மும்பையில் ஒரு பிளம்பர் சம்பாதிக்கும் வருமானம் சமூக வலைதளங்களில் பெரிய விவாதத்தை கிளப்பியுள்ளது. ஒரு சாதாரண உரையாடலில், அந்த பிளம்பர் வருடத்திற்கு சுமார் 18 லட்சம் ரூபாய் சம்பாதிப்பதாக கூறியதுதான் அனைவரையும் ஆச்சரியப்பட வைத்துள்ளது. மீரா ரோடு, போரிவலி, காந்திவலி போன்ற பகுதிகளில் பல டவுன்ஷிப் கான்ட்ராக்ட்களை மேற்கொண்டு இந்த வருமானத்தை பெறுவதாக அவர் தெரிவித்தார். இது மட்டும் இல்லாமல், அவர் 2023 மாடல் ஹூண்டாய் கிரெட்டா காரையும் வாங்கியுள்ளார். தனது சொந்த ஊரில் வீடு கட்டியதுடன், விவசாய நிலங்களிலும் முதலீடு செய்துள்ளார்.
