ஹாங்காங் அடுக்குமாடி குடியிருப்பு தீ விபத்து: பலி எண்ணிக்கை 128ஆக உயர்வு!!
ஆயிரக்கணக்கான மக்கள் வசிக்கும் இந்த அடுக்குமாடி குடியிருப்பில், தீ மிக வேகமாக பரவியது. சுமார் 43 மணி நேர போராட்டத்துக்குப் பின் தீயணைப்பு வீரர்கள் அங்கு தீயை அணைத்துள்ளனர். இதில் குறைந்தது 79 பேர் காயம் அடைந்ததாகவும், 200 க்கும் மேற்பட்டோர் இன்னும் காணாமல் உள்ளதாகவும் அதிகாரிகள் தகவல் தெரிவித்துள்ளனர்.
ஹாங்காங்கில் பெரும் தீ விபத்து..
ஹாங்காங்கில் சீரமைப்பு பணிகள் நடைபெற்று வந்த அடுக்குமாடி குடியிருப்பில் கடந்த நவம்பர் 26 (புதன்கிழமை) அன்று கடும் தீ விபத்து ஏற்பட்டது. மூத்த அதிகாரிகள் வெளியிட்ட தகவலின்படி, இந்த விபத்தில் இதுவரை உயிரிழந்தவர்களின் எண்ணிக்கை 128ஆக அதிகரித்ததாகக் கூறப்படுகிறது. மேலும், அங்கிருந்த 200க்கும் மேற்ப்பட்டோர் மாயமானதாகவும் பல ஊடகங்கள் குறிப்பிடுகின்றன. தீயணைப்பு பணிகள் சுமார் 43 மணி நேரமாக நீடித்ததாக கூறப்படுகிறது. தொடர்ந்து, தீயை அணைக்கவே முடியாமல் இருந்த பகுதிகளில் தீவிரமாக நடந்து வந்த, தீ அணைப்புப் பணிகள் நவம்பர் 28 (வெள்ளிக்கிழமை) அன்று முற்றிலும் முடிக்கப்பட்டதாக தகவல்கள் தெரிவிக்கின்றன. தற்போது அங்கு மறுசீரமைப்பு நடவடிக்கைகள், நிவாரணம் மற்றும் ஆவணப் பறிமுதல் நடைமுறைகள் நடந்து வருகின்றன.
இதையும் படிக்க: இலங்கையில் ருத்ரதாண்டவம் ஆடிய ‘தித்வா புயல்’.. பலியானோர் எண்ணிக்கை 123 ஆக உயர்வு.. 130 பேர் மாயம்!!
தீ விபத்து சம்பவத்தில் பலர் கைது:
The death toll of the blaze in #HongKong ‘s #TaiPo neighborhood raised to 128, and the other 79 were injured. Fire extinction and search operations have been completed, involving 2300 firefighters and rescue workers. The investigation will take 3-4 weeks. R.I.P. #HongKongFire pic.twitter.com/Juc4wIdhmC
— christine za (@chris774923) November 28, 2025
தொடர்ந்து, தீ விபத்துக்குள்ளான கட்டட உரிமையாளர்கள் மற்றும் மறு கட்டுமான நிறுவனம் மீது பணப்பறிப்பு மற்றும் ஊழல் குற்றங்களில் விசாரணை நடந்து வருகிறது. இவ்விவகாரத்தில் பலர் கைது செய்யப்பட்டுள்ளனர். இந்த விபத்தின் மூலம் இப்போது ஹாங்காங் மட்டும் அல்ல, சீன அரசு மற்றும் கட்டட பாதுகாப்பு நிர்வாகங்களும், மத்திய கட்டட பாதுகாப்பு விதிமுறைகளை மீள்பார்வை செய்து வருகின்றன.
ஒலிக்காத எச்சரிக்கை ஒலி:
இந்த விபத்து குறித்து சில சாட்சி வாக்குமூலங்கள் கூறுவதாவது, தீ விபத்தின் போது அந்த குடியிருப்பு வளாகத்தின் எச்சரிக்கை ஒலி செயலிழந்திருக்கும் அல்லது அணைக்கப்பட்டிருக்கும் எனக் கூறப்படுகிறது. முன்னாள் பாதுகாப்பு மேலாளர் கூறுகையில் “இடமாற்றம் பணிகள் நடைபெறும் போது, அலாரம் சோதனைகள் நடத்தப்படவில்லை,” என்றும், “அலாரம் ஒலிக்கவில்லை. அதனால்தான் அங்கு வசிப்பவர்களுக்கு தீ ஆரம்பத்தில் தெரியவில்லை” எனவும் தெரிவித்துள்ளனர்.
அதிகாரிகள் செய்த ஆரம்பக் கட்ட விசாரணையில், எச்சரிக்கை ஒலி பலக் கட்டடங்களிலும் சரியாக செயல்படவில்லை என்று உறுதி செய்யப்பட்டுள்ளது. இதனால், தீ எப்பொழுது ஏற்பட்டது என்பது அங்கு வசிப்பவர்களுக்கு தெரியாமலே பலர் உயிரிழந்ததாகவும், பலர் மாயமானதாகவும் கூறப்படுகிறது.
இதையும் படிக்க: இலங்கையில் இடைவிடாது கொட்டித் தீர்க்கும் கனமழை.. விமானங்களை இந்தியாவுக்கு திருப்பிவிட முடிவு!
விதிமீறல் குறித்து தீவிர விசாரணை:
தீயணைப்பு விதிகளை மீறிய நிறுவனங்கள் மீதும், தவறான கட்டுமானம் குறித்தும், கட்டுமான ஊழல் குறித்தும் விசாரணை தொடங்கப்பட்டுள்ளது. பொது மக்களுக்கு பாதுகாப்பு உறுதி செய்ய, நிலவியல் கட்டடக் கட்டுப்பாட்டு விதிகள் மீளாய்வு செய்யப்படும்; மேலும் உள்நாட்டு மற்றும் அரசாங்க-சட்டங்கள் திருத்தம் செய்யப்படுமெனவும் அறிவிக்கப்பட்டுள்ளது.
