தான் கடைசியான நடித்த பரமன் திரைப்படத்தின் டப்பிங்கிலும் அவர் பங்கேற்றார். அப்போது மிகவும் உடல் மெலிந்த நிலையில் இருந்த சூப்பர் குட் சுப்பிரமணியை பார்த்து அவரது ரசிகர்கள் வருத்தம் தெரிவித்து வந்தனர்.

இந்த நிலையில் உடல்நிலை மிகவும் மோசமான நிலையில், சென்னை ராஜீவ்காந்தி அரசு மருத்துவமனையில் அனுமதிக்கப்பட்டு சிகிச்சை பெற்று வந்த அவர், இன்று ( மே 10, 2025) சிகிச்சை பலனின்றி உயிரிழந்தார். அவரின் மறைவு செய்து திரைத்துறையை அதிர்ச்சிக்கு உள்ளாக்கியுள்ள நிலையில், திரைத்துறையினர் மற்றும் பொதுமக்கள் இரங்கல் தெரிவித்து வருகின்றனர் என்பது குறிப்பிடத்தக்கது.