AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

IPL 2027: அணிக்கு சுமையாக இருக்க விரும்பவில்லை.. தோனி ஓய்வுக்கு விளக்கமளித்த சுரேஷ் ரெய்னா!

MS Dhoni IPL Retirement: எம்.எஸ். தோனியின் ஐபிஎல் ஓய்வு குறித்து சுரேஷ் ரெய்னா அதிர்ச்சித் தகவலை வெளியிட்டுள்ளார். உடற்தகுதிக் குறைபாடு மற்றும் அணிக்குச் சுமையாக இருக்க விரும்பாததே தோனியின் ஓய்வுக்கான முக்கியக் காரணங்கள் என்று ரெய்னா தெரிவித்துள்ளார். 'இம்பாக்ட் வீரராக' விளையாட மறுத்த தோனி, இனி சிஎஸ்கே அணியின் வழிகாட்டியாகப் பணியாற்றுவார்.

IPL 2027: அணிக்கு சுமையாக இருக்க விரும்பவில்லை.. தோனி ஓய்வுக்கு விளக்கமளித்த சுரேஷ் ரெய்னா!
எம்.எஸ்.தோனி - சுரேஷ் ரெய்னாImage Source: Suresh Raina/twitter
Mukesh Kannan
Mukesh Kannan | Published: 18 Nov 2026 17:02 PM IST

எம்.எஸ். தோனியின் (MS Dhoni) ஐபிஎல் ஓய்வைத் தொடர்ந்து, சுரேஷ் ரெய்னா (Suresh Raina) ஒரு முக்கியத் தகவலை வெளியிட்டுள்ளார். தனது கொள்கைகளின் காரணமாக, வேறு வழியின்றி தோனி ஓய்வு பெற்றதாகவும், சென்னை சூப்பர் கிங்ஸ் அணிக்குச் சுமையாக இருக்க அவர் விரும்பவில்லை என்றும் சுரேஷ் ரெய்னா கூறியுள்ளார். நேற்று அதாவது 2026 நவம்பர் 17ம் தேதி சிஎஸ்கே அணியில் தக்கவைக்கப்பட்ட வீரர்களின் பட்டியல் வெளியிடப்படுவதற்கு முன்பு, தோனியின் ஓய்வு குறித்த அதிர்ச்சித் தகவலை சிஎஸ்கே வெளியிட்டது. ஒரு அதிகாரப்பூர்வ அறிவிப்பில், தோனி இனி ஐபிஎல் தொடரில் விளையாட மாட்டார் என்றும், இந்தத் தொடரிலிருந்து விடைபெற்றுவிட்டார் என்றும் சிஎஸ்கே அணி நிர்வாகம் தெரிவித்துள்ளது. இருப்பினும், வரவிருக்கும் ஐபிஎல் 2027 சீசனில் எம்.எஸ். தோனி சிஎஸ்கே அணிக்கு வழிகாட்டியாகப் பணியாற்றுவார்.

ALSO READ: இது தோனிக்காக.. ட்ரோன் ஷோ நடத்தி அன்பை பொழிந்த சிஎஸ்கே.. ரசிகர்கள் நெகிழ்ச்சி!

எம்.எஸ். தோனி ஐபிஎல் தொடரில் தொடர்ந்து விளையாட விரும்பினார். ஆனால்,  உடற்தகுதிப் பிரச்சினைகள் காரணமாக தோனி ஓய்வு பெற வேண்டிய கட்டாயம் ஏற்பட்டது என்று முன்னாள் இந்திய வீரர் சுரேஷ் ரெய்னா சமீபத்தில் ஒரு பேட்டியில் தெரிவித்தார். தோனி முழங்கால் பிரச்சினைகளால் அவதிப்பட்டு வந்தார். அவரது இரு முழங்கால்களிலும் வீக்கம் இருந்ததால், விக்கெட் கீப்பிங் செய்வதும், 20 ஓவர்கள் வரை களத்தில் நீடிப்பதும் அவருக்குக் கடினமாக இருந்தது.

தோனி ஓய்வு குறித்து ரெய்னா கருத்து:


தோனியின் ஓய்வு குறித்து பேசிய சுரேஷ் ரெய்னா, “ஃபீல்டிங்கைத் தவிர்த்து, சென்னை சூப்பர் கிங்ஸ் அணிக்காக ஒரு இம்பாக்ட் வீரராக விளையாடும் வாய்ப்பு தோனிக்கு வழங்கப்பட்டது. இருப்பினும், தோனி தனது நிலைப்பாட்டில் உறுதியாக இருந்தார். தோனி அந்த ‘ இம்பாக்ட் வீரராக’ விளையாடும் வாய்ப்பை மறுத்துவிட்டார். தான் விளையாடினால், முழு 20 ஓவர்களும் ஃபீல்டிங் செய்வேன். இல்லையென்றால், களத்திற்கே வரமாட்டேன் என்று தெரிவித்தார். இது ஒரு விஷயத்தைத் தெளிவுபடுத்துகிறது. தோனி எந்த வகையிலும் அணிக்குச் சுமையாக இருக்க விரும்பவில்லை. இதனால்தான் தோனி ஓய்வு பெற முடிவு செய்தார். தோனி கடந்த சீசனில் அணியில் இடம்பெற்றிருந்தார். ஆனால் காயம் காரணமாக ஒரு போட்டியில் கூட விளையாட முடியவில்லை.” என்று தெரிவித்தார்.

ALSO READ: 5 கோப்பைகள் மற்றும் பல சாதனைகள்… ஐபிஎல்-ல் தோனி என்னவெல்லாம் சாதித்தார்?

எம்.எஸ். தோனியின் ஐபிஎல் வாழ்க்கை

எம்.எஸ். தோனியின் ஐபிஎல் வாழ்க்கை 278 போட்டிகளில் விளையாடி, 242 இன்னிங்ஸ்களில் 38.30 சராசரி மற்றும் 137.45 ஸ்டிரைக் ரேட்டுடன் 5439 ரன்கள் எடுத்தார். இந்தக் காலகட்டத்தில் தோனி 24 அரை சதங்களை அடித்தார். இதில், ஆட்டமிழக்காமல் 84 ரன்கள் எடுத்ததே தோனியின் அதிகபட்ச ஸ்கோராகும். தோனி தனது ஐபிஎல் வாழ்க்கையில் சென்னை சூப்பர் கிங்ஸ் மற்றும் ரைசிங் புனே சூப்பர்ஜெயண்ட்ஸ் ஆகிய 2 அணிகளுக்காக விளையாடினார்.

Follow Us