IPL 2026: ஆர்சிபி அணியை வாங்கிய முன்னாள் ராஜஸ்தான் வீரர்… யார் இந்த ஆர்யமான் பிர்லா?
Who is Aryaman Birla: 1997ம் ஆண்டு ஜூலை மாதம் மும்பையில் பிறந்த ஆர்யமான் பிர்லா, 201ம் ஆண்டு தனது கிரிக்கெட் வாழ்க்கையை தொடங்கினார். ஆதித்யா பிர்லா குழுமத்தின் குமார் மங்கலம் பிர்லாவின் மகனான ஆர்யமான் பிர்லா, மத்தியப் பிரதேச கிரிக்கெட் அணிக்காக உள்ளூர் போட்டிகளில் விளையாடியுள்ளார். இடது கை பேட்ஸ்மேனான ஆர்யமான் பிர்லா, ரஜத் படிதார் மற்றும் வெங்கடேஷ் ஐயர் ஆகியோருடன் இணைந்து மத்தியப் பிரதேச அணிக்காக 9 முதல் தரப் போட்டிகளில் விளையாடியுள்ளார்.
ஆர்யமான் பிர்லா
ஆதித்யா பிர்லா குழுமம் தலைமையிலான ஒரு கூட்டமைப்பு, செவ்வாயன்று ஐபிஎல் அணியான ராயல் சேலஞ்சர்ஸ் பெங்களூருவை (RCB) 1.78 பில்லியன் டாலருக்கு (ரூ. 16,000 கோடிக்கும் மேல்) வாங்கியது. இந்தக் கூட்டமைப்பில் டைம்ஸ் ஆஃப் இந்தியா குழுமம், டேவிட் பிளிட்சரின் போல்ட் வென்ச்சர்ஸ் மற்றும் அமெரிக்காவைச் சேர்ந்த பிளாக்ஸ்டோன் ஆகியவையும் அடங்கும். இந்தக் கூட்டமைப்பின் ஐபிஎல் ஒப்பந்தம், டயாஜியோவின் இங்கிலாந்து துணை நிறுவனமான யுனைடெட் ஸ்பிரிட்ஸ் லிமிடெட் (USL) உடன் மேற்கொள்ளப்பட்டது. தற்போது ஆர்சிபி அணியின் உரிமையாளராக டயாஜியோ உள்ளது. இருப்பினும், ஒரு புதிய ஒப்பந்தத்தின் கீழ், ஆர்சிபியின் ஆண்கள் மற்றும் பெண்கள் (WPL) ஆகிய இரு அணிகளிலும் 100 சதவீதப் பங்குகள் கையகப்படுத்தப்பட்டுள்ளன. ஆர்சிபியைக் கையகப்படுத்திய பிறகு, ஆர்யமான் பிர்லா சேர்மனாக நியமிக்கப்பட்டுள்ளார். முன்னதாக, ஆர்யமான் பிர்லா ஐபிஎல்லில் ராஜஸ்தான் ராயல்ஸ் அணியில் இடம்பெற்றிருந்தார். இதுமட்டுமின்றி, ஆர்சிபி கேப்டன் ரஜத் படிதார் மற்றும் வெங்கடேஷ் ஐயர் உட்பட பல ஆர்சிபி கிரிக்கெட் வீரர்களுடன் ஆர்யமான் பிர்லா விளையாடியுள்ளார் என்பதும் குறிப்பிடத்தக்கது.
ALSO READ: நடப்பு சாம்பியன் ஆர்சிபியும் விற்பனை.. பக்கா ப்ளான் போட்டு தூக்கிய ஆதித்யா பிர்லா குழுமம்!
யார் இந்த ஆர்யமான் பிர்லா..?
🚨 ARYAMAN BIRLA – THE NEW CHAIR OF RCB 🚨 pic.twitter.com/ZZRywhDdgi
— Johns. (@CricCrazyJohns) March 24, 2026
1997ம் ஆண்டு ஜூலை மாதம் மும்பையில் பிறந்த ஆர்யமான் பிர்லா, 201ம் ஆண்டு தனது கிரிக்கெட் வாழ்க்கையை தொடங்கினார். ஆதித்யா பிர்லா குழுமத்தின் குமார் மங்கலம் பிர்லாவின் மகனான ஆர்யமான் பிர்லா, மத்தியப் பிரதேச கிரிக்கெட் அணிக்காக உள்ளூர் போட்டிகளில் விளையாடியுள்ளார். இடது கை பேட்ஸ்மேனான ஆர்யமான் பிர்லா, ரஜத் படிதார் மற்றும் வெங்கடேஷ் ஐயர் ஆகியோருடன் இணைந்து மத்தியப் பிரதேச அணிக்காக 9 முதல் தரப் போட்டிகளில் விளையாடியுள்ளார். இதுவரை ஆர்யமான் பிர்லா 9 முதல் தர போட்டிகளில் விளையாடி ஒரு சதம் உள்பட 414 ரன்கள் எடுத்துள்ளார்.
