Tamil Nadu Class 12 Result 2025 : இந்த ஆண்டும் மாணவர்களை விட மாணவிகளே அதிக தேர்ச்சி.. எத்தனை சதவீதம் தெரியுமா?

மாதிரி புகைப்படம்

சென்னை, மே 08 : தமிழகத்தில் 12 ஆம் வகுப்பு பொதுத் தேர்வுக்கான தேர்வு முடிவுகள் (12th Board Exam Result) வெளியாகியுள்ளது. தமிழகத்தில் மார்ச் 03, 2025 முதல் மார்ச் 25, 2025 வரை 12 ஆம் வகுப்புக்கு பொதுத்தேர்வு நடந்து முடிந்த நிலையில் இன்று (மே 08, 2025) காலை சரியாக 9 மணி அளவில் தேர்வு முடிவுகள் வெளியாகியுள்ளது. இந்த தேர்வில் 95.03 சதவீதம் மாணவர்கள் தேர்ச்சி பெற்றுள்ளனர். இந்த நிலையில், எந்த எந்த மாவட்டங்கள் அதிகம் தேர்ச்சி பெற்றுள்ளது. எந்த பாடத்தில் அதிக அளவிலான மாணவர்கள் தேர்ச்சி பெற்றுள்ளனர் என்பது குறித்து விரிவாக பார்க்கலாம்.

12 ஆம் வகுப்பு தேர்வு முடிவுகள் வெளியானது

தமிழகத்தில் மார்ச் 03, 2025 முதல் மார்ச் 25, 2025 வரை 12 ஆம் வகுப்புக்கு பொதுத்தேர்வு நடைபெற்ற நிலையில், அதற்கான தேர்வு முடிவுகள் தற்போது வெளியாகியுள்ளது. இதில் சுமார் 7,92,494 மாணவர்கள் தேர்வு எழுதிய நிலையில், அதில் 95.03 சதவீதம் அதாவது 7 ,53,142 மாணவர்கள் தேர்ச்சி பெற்றுள்ளனர். இதில் 4,05,472 (96.70 சதவீதம்) மாணவிகளும், 3,47,670 (93.16 சதவீதம்) மாணவர்களும் தேர்ச்சி பெற்றுள்ளனர். அதன்படி, மாணவர்களை விட மாணவிகள் 3.54 சதவீதம் அதிகம் தேர்ச்சி பெற்றுள்ளனர்.

தேர்வு முடிவுகளை வெளியிட்ட பள்ளி கல்வித்துறை

பள்ளி வாரியான தேர்ச்சி விகிதங்கள்

• அரசு பள்ளிகளில் 91.94 சதவீதம் மாணவர்கள் தேர்ச்சி பெற்றுள்ளனர்.
• அரசு உதவி பெறும் பள்ளிகளில் 95.71 சதவீதம் மாணவர்கள் தேர்ச்சி பெற்றுள்ளனர்.
• தனியார் சுய நிதி பள்ளிகளில் 98.88 சதவீதம் மாணவர்கள் தேர்ச்சி பெற்றுள்ளனர்.
• இருபாலர் பள்ளிகளில் 95.30 சதவீதம் மாணவர்கள் தேர்ச்சி பெற்றுள்ளனர்.
• பெண்கள் பள்ளிகளில் 96.50 சதவீதம் மாணவர்கள் தேர்ச்சி பெற்றுள்ளனர்.
• ஆண்கள் பள்ளிகளில் 90.14 சதவீதம் மாணவர்கள் தேர்ச்சி பெற்றுள்ளனர்.

அதிக தேர்ச்சி சதவீதம் பெற்ற முதல் 5 மாவட்டங்கள்

• 98.82 சதவீதம் தேர்ச்சி விகிதத்தை பெற்று அரியலூர் மாவட்டம் முதல் இடம் பிடித்துள்ளது.
• 97.98 சதவீதம் தேர்ச்சி விகிதத்தை பெற்று ஈரோடு மாவட்டம் இரண்டாவது இடம் பிடித்துள்ளது.
• 97.53 சதவீதம் தேர்ச்சி விகிதத்தை பெற்று திருப்பூர் மாவட்டம் மூன்றாவது இடம் பிடித்துள்ளது.
• 97.48 சதவீதம் தேர்ச்சி விகிதத்தை பெற்று கோயம்புத்தூர் மாவட்டம் நான்காவது இடம் பிடித்துள்ளது.
• 97.01 சதவீதம் தேர்ச்சி விகிதத்தை பெற்று கன்னியாகுமரி மாவட்டம் ஐந்தாவது இடம் பிடித்துள்ளது.

அதிக தேர்ச்சி பெற்ற அரசு பள்ளிகள் – முதல் 5 மாவட்டங்கள்

• 98.32 தேர்ச்சி விகிதத்தை பெற்று அரியலூர் மாவட்டம் முதல் இடம் பிடித்துள்ளது.
• 96.88 சதவீதம் தேர்ச்சி விகிதத்தை பெற்று ஈரோடு மாவட்டம் இரண்டாவது இடம் பிடித்துள்ளது.
• 95.64 சதவீதம் தேர்ச்சி விகிதத்தை பெற்று திருப்பூர் மாவட்டம் மூன்றாவது இடம் பிடித்துள்ளது.
• 95.06 தவீதம் தேர்ச்சி விகிதத்தை பெற்று கன்னியாகுமரி மாவட்டம் நான்காவது இடம் பிடித்துள்ளது.
• 94.99 சதவீதம் தேர்ச்சி விகிதத்தை பெற்று கடலூர் மாவட்டம் ஐந்தாவது இடம் பிடித்துள்ளது.