AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

“ரூ.10,800 பணத்துடன் கீழே கிடந்த மணி பர்ஸ்!”.. உரியவரிடம் ஒப்படைத்த மாணவிக்கு தங்க மோதிரம் பரிசு!

Coimbatore student returns lost wallet: கோவை காளப்பட்டி சாலையில் கீழே கிடந்த மணி பர்ஸைக் கண்டெடுத்த 11ஆம் வகுப்பு மாணவி சுபிக்ஷா, அதிலிருந்த ரூ.10,800 ரொக்கம் மற்றும் முக்கிய ஆவணங்களை உரியவரிடம் ஒப்படைத்தார். மாணவியின் நேர்மையைப் பாராட்டிய உரிமையாளர் மோகன்ராஜ், அவருக்கு 2 கிராம் தங்க மோதிரத்தை பரிசாக வழங்கி நன்றி தெரிவித்தார்.

“ரூ.10,800 பணத்துடன் கீழே கிடந்த மணி பர்ஸ்!”.. உரியவரிடம் ஒப்படைத்த மாணவிக்கு தங்க மோதிரம் பரிசு!
Children
Sekaran S
Sekaran S | Updated On: 19 Nov 2026 14:31 PM IST

கோவை, நவ.19: சமூகத்தில் நேர்மைக்கும் நம்பிக்கைக்கும் சிறந்த உதாரணமாக திகழும் நிகழ்வுகள் அவ்வப்போது பொதுமக்களிடையே பெரும் வரவேற்பையும் ஊக்கத்தையும் பெற்று வருகின்றன. அந்த வகையில், கோவை வெள்ளானப்பட்டி பகுதியைச் சேர்ந்த 11ஆம் வகுப்பு மாணவி சுபிக்ஷா, சாலையில் கீழே கிடந்த மணி பர்ஸை எவ்விதத் தயக்கமுமின்றி உரியவரிடம் ஒப்படைத்து நேர்மையை வெளிப்படுத்தியுள்ளார். வெள்ளானப்பட்டியில் உள்ள பெரியநாயகி அம்மன் மெட்ரிகுலேஷன் பள்ளியில் 11ஆம் வகுப்பு படித்து வரும் சுபிக்ஷா, கடந்த 16ஆம் தேதி காளப்பட்டி சாலையில் சென்றபோது கீழே கிடந்த மணி பர்ஸ் ஒன்றைக் கண்டெடுத்துள்ளார்.

இதையும் படிக்க: தவெக ஆட்சியில் ‘Vice City’ ஆகும் தமிழ்நாடு?.. போதைப்பொருள் விவகாரத்தில் மு.க.ஸ்டாலின் சரமாரி விமர்சனம்!

பர்ஸில் இருந்த ஆவணங்களும் ரொக்கப்பணமும்:

மாணவி சுபிக்ஷா கண்டெடுத்த அந்த மணி பர்ஸைத் திறந்து பார்த்தபோது, அதில் முக்கிய அடையாள ஆவணமான ஆதார் அட்டை, ஏடிஎம் கார்டு மற்றும் ரூ.10,800 ரொக்கப்பணம் ஆகியவை இருந்துள்ளன. கிடைத்த பணத்தையும் பொருட்களையும் தனதாக்கிக் கொள்ள நினைக்காமல், அதனைப் பாதுகாப்பாக வைத்திருந்து உரியவரிடம் சேர்க்க வேண்டும் என்ற எண்ணத்துடன் மாணவி செயல்பட்டுள்ளார். உடனடியாக இது குறித்துத் தனது தந்தை விஸ்வநாதனிடம் அவர் தகவல் தெரிவித்துள்ளார்.

வாட்ஸ்அப் மூலம் உரிமையாளரைச் சென்றடைந்த தகவல்:

மகளின் நேர்மையான முடிவுக்கு ஆதரவளித்த தந்தை விஸ்வநாதன், தனது வாட்ஸ்அப் குழுக்களில் மணி பர்ஸ் கிடைத்தது குறித்த தகவலைப் பகிர்ந்துள்ளார். அந்தத் தகவல் அடுத்தடுத்துப் பல்வேறு வாட்ஸ்அப் குழுக்களிலும் பரவிய நிலையில், மணி பர்ஸைத் தவறவிட்ட அதன் உரிமையாளர் மோகன்ராஜுக்கு இது தொடர்பான தகவல் கிடைத்துள்ளது. தனது முக்கிய ஆவணங்களும் பணமும் பாதுகாப்பாக இருப்பதை அறிந்த மோகன்ராஜ், உடனடியாக மாணவியின் குடும்பத்தினரைத் தொடர்பு கொண்டு பேசியுள்ளார்.

இதையும் படிக்க: மதுரை நகைக்கடை கொள்ளை வழக்கு.. வெளிவராத பல ரகசியங்கள்.. நிஷாந்தை 5 நாள் காவலில் எடுத்து விசாரிக்க காவல்துறை மனு தாக்கல்!

நேரில் சென்று தங்க மோதிரம் பரிசளித்த உரிமையாளர்:

மணி பர்ஸைப் பாதுகாப்பாக வைத்திருந்து திரும்ப ஒப்படைக்க உதவிய மாணவி சுபிக்ஷாவின் நேர்மையைப் பாராட்ட விரும்பிய மோகன்ராஜ், மாணவியின் வீட்டிற்கே நேரில் சென்றுள்ளார். அங்கு சுபிக்ஷாவுக்கு 2 கிராம் தங்க மோதிரத்தைப் பரிசாக வழங்கி தனது மனமார்ந்த நன்றியையும் பாராட்டையும் அவர் தெரிவித்துள்ளார். விலை மதிப்புள்ள பணம் மற்றும் ஆவணங்களை உரியவரிடம் ஒப்படைத்த 11ஆம் வகுப்பு மாணவியின் நேர்மைக்கும், அதற்குப் பரிசளித்துப் பாராட்டிய உரிமையாளரின் செயலுக்கும் அப்பகுதி மக்களிடையே பாராட்டுகள் குவிந்து வருவது குறிப்பிடத்தக்கது.

Follow Us