PF Accounts Merge: உங்களிடம் பல பிஎஃப் கணக்குகள் இருக்கா ? நீங்கள் செய்ய வேண்டியது இதுதான்!

வேலை மாறும்போது புதிய பி.எஃப் (PF) கணக்குகள் உருவாகும் சூழ்நிலை வழக்கமாகவே உள்ளது.  சில பல ஆண்டுகளில் ஒருவர் பல வேலைகளுக்கு மாறுவதால் அவரது பிஎஃப் கணக்குகளும் அதிகரிக்கும். இதன் காரணமாக பண நிதி மேலாண்மை சிக்கலாகும். இதற்கான தீர்வாக, பி.எஃப் கணக்குகளை ஒரே கணக்காக இணைப்பது மிகவும் அவசியம்.  ஒருவருக்கும் ஒரு யுஏஎன் (UAN) எண் இருந்தாலும் அவருக்கு பல பிஎஃப் கணக்குகள் இருக்கும். இதனால், பி.எஃப் தொகைகள் பல கணக்குகளில் இருக்கும்.  இந்த நிலையில் பிஎஃப் கணக்குகளை இணைப்பதன் மூலம் ஒரே கணக்கில் தொகைகளை ஒரே இடத்தில் நிர்வகிக்க முடியும். எதிர்காலத்தில் அவசர தேவைகளுக்கு பணம் எடுக்கும் போதோ அல்லது இதர விவரங்களை சேகரிக்கும்போதோ எளிதாகிறது.  இந்த கட்டுரையில் பல்வேறு பிஎஃப் கணக்குகளை எப்படி இணைப்பது என்பது குறித்து பார்க்கலாம்.

இபிஎஃப்ஓ இணையதளம் வழியாக பிஎஃப் கணக்குகளை இணைக்கும் முறை

• https://unifiedportal-mem.epfindia.gov.in என்ற இபிஎஃப்ஓ இணையதளத்துக்கு செல்லவும். 

  இதையும் படியுங்கள்

  

  EPFO : ஜூன் 30-க்குள் UAN ஆக்டிவேட் செய்ய வேண்டும்.. காலக்கெடுவை நீட்டித்த இபிஎஃப்ஓ!

  

  EPFO : உங்கள் UAN எண்ணை மறந்துவிட்டீர்களா? எப்படி திரும்ப பெறுவது?

  

  EPFO: யூஏஎன் ஆக்டிவேட் செய்ய கடைசித் தேதி நீட்டிப்பு – எப்படி ஆக்டிவேட் செய்வது? அதன் நன்மைகள் என்ன?

  

  EPFO : விரைவில் அமலுக்கு வரும் இபிஎஃப்ஓ 3.0.. இனி எல்லாமே ஈஸி தான்!

• உங்கள் யுஏஎன் மற்றும் பாஸ்வேர்டை பயன்படுத்தி லாகின் செய்யவும்.

• மேலே உள்ள Online Services என்பதை கிளிக் செய்யவும்.

• One Member – One EPF Account (Transfer Request) என்பதை தேர்ந்தெடுக்கவும்.

• உங்கள் பெயர், UAN மற்றும் பதிவு செய்யப்பட்ட மொபைல் எண்ணை உள்ளிடவும்.

• Generate OTP என்பதைக் கிளிக் செய்யவும்.

• உங்கள் மொபைல் எண்ணுக்கு வந்த OTP-ஐ உள்ளீடு செய்து Verify OTP என்பதைக் கிளிக் செய்யவும்.

• புதிய விண்டோவில், இணைக்க வேண்டிய பழைய பிஎஃப் கணக்குகளின் விவரங்களை வழங்கவும்.

• நிபந்தனைகளுக்கான பாக்ஸை தேர்வு செய்து Submit செய்யவும்.

பிஎஃப் கணக்குகளை இணைக்கும் முறை

Employees must ensure transfer of their PF account when changing a job. To know more about the duties of employees, click the link below https://t.co/VyUTnyzhP6#Employees #Employers #EPFAct #EPFO #HumHainNaa #EPFOwithYou #ईपीएफओ pic.twitter.com/tw1gNFrjCk

— EPFO (@socialepfo) July 16, 2024

இமெயில் மூலமாக பிஎஃப் கணக்குகளை இணைக்கும் முறை

• உங்கள் பெயரில் ஏற்கனவே உள்ள பிஎஃப் கணக்குகளின் விவரங்களை தொகுத்து, uanepf@epfindia.gov.in என்ற மின்னஞ்சல் முகவரிக்கு அனுப்பவும்.

• உங்கள் மின்னஞ்சலில்:

  • பெயர்

  • பழைய மற்றும் புதிய UAN எண்கள்

  • தொடர்புடைய பிஎஃப் கணக்குகளின் விவரங்கள் இருக்க வேண்டும்.

• EPFO உங்கள் தகவல்களை சரிபார்த்து, பழைய யுஏஎன்களை முடக்கி, தற்போதைய யுஏஎன் எண்ணை செயல்பாட்டுக்கு கொண்டு வரும்.

• பின்னர், பழைய பிஎஃப் கணக்குகளில் உள்ள தொகையை புதிய பிஎஃப் கணக்கில் மாற்றுவதற்கான கிளைம் (claim) ஒன்றைச் சமர்ப்பிக்க வேண்டும்.

ஒரே யுஏஎன் பயன்படுத்தப்பட்டால், எதிர்காலத்தில் பணி ஓய்வு நிதியை எளிதாக பெற முடியும். மேலும் பிஎஃப் கணக்குகளை ஒழுங்குபடுத்துவதன் மூலம் நிதி மேலாண்மை எளிதாகும். ஓய்வுக்கு பின்னர் நிதி பாதுகாப்பு உறுதி செய்யப்படும்.