Post Office Scheme: 5 ஆண்டுகளில் ரூ.5 லட்சம் லாபம் கிடைக்கும் திட்டம் – எப்படி முதலீடு செய்வது?
National Savings Scheme : தபால் நிலைய சேமிப்பு திட்டங்கள் நம் முதலீடு செய்யும் பணத்துக்கு முழுமையான பாதுகாப்பு வழங்குகின்றன. குறிப்பாக தேசிய சேமிப்பு சான்றிதழ் திட்டத்தில் முதலீடு செய்வதன் மூலம் 5 ஆண்டுகளில் ரூ.5 லட்சம் வரை லாபம் பெறுவது என பார்க்கலாம்.
தபால் நிலைய (Post Office) சேமிப்பு திட்டங்களில் சரியான முறையில் முதலீடு செய்தால் அதிக லாபம் பெறலாம். மற்ற சேமிப்பு திட்டங்களை விட தபால் நிலைய சேமிப்பு திட்டங்களில் பாதுகாப்பு கிடைக்கும் என்பதால் நம்பகமான திட்டமாக பார்க்கப்படுகிறது. இந்த தபால் நிலைய திட்டங்களில் 5 ஆண்டுகளில் ரூ.5 லட்சம் லாபம் பெறலாம். தபால் நிலைய சேமிப்பு திட்டங்களில் ஒன்று தான் தேசிய சேமிப்பு சான்றிதழ் (National Savings Certificates) என்ற திட்டம். இந்த திட்டத்தில் எவ்வளவு முதலீடு செய்தால் எவ்வளவு லாபம் கிடைக்கும் என்பது குறித்து விரிவாக பார்க்கலாம்.
ஒவ்வொரு நபரும் தனது வருமானத்தில் ஒரு பகுதியை பாதுகாப்பான இடத்தில் முதலீடு செய்ய வேண்டும் என நினைக்கிறார்கள். அவர்களுக்கு பெரிதும் கைகொடுப்பது தபால் நிலைய சேமிப்பு திட்டங்கள் முக்கியமானது. இதில் நம் பணம் பாதுகாப்பாக இருப்பது மட்டுமல்லாமல் நல்ல வருமானமும் கிடைக்கும். அப்படி ஒரு திட்டம் தான் தேசிய சேமிப்புச் சான்றிதழ் (NSC) திட்டம். இந்தத் திட்டத்தின் மிகவும் சிறப்பு வாய்ந்த விஷயம் என்னவென்றால், அதில் கிடைக்கும் வட்டி ஒவ்வொரு ஆண்டும் நம் கணக்கில் சேர்க்கப்படும். தற்போது, இந்தத் திட்டத்தில் ஆண்டுக்கு 7.7% வட்டி வழங்கப்படுகிறது, இது கூட்டுச் சேர்க்கையின் படி மிகவும் பயனுள்ளதாக இருக்கும்.
இதையும் படிக்க : குழந்தைகளின் எதிர்காலத்திற்காக ரூ.15 லட்சம் சேமிக்கலாம் – இதை டிரை பண்ணுங்க
5 ஆண்டுகளில் ரூ.5 லட்சம் பெறுவது எப்படி?
இப்போது இந்த திட்டத்தில் ஐந்து ஆண்டுகளில் 5 லட்சம் ரூபாய் எப்படி சம்பாதிக்க முடியும் என பார்க்கலாம். நீங்கள் ஒரே நேரத்தில் 11 லட்சம் முதலீடு செய்கிறீர்கள் என வைத்துக்கொண்டால், 5 ஆண்டுகளுக்குப் பிறகு வட்டியுடன் சேர்த்து ரூ. 15,93,937 கிடைக்கும். இதன் பொருள் உங்களுக்கு ரூ.4,93,937 வட்டி கிடைக்கும். அதாவது, 5 ஆண்டுகளில் சுமார் 5 லட்சம் ரூபாய் லாபம் கிடைக்கும். இதன் மூலம் வரி விலக்கும் கிடைக்கும் என்பதால் அந்த தொகை முழுமையாக நமக்கு கிடைக்கும்.
சிறிய தொகையுடன் முதலீட்டைத் தொடங்கலாம்
உங்களிடம் பெரிய தொகை இல்லை என்றால், அது குறித்து கவலைப்படத் தேவையில்லை. நீங்கள் ஒரு சிறிய தொகையுடன் தொடங்கி படிப்படியாக முதலீட்டை அதிகரிக்கலாம். உங்கள் பெயரில் மட்டுமல்ல, உங்கள் பெற்றோர் மற்றும் குழந்தைகளின் பெயரிலும் கணக்கு துவங்கி சேமிக்கலாம். தேசிய சேமிப்பு சான்றிதழ் திட்டத்தில் குறைந்தபட்சம் ரூ.1000 முதல் துவங்கி உங்கள் விரும்பும் அளவுக்கு பணத்தை முதலீடு செய்யலாம். இந்த திட்டத்தில் அதிகபட்ச வரம்பு இல்லை. ஆனால் இந்த திட்டத்தின் கால வரம்பு 5 ஆண்டுகள் மட்டுமே. உங்களுக்கு முழு பலன் கிடைக்க 5 ஆண்டுகள் தொடர்ந்து முதலீடு செய்யவும்.
இதையும் படிக்க : சேமிப்பின் 10-30-50 விதி என்றால் என்ன?.. கட்டாயம் தெரிந்துக்கொள்ளுங்கள்!
வரி விலக்கு
இந்த திட்டத்தின் மற்றொரு பெரிய நன்மை, இதில் முதலீடு செய்வதன் மூலம், வருமான வரிப் பிரிவு 80c இன் கீழ் வரி விலக்கும் கிடைக்கும். ஒரு நிதியாண்டில் ரூ.1.5 லட்சம் வரை முதலீட்டில் வரி விலக்கு கிடைக்கும்.