மேலும், 4 லிஸ்ட் ஏ போட்டிகளில் விளையாடி 36 ரன்களை எடுத்துள்ளார். மன அழுத்தத்தை காரணம் காட்டி, ஆர்யமான் 2019-ல் கிரிக்கெட்டிலிருந்து காலவரையற்ற ஓய்வு எடுத்தார். ரஞ்சி கோப்பையில் மத்தியப் பிரதேச அணிக்காக விளையாடியபோது, ஒடிசாவுக்கு எதிரான தனது அறிமுகமான முதல் போட்டியில் ஆர்யமான் ரஜத் பாடிதாருடன் இணைந்து 72 ரன்களுக்கு தொடக்கக் கூட்டணி அமைத்து, 123 ரன்கள் எடுத்தார். இருப்பினும், அந்தப் போட்டியின் இரு இன்னிங்ஸ்களிலும் அவரே முறையே 67 பந்துகளில் 16 ரன்களும், 27 பந்துகளில் ஆறு ரன்களும் எடுத்தார்.
அதனை தொடர்ந்து, பெங்கால் அணிக்கு எதிரான போட்டியில் ஆர்யமான் 189 பந்துகளில் ஆட்டமிழக்காமல் 103 ரன்கள் குவித்தார். அவரது இந்த முயற்சி, 2018-ல் ராஜஸ்தான் ராயல்ஸ் அணியுடன் ஒரு ஐபிஎல் ஒப்பந்தத்தைப் பெற்றுத் தந்தது. அவரை ராஜஸ்தான் ராயல்ஸ் அணி ரூ. 30 லட்சத்திற்கு வாங்கியது. ஆனால், ஒரு ஒரு ஐபிஎல் போட்டியில் கூட விளையாடவில்லை.
தொழில் வாழ்க்கை:
விளையாட்டிலிருந்து விலகிய பிறகு, ஆர்யமான் பிர்லா, கடந்த 2023ம் ஆண்டில் ஆதித்யா பிர்லா ஃபேஷன் அண்ட் ரீடெய்ல் லிமிடெட் நிறுவனத்தில் இயக்குநராகப் பொறுப்பேற்றார். மேலும், கிராசிம் இண்டஸ்ட்ரீஸ் மற்றும் ஆதித்யா பிர்லா மேனேஜ்மென்ட் கார்ப்பரேஷன் ஆகியவற்றின் இயக்குநர் குழுக்களில் முக்கியப் பதவிகளை வகித்துள்ளார். தற்போது, ஆர்யமான் பிர்லா ஆதித்யா பிர்லா மேனேஜ்மென்ட் கார்ப்பரேஷன் லிமிடெட் நிறுவனத்தில் இயக்குநராகப் பணியாற்றி வருகிறார்.
ALSO READ: உயிரிழந்த 11 பேருக்கு நினைவகம்.. உணர்ச்சிப்பூர்வமான முடிவை எடுத்த ஆர்சிபி!
ஆர்யமான் பிர்லா மதிப்பிடப்பட்ட நிகர மதிப்பு ரூ. 70,000 கோடி ஆகும். சச்சின் டெண்டுல்கரின் நிகர மதிப்பு ரூ. 1,250 கோடி முதல் ரூ. 1,500 கோடி வரையிலும், தோனியின் நிகர மதிப்பு சுமார் ரூ. 1,000 கோடியாகவும், கோலியின் நிகர மதிப்பு சுமார் ரூ. 1,000 கோடியாகவும் மதிப்பிடப்பட்டுள்ளது. இதன் பொருள், ஆர்யமானின் நிகர சொத்து மதிப்பு கோலி மற்றும் தோனியின் செல்வத்தை விட சுமார் 70 மடங்கு அதிகம்.
