நடிகர் ராஜேஷ் மறைவு… ரஜினிகாந்த் உட்பட பிரபலங்கள் பலர் இரங்கல்

ரஜினிகாந்த் உடன் நடிகர் ராஜேஷ்

தமிழ் சினிமாவின் பழம் பெரும் நடிகர் ராஜேஷ் (Actor Rajesh) இன்று 29-ம் தேதி மே மாதம் 2025-ம் ஆண்டு தனது 75-வது வயதில் காலமானார். 1974-ம் ஆண்டு சினிமாவில் நடிகராக அறிமுகம் ஆன நடிகர் ராஜேஷ் நாயகன், வில்லன், குணச்சித்திரம் என பல கதாப்பாத்திரங்களில் நடித்துள்ளார். தமிழ் சினிமாவில் பல முன்னணி நடிகர்களுக்கு அண்ணனாகவும், அப்பாவாகவும் பல படங்களில் நடித்துள்ளார். வயது மூப்பின் காரணமாக படங்களில் நடிப்பதில் இருந்து பல நடிகர்கள் விலகி இருந்தாலும் தமிழ் சினிமாவில் சிலர் தங்களது வயதைப் பொருட்படுத்தாமல் தொடர்ந்து நடித்து வருகின்றனர். அந்த வகையில் நடிகர் ராஜேஷ் கடந்த 2024-ம் ஆண்டு நடிகர் விஜய் சேதுபதி நடிப்பில் வெளியான மெரி கிறிஸ்துமஸ் படத்திலும் அவர் நடித்து இருந்தது குறிப்பிடத்தக்கது.

இப்படி தான் உயிரிழக்கும் வரை சினிமாவில் நடிகராக வலம் வந்துள்ளார் ராஜேஷ். இந்த நிலையில் இன்று தனது வயது மூப்பின் காரணமாக அவர் உயிரிழந்துள்ளார். அவரது இழப்பு குடும்பத்தினர் மட்டும் இன்றி திரையுலத்தினரையும் ரசிகர்களையும் சோகத்தில் ஆழ்த்தியுள்ளது. மேலும் நடிகர் ரஜினிகாந்த் உட்பட பிரபலங்கள் பலர் தங்கள் இரங்கல் பதிவை சமூக வலைதளப் பக்கத்தில் பதிவிட்டு வருகின்றனர்.

நடிகர் ரஜினிகாந்த் வெளியிட்ட இரங்கல் பதிவு:

அதனைத் தொடர்ந்து நடிகை ராதிகா வெளியிட்ட எக்ஸ் தள பதிவில் அவர் கூறியுள்ளதாகவது, நடிகர் ராஜேஷின் திடீர் மறைவைக் கேட்டு அதிர்ச்சி அடைந்தேன். மேலும் பல படங்களில் நாங்க ஒன்றாக இணைந்து பணியாற்றியுள்ளோம். சினிமா குறித்தும் வாழ்க்கை குறித்தும் ஆழ்ந்த அறிவு கொண்டவர் அவர். அவரை ஒரு குடும்பதினராகவும், நண்பராகவும் சக நடிகராகவும் அதிகமாக மிஸ் செய்வேன் என்று தெரிவித்துள்ளார்.

நடிகை ராதிகா சரத்குமார் வெளியிட்ட எக்ஸ் தள பதிவு:

மேலும் தயாரிப்பாளர் தனஞ்ச்ஜெயன் வெளியிட்ட எக்ஸ் தள பதிவில் நடிகர் ராஜேஷின் மரணம் மிகுந்த சோகத்தை ஏற்படுத்துவதாக தெரிவித்தார். மேலும் மிகவும் மரியாதைக்குரிய நபராம சினிமாவில் இருந்தார் என்று தெரிவித்த அவர் ராஜேஷின் முடும்பத்தினருக்கு தனது ஆழ்ந்த இரங்களை தெரிவித்துக் கொள்வதாகவும் பதிவிட்டுள்ளார்.

தயாரிப்பாளர் தனஞ்ஜெயன் வெளியிட்ட எக்ஸ் தள பதிவு:

நடிகர் கயல் தேவராஜ் எக்ஸ் தள பதிவு: