இன்ஸ்டாகிராமின் புதிய ‘எடிட்ஸ்’ ஆப் – இனி ஈஸியா வீடியோ எடிட் பண்ணலாம்!

மெட்டா (Meta) நிறுவனம் நிறுவனத்தின் புதிய முயற்சியாக, எடிட்ஸ் (Edits) என்ற வீடியோ எடிட்டிங் செயலியை இன்ஸ்டாகிராம்  (Instagram) அறிமுகப்படுத்தியுள்ளது. இது மிகவும் எளிமையான மற்றும் ஆரம்ப நிலையில் இருக்கும் கிரியேட்டர்களுக்கு ஏற்ற வகையில் வடிவமைக்கப்பட்ட ஒரு சிறந்த எடிட்டிங் டூலாக பார்க்கப்படுகிறது. இன்றைய டிஜிட்டல் யுகத்தில் இன்ஸ்டாகிராம் வீடியோக்களை பலர் கிரியேட்டிவாக எடிட் செய்திருப்பதை பார்த்திருப்போம். அதற்கு எடிட்டிங் துறையில் அனுபவம் தேவைப்படும். இந்த நிலையில் இந்த சிக்கலை இந்த எடிட்ஸ் செயலி போக்கும் என்று எதிர்பார்க்கப்படுகிறது. மேலும் எடிட்டிங் செய்ய சில செயலிகள் கட்டணங்கள் வசூலிக்கின்றன. இன்ஸ்டாவில் கட்டணம் இல்லாமல் இலவசமாக எடிட் செய்துகொள்ளலாம் என்று கூறப்படுகிறது. இந்த எடிட்டிங் ஆப் மூலம் பல கிரியேட்டர்கள் உருவாகலாம் என்று கூறப்படுகிறது.

இன்ஸ்டாவின் இந்த எடிட்ஸ் ஆப்பில் என்ன ஸ்பெஷல்?

• மெட்டா நிறுவனம் தற்போது க்ரியேட்டர்களை வளர்க்க தீவிரமாக செயல்படுகிறது. அந்த வகையில் இந்த எடிட்ஸ் செயலி வீடியோக்களை எளிமையாகவும் அதே நேரம் கிரியேட்டிவாகவும் எடிட் செய்யும் வகையில் வடிவமைக்கப்பட்டுள்ளது.
• இந்த செயலியின் UI மிகவும் நேர்த்தியானது. உதாரணமாக நீங்கள் ஒரு ஆரம்ப நிலை க்ரியேட்டராக இருந்தாலும், அல்லது நீங்கள் ஏற்கனவே இன்ஸ்டா லெஜெண்டாக இருந்தாலும்  உங்களுக்கு ஏற்ற வகையில் வீடியோவை எடிட் செய்யலாம்.
• வீடியோவை எடிட் செய்ததும் நேரடியாக இன்ஸ்டாகிராமில் நேரடியாக ரீல்ஸாகவும் ஸ்டோரியாகவும் பகிரலாம். தனியாக டவுன்லோடு செய்து அப்லோடு செய்ய வேண்டியதில்லை.
• வீடியோ எடிட்டிங்கிற்கான நேரத்தை குறைத்து, உங்கள் கற்பனை, ஐடியா போன்றவற்றுக்கு அதிக நேரம் செலவழிக்கலாம்.

இன்ஸ்டாவின் புதிய எடிட்ஸ் ஆப்

இதையும் படியுங்கள்

போன் பேட்டரியை காலி செய்யும் இன்ஸ்டாகிராம் – தவறை ஒப்புக்கொண்ட கூகுள்

இன்ஸ்டாகிராமில் புதிய மாற்றம்! இனி போட்டோக்கள் நேரடியாக அப்லோட் செய்யலாம்

Instagram : இன்ஸ்டாகிராம் ஸ்டோரியில் AI Backdrop பயன்படுத்துவது எப்படி?.. சிம்பிள் ஸ்டெப்ஸ் இதோ!

Instagram : இன்ஸ்டாகிராமில் மெசேஜ்களை ஷெட்யூல் செய்வது எப்படி?

Say hi to Edits 👋 — a new app that makes it easier to make fun videos to share on Instagram 🎥✨

Try it now: https://t.co/mc5pwsvIqx pic.twitter.com/qgTIooQ5cN

— Instagram (@instagram) April 22, 2025

முக்கிய அம்சங்கள்

• வேறு எந்த தளங்களிலும் எடிட் செய்தாலும் வாட்டர் மார்க்குடன் வரும். ஆனால் இந்த எட்டிஸ்ல் வாட்டர் மார்க் வராது. இதனால் ஒரிஜினல் வீடியோ போல அப்லோடு செய்யலாம்.
• ஏஐ அனிமேஷன் மூலம் கிரீன் ஸ்கிரீன் இல்லாமலே உங்களது வீடியோவின் பேக்ரவுண்டை மாற்றலாம்.
• வீடியோவின் தரத்தை இழக்காமல் உங்கள் வீடியோ என்ன குவாலிட்டியோ அதனை நேரடியாக அப்லோடு செய்யலாம்.
• அதே போல பேக்ரவுண்ட் நாய்ஸை நீக்கி நல்ல கிளாரிட்டியான சவுண்டுடன் அப்லோடு செய்யலாம்.
•  வீடியோக்களுக்கு நீங்கள் விரும்பும் மொழிகளில் சப்டைட்டில் உருவாக்க முடியும்.

எடிட்ஸ் ஆப்பை எப்படி பயன்படுத்துவது?

• ஆப் ஸ்டோர் அல்லது கூகுள் ப்ளே ஸ்டோரில் எடிட்ஸ் ஆப்பை டவுன்லோடு செய்யவும்
• உங்கள் இன்ஸ்டாகிராம் அக்கவுண்ட் மூலம் லாகின் செய்யவும்.
• உங்கள் மொபைலில் இருந்து நேரடியாக வீடியோக்களை அப்லோடு செய்யலாம்.
• எடிட்டிங் பேனலுக்கு சென்று உங்கள் வீடியோக்களுக்கு ஏற்ற வகையில் ஏஐ அனிமேஷன், பேக்ரவுண்ட் மாற்றம், ஃபில்டர்ஸ் போன்ற அம்சங்களை பயன்படுத்தலாம்.
• பின்னர் வாட்டர் மார்க் இல்லாமல் எக்ஸ்போர்ட் செய்து இன்ஸ்டாகிராம், வாட்ஸ்அப், யூடியூப் போன்ற தளங்களில் பகிரலாம்.