மதுரை உத்தங்குடியில் இன்று நடக்கும் மாபெரும் திமுக பொதுக்குழு கூட்டம்..!
DMK's Mega Madurai Conference: மதுரை உத்தங்குடியில் திராவிட முன்னேற்ற கழகத்தின் பொதுக்குழு கூட்டம் முதல்வர் மு.க. ஸ்டாலின் தலைமையில் 'கலைஞர் திடல்' மேடையில் நடக்கிறது. 100 அடி உயர திமுக கொடியை ஏற்றி ஸ்டாலின் கூட்டத்தை தொடங்கி வைக்கிறார். மதுரை நகரம் முழுவதும் திமுக கொடிகள் அலங்கரிக்கப்பட்டு விழாக்கோலம் பூண்டது.
மதுரை ஜூன் 01: திராவிட முன்னேற்ற கழகத்தின் பொதுக்குழு கூட்டம் (Dravida Munnetra Kazhagam general committee meeting) 2025 ஜூன் 01 இன்று காலை 9 மணிக்கு மதுரை உத்தங்குடியில் (Uthangudi, Madurai) தொடங்கியது. முதல்வர் மு.க. ஸ்டாலினுக்கு (Chief Minister M.K. Stalin) கிராமிய கலை நிகழ்ச்சிகள் மற்றும் இருவண்ணக் கொடிகளுடன் எழுச்சியான வரவேற்பு அளிக்கப்பட்டது. 20 ஏக்கரில் அமைக்கப்பட்ட ‘கலைஞர் திடல்’ மேடையில் 4,000க்கும் மேற்பட்டோர் பங்கேற்கின்றனர். கூட்டத்தில் 3,400 பொதுக்குழு உறுப்பினர்கள், அமைச்சர்கள், எம்.பி., எம்.எல்.ஏ.க்கள் உள்ளிட்டோர் கலந்து கொள்கின்றனர். 100 அடி உயரத்தில் திமுக கொடியை ஸ்டாலின் ஏற்றி கூட்டத்தை தொடங்கி வைத்தார். மதுரை முழுவதும் திமுக கொடிகள் அலங்கரிக்கப்பட்டு விழாக்கோலத்தில் காணப்படுகிறது.
முதல்வருக்கு வெகு விமர்சன வரவேற்பு
மாநில முதல்வரும் திமுக தலைவருமான மு.க. ஸ்டாலின், புதூரில் தங்கியிருந்த அரச விடுதியில் இருந்து உத்தங்குடி ‘கலைஞர் திடல்’ வரையிலான பாதையில், கட்சி தொண்டர்கள், பொதுமக்கள் இரு வண்ணக் கொடிகள் மற்றும் வரவேற்பு பதாகைகளை ஏந்தி எழுச்சிகரமான வரவேற்பு அளித்தனர். இதற்காக வழிமுழுவதும் கிராமிய கலை நிகழ்ச்சிகள் ஏற்பாடு செய்யப்பட்டிருந்தன.
மதுரை முழுக்க விழாக்கோலம்
மதுரை நகரம் முழுக்க – சுமார் 60 கிலோமீட்டர் சுற்றளவில் – திமுகவின் கொடிகள் பறக்க விட்டுத், விழாக்கோலமாக அலங்கரிக்கப்பட்டது. திமுக தொண்டர்கள் மற்றும் பொதுமக்கள் ஏராளமானோர் வழித்தடங்களில் திரண்டனர்.
மாமதுரையின் அன்பில்
மாமதுரையின் அன்பில்🖤♥️#MaduraiVisit pic.twitter.com/kJ527b705n
— M.K.Stalin (@mkstalin) May 31, 2025
பொதுக்குழுவில் 4,000 பேர் பங்கேற்பு
பொதுக்குழுக் கூட்டத்தில் பங்கேற்க 3,400 பொதுக்குழு உறுப்பினர்களுக்கு தனித்தனியாக அழைப்புக் கடிதங்கள் அனுப்பப்பட்டுள்ளன. அவர்களுடன், அமைச்சர்கள், எம்.பி., எம்.எல்.ஏ., மாவட்டச் செயலாளர்கள், தலைமை கழக நிர்வாகிகள், ஒருங்கிணைப்பாளர்கள், 23 அணி செயலாளர்கள் உள்ளிட்ட மேலும் 600 பேர் சிறப்பு அழைப்பாளர்களாக பங்கேற்கின்றனர். மொத்தம் சுமார் 4,000 பேர் கூட்டத்தில் பங்கேற்கின்றனர்.
பிரமாண்ட மேடை – ‘கலைஞர் திடல்’
மதுரை-மேலூர் நெடுஞ்சாலையில் 20 ஏக்கர் பரப்பளவில் கட்டப்பட்டுள்ள இந்த கூட்ட அரங்குக்கு ‘கலைஞர் திடல்’ என்று பெயரிடப்பட்டுள்ளது. மேடையில் மு.க.ஸ்டாலின், துரைமுருகன், டி.ஆர். பாலு, கே.என். நேரு, பி. மூர்த்தி உள்ளிட்ட முக்கிய தலைவர்கள் அமருமாறு ஏற்பாடு செய்யப்பட்டு இருக்கிறது.
திமுக கொடி ஏற்றி தொடக்க உரை
100 அடி உயர திமுக கொடிக்கம்பத்தில் திமுக கொடியை முதல்வர் மு.க. ஸ்டாலின் ஏற்றி வைத்து கூட்டத்தை அதிகாரப்பூர்வமாக தொடங்கினார்.
அண்ணா அறிவாலயம் மாதிரி அரங்கு
கூட்ட அரங்கின் முகப்பு சென்னை அண்ணா அறிவாலயத்தை ஒத்த அமைப்பில் உருவாக்கப்பட்டுள்ளது. கலைஞரின் வெண்கல சிலையும், புல்வெளிகள், மலர் தோட்டங்கள், செடிகள் மற்றும் பசுமை நிரம்பிய நுழைவாயில் பாதை அனைத்தும் சிறப்பாக அலங்கரிக்கப்பட்டுள்ளன. மேலும், முழு அரங்கிலும் ஏ.சி வசதி செய்யப்பட்டுள்ளது.
மதுரை – மக்கள் எழுச்சியின் மையமாகிறது
60 கி.மீ. தொலைவுக்கு ஒரு தடவையாக, 10 அடி இடைவெளியில் திமுக கொடிக்கம்பங்கள் நடப்பட்டுள்ளன. இந்த பிரமாண்ட ஏற்பாடுகளால் மதுரை நகரமே விழாக்கோலத்தில் தோன்றியுள்ளது. இந்த கூட்டத்தின் வாயிலாக தமிழக அரசியல் மற்றும் வளர்ச்சி குறித்த முக்கிய தீர்மானங்கள் எடுக்கப்படும் என எதிர்பார்க்கப்படுகிறது.
