IPL 2026: ஷ்ரேயாஸ் ஐயரிடம் சரணடைந்த மும்பை.. பஞ்சாப் அசத்தல் வெற்றி..!
MI vs PBKS Highlights: ஐபிஎல் 2026 சீசனில் இன்று அதாவது 2026 ஏப்ரல் 16ம் தேதி மும்பை இந்தியன்ஸ் அணியும், பஞ்சாப் கிங்ஸ் அணியும் மும்பை வான்கடே ஸ்டேடியத்தில் மோதியது. இந்த போட்டியில் முதலில் பேட்டிங் செய்த மும்பை இந்தியன்ஸ் அணி 20 ஓவர்கள் முடிவில் 6 விக்கெட்டுகள் இழப்பிற்கு 195 ரன்கள் எடுத்தது. இலக்கை துரத்திய பஞ்சாப் கிங்ஸ் அணி வெறும் 16.3 ஓவர்களில் வெற்றியை பெற்றது.
ஐபிஎல் 2026 சீசனில் (IPL 2026) இன்று அதாவது 2026 ஏப்ரல் 16ம் தேதி மும்பை இந்தியன்ஸ் அணியும், பஞ்சாப் கிங்ஸ் அணியும் மும்பை வான்கடே ஸ்டேடியத்தில் மோதியது. இந்த போட்டியில் முதலில் பேட்டிங் செய்த மும்பை இந்தியன்ஸ் (Mumbai Indians) அணி 20 ஓவர்கள் முடிவில் 6 விக்கெட்டுகள் இழப்பிற்கு 195 ரன்கள் எடுத்தது. இலக்கை துரத்திய பஞ்சாப் கிங்ஸ் அணி வெறும் 16.3 ஓவர்களில் வெற்றியை பெற்றது. பிரப்சிம்ரன் சிங் மற்றும் ஸ்ரேயாஸ் ஐயர் ஆகியோர் மும்பை இந்தியன்ஸின் பந்துவீச்சை கடுமையாகத் தாக்கியதால், பஞ்சாப் அணி இலக்கை 21 பந்துகளுக்கு முன்பே விரட்டிப் பிடித்தது.
ALSO READ: தோல்வியே இல்லாத பஞ்சாப்.. வெற்றிக்காக போராடும் மும்பை.. இன்றைய போட்டி யாருக்கு சாதகம்?
வரலாறு படைத்த பிரப்சிம்ரன்-ஐயர்:
பஞ்சாப் கிங்ஸ் அணியின் தொடக்க ஆட்டக்காரர்களான பிரப்சிம்ரன் சிங் மற்றும் ஸ்ரேயாஸ் ஐயர் இணைந்து 139 ரன்கள் என்ற சிறப்பான பார்ட்னர்ஷிப்பை அமைத்தனர். இருப்பினும், அவர்கள் ஒரு பார்ட்னர்ஷிப் சாதனையை அல்ல, ஒரு குறிப்பிடத்தக்க தனிநபர் சாதனையை நிகழ்த்தினர். 25 வயதிற்கு முன்பே பஞ்சாப் கிங்ஸ் அணிக்காக அதிக 50+ ரன்களை எடுத்த பேட்ஸ்மேன் என்ற பெருமையை சிங் பெற்றார். பஞ்சாப் அணிக்காக பிரப்சிம்ரன் சிங் 50 அல்லது அதற்கு மேற்பட்ட ரன்களை எடுத்த 10வது இன்னிங்ஸ் இதுவாகும். பிரப்சிம்ரன் சிங் டேவிட் மில்லரின் சாதனையை (9) முறியடித்தார்.
இதற்கிடையில், ஷ்ரேயாஸ் ஐயர் தனது நீண்ட ஐபிஎல் வாழ்க்கையில் முதன்முறையாக வான்கடே மைதானத்தில் அரைசதம் அடித்தார். 2015-ல் அறிமுகமானதிலிருந்து, ஸ்ரேயஸ் வான்கடே மைதானத்தில் ஒன்பது இன்னிங்ஸ்களில் பேட் செய்திருந்தாலும், ஒருமுறை கூட அரைசதம் அடித்ததில்லை. இப்போது, 11 வருட காத்திருப்புக்குப் பிறகு, அவர் இறுதியாக தனது அரைசத வறட்சிக்கு முற்றுப்புள்ளி வைத்தார். இந்தப் போட்டியில் ஐயர் 35 பந்துகளில் 66 ரன்கள் எடுத்தார்.
டி காக் சதம் வீண்:
முதலில் பேட்டிங் செய்த மும்பை இந்தியன்ஸ் அணி 196 ரன்கள் எடுத்தது. குயின்டன் டி காக் 112 ரன்களும், நமன் தீர் 50 ரன்களும் எடுத்தனர். காயம் காரணமாக ரோஹித் சர்மா விளையாட நிலையில், மற்ற பேட்ஸ்மேன்களும் சொதப்பினார்கள். மும்பை இந்தியன்ஸ் பந்துவீச வந்தபோது, அல்லா கசன்ஃபரைத் தவிர மற்ற அனைத்து பந்துவீச்சாளர்களும் கடுமையாகத் தாக்கப்பட்டனர்.
ALSO READ: பிளேஆஃப்களுக்கு தகுதிபெற எத்தனை புள்ளிகள் தேவை..? ஆர்சிபி தகுதிபெற்றதா?
மும்பை இந்தியன்ஸ் அணி ஐபிஎல் 2026 தொடரை ஒரு வெற்றியுடன் தொடங்கியது. இருப்பினும், அதன் பிறகு, மும்பை அணி தொடர்ச்சியாக 4 தோல்விகளைச் சந்தித்துள்ளது. மறுபுறம், பஞ்சாப் கிங்ஸ் அணி மட்டுமே ஐபிஎல் 2026 தொடரில் இன்னும் தோல்வியடையாத ஒரே அணியாக உள்ளது. மழை காரணமாக ஒரு போட்டி கைவிடப்பட்ட நிலையில், பஞ்சாப் அணி தாங்கள் விளையாடிய 5 போட்டிகளில் நான்கில் வெற்றி பெற்றுள்ளது. தற்போது பஞ்சாப் அணி புள்ளி அட்டவணையில் முதலிடத்திற்கு முன்னேறியுள்ளது.
