ஹஜ் பயணம் மேற்கொள்ள விரும்புவோர் விண்ணப்பிக்கலாம்.. தமிழக அரசு அறிவிப்பு

ஹஜ் பயணம் 2025

தமிழ்நாடு ஜூலை 10: 2025-ஆம் ஆண்டுக்கான ஹஜ் பயணத்துக்கு (Hajj pilgrimage) தமிழ்நாட்டைச் சேர்ந்த இஸ்லாமியர்கள் (Muslims from Tamil Nadu 2) 2025 ஜூலை 31-ஆம் தேதிவரை விண்ணப்பிக்கலாம் எனவும் விண்ணப்பங்கள் www.hajcommittee.gov.in இணையதளம் மற்றும் ‘Haj Suvidha’ செயலி வழியாக பெறலாம் எனவும் தெரிவிக்கப்பட்டுள்ளது. விண்ணப்பிக்க எந்தக் கட்டணமும் இல்லை; ரூ.1.5 லட்சம் தவணைத் தொகை செலுத்தத் தயாராக இருக்க வேண்டும் எனவும் தேர்வானவர்கள் 2 புறப்பாட்டு தளங்களைத் தேர்வு செய்யலாம் எனவும் வாழ்நாளில் ஒரே முறையே இந்திய ஹஜ் குழு வழியாக பயணம் செய்ய முடியும் (Can travel through Indian Hajj team) எனவும் தெரிவிக்கப்பட்டுள்ளது. மரணம் அல்லது மருத்துவ காரணமல்லாத ரத்து செய்யும் பயணிகளுக்கு அபராதம் விதிக்கப்படும்.

ஹஜ் பயணத்துக்கான விண்ணப்பங்கள் தொடக்கம்

2025-ஆம் ஆண்டுக்கான ஹஜ் பயணத்தை மேற்கொள்ள விரும்பும் தமிழ்நாட்டைச் சேர்ந்த இஸ்லாமியர்கள், மும்பையிலுள்ள இந்திய ஹஜ் குழு இணையதளம் மூலமாக விண்ணப்பிக்கலாம் என தமிழக அரசு அறிவித்துள்ளது. இது தொடர்பாக மாநில அரசின் சார்பில் செய்திக் குறிப்பு வெளியிடப்பட்டது.

விண்ணப்பங்கள் ஆன்லைனில் பதிவு செய்யப்பட வேண்டும் என்றும், விண்ணப்பிக்க தேவையான அடையாள ஆவணங்கள், புகைப்படம், பாஸ்போர்ட் உள்ளிட்டவை தயாராக வைத்திருக்க வேண்டுமென அறிவுறுத்தப்பட்டுள்ளது. ஹஜ் குழுமங்களின் மூலமாக பயண ஏற்பாடுகள் செய்யப்பட்டு, சிறப்பான அனுபவம் வழங்கப்படும் என மாநில அரசு தெரிவித்துள்ளது.

Also Read: திருப்பூரில் பயங்கரம்.. அடுத்தடுத்து சிலிண்டர்கள் வெடித்து விபத்து.. தரைமட்டமான 40 வீடுகள்!

ஜூலை 31 வரை வாய்ப்பு: தமிழக அரசு அறிவிப்பு

இந்திய ஹஜ் குழுவின் அதிகாரப்பூர்வ இணையதளம் https://www.hajcommittee.gov.in மற்றும் ‘Haj Suvidha’ என்ற கைப்பேசி செயலியின் வாயிலாக 2025 ஜூலை 31-ஆம் தேதிவரை விண்ணப்பங்களை சமர்ப்பிக்கலாம். விண்ணப்பத்திற்கான கட்டணம் எதுவும் இல்லையென அறிவிக்கப்பட்டுள்ளது.

புதிய விண்ணப்பதாரர்கள் கடந்த ஆண்டு போலவே இரண்டு புறப்பாட்டு தளங்களை தேர்வு செய்யலாம். இந்திய ஹஜ் குழு வழியாக ஒருவருக்கு வாழ்நாளில் ஒரே முறையே ஹஜ் பயணம் செய்ய அனுமதி வழங்கப்படும் என்பது குறிப்பிடத்தக்கது. வழிகாட்டு நெறிமுறைகள் இணையதளத்தில் தெரிவிக்கப்பட்டுள்ளன.

தேர்ந்தெடுக்கப்படும் ஹஜ் பயணிகள், தவணை தொகையாக ரூ.1.50 லட்சம் செலுத்தத் தயாராக இருக்க வேண்டும். ஆன்லைன் விண்ணப்பங்களை சமர்ப்பிக்கக் கூடிய கடைசி தேதி 2025 ஜூலை 31.

மருத்துவ காரணமல்லாத ரத்து செய்யும் பயணிகளுக்கு அபராதம்

மேலும், ஹஜ் பயணத்துக்கு தேர்வு செய்யப்பட்ட பிறகு, மரணம் அல்லது கடுமையான உடல்நிலை பிரச்சனையைத் தவிர வேறு காரணங்களுக்காக பயணத்தை ரத்து செய்யும் நிலையில் அபராதம் விதிக்கப்படும். எனவே, தங்களது உடல்நிலை மற்றும் நிதிநிலை ஆகியவற்றை கவனமாக பரிசீலித்த பிறகே விண்ணப்பிக்க வேண்டும் என தமிழக அரசு கேட்டுக்கொண்டுள்ளது.