Asia Cup India vs UAE: 27 பந்துகளில் இலக்கை எட்டிய இந்திய அணி.. யுஏஇ அணியை துவம்சம் செய்த SKY படை!

இந்திய கிரிக்கெட் அணி

2025 ஆசியக் கோப்பையில் (2025 Asia Cup) சூர்யகுமார் யாதவ் (Suryakumar Yadav) தலைமையிலான இந்திய அணி தனது முதல் போட்டியில் ஐக்கிய அரபு எமிரேட்ஸை 9 விக்கெட் வித்தியாசத்தில் வீழ்த்தியுள்ளது. அதேநேரத்தில், டி20 ஆசிய கோப்பை வரலாற்றில் இந்திய அணி 9 விக்கெட் வித்தியாசத்தில் டி20 ஆசிய கோப்பையை வெல்வது இது இரண்டாவது முறையாகும். இந்தப் போட்டியில், முதலில் பேட்டிங் செய்த ஐக்கிய அரபு எமிரேட் அணி வெறும் 57 ரன்களுக்கு ஆல் அவுட்டானது. 58 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணியின் தொடக்க வீரர்கள் சுப்மன் கில் மற்றும் அபிஷேக் சர்மா வெறும் 27 பந்துகளில் ஆட்டத்தை முடித்தனர். இந்திய அணிக்காக குல்தீப் யாதவ் அதிகபட்சமாக 4 விக்கெட்டுகளை வீழ்த்தினர்.

இது டி20 ஆசியக் கோப்பையில் மிகப்பெரிய வெற்றியாகும். இதற்கு முன்பு இந்திய அணி இந்தப் போட்டியை 9 விக்கெட் வித்தியாசத்தில் வென்றுள்ளது, 2016 ஆம் ஆண்டு ஐக்கிய அரபு எமிரேட்ஸை 9 விக்கெட் வித்தியாசத்தில் வீழ்த்தியது. அந்தப் போட்டியில், இந்திய அணி 61 பந்துகளில் 82 ரன்கள் என்ற இலக்கை எட்டியிருந்தது. இப்போது இந்திய அணி 27 பந்துகளில் ஒரு விக்கெட்டை மட்டுமே இழந்து 58 ரன்கள் என்ற இலக்கை எட்டியுள்ளது.

ALSO READ: சஞ்சு சாம்சனுக்கு இடமில்லையா..? செய்தியாளர்கள் அடுக்கிய கேள்வி! கூலாக பதிலளித்த சூர்யகுமார் யாதவ்!

போட்டியில் நடந்தது என்ன..?

டாஸ் வென்ற இந்திய அணி முதலில் பந்து வீச முடிவு செய்தது. இதனால், ஐக்கிய அரபு எமிரேட்ஸ் அணி முதலில் பேட்டிங் செய்ய களமிறங்கியது. வலுவான தொடக்கம் தர முயற்சித்த ஐக்கிய அரபு எமிரேட்ஸ் அணிக்கு எதிராக இந்திய பந்து வீச்சாளர்கள் அற்புதமாக செயல்பட்டனர். ஐக்கிய அரபு எமிரேட்ஸ் பேட்ஸ்மேன்களுக்கு ரன்கள் குவிக்க எந்தவொரு வாய்ப்பும் வழங்கவில்லை. 3வது ஓவரில் ஜஸ்பிரித் பும்ரா அணிக்கு முதல் விக்கெட்டை பெற்று கொடுத்தார். அதன் பிறகு விக்கெட்டுகள் விளாசப்பட்டன. ஐக்கிய அரபு எமிரேட்ஸ் அணிக்காக , தொடக்க வீரர் அலிஷான் ஷரபு அதிகபட்சமாக 22 ரன்களையும், கேப்டன் முகமது வாசிம் 19 ரன்களையும் எடுத்தனர். இந்த ஜோடியைத் தவிர, வேறு எந்த பேட்ஸ்மேனும் 10 ரன்களை எட்ட முடியவில்லை.

குல்தீப் யாதவ் 2.1 ஓவர்களில் 7 ரன்கள் மட்டுமே கொடுத்து 4 விக்கெட்டுகளை வீழ்த்தினர். அதே நேரத்தில், சிவம் துபேயும் 2 ஓவர்கள் மட்டுமே வீசி 3 பேட்ஸ்மேன்களை 4 ரன்கள் மட்டுமே விட்டுகொடுத்தார். இவர்களைத் தவிர , ஜஸ்ப்ரீத் பும்ரா , அக்‌ஷர் படேல் மற்றும் வருண் சக்ரவர்த்தி ஆகியோர் தலா 1 விக்கெட்டுகளை வீழ்த்துவதில் வெற்றி பெற்றனர்.

ALSO READ: இந்தியாவிற்கு எதிரான காரியத்தை செய்தாரா சூர்யகுமார் யாதவ்..? கொந்தளித்த ரசிகர்கள்..!

27 பந்துகளில் இலக்கை எட்டிய இந்திய அணி:

இந்தப் போட்டியில் இந்திய அணி வெற்றி பெற 58 ரன்கள் மட்டுமே இலக்கு நிர்ணயித்தது. அபிஷேக் சர்மா மற்றும் சுப்மன் கில் ஆகியோர் இந்திய அணியின் தொடக்க வீரர்களாக களமிறங்கி முதல் பந்திலேயே அதிரடியாக களமிறங்கினர். அபிஷேக் சர்மா 15 பந்துகளில் 30 ரன்கள் எடுத்து 2 பவுண்டரிகள் மற்றும் 3 சிக்சர்கள் அடித்து ஆட்டமிழந்தார். அதே நேரத்தில், சுப்மன் கில் 8 பந்துகளில் 16 ரன்கள் எடுத்து ஆட்டமிழக்காமல் இருந்தார் . அதே நேரத்தில், கேப்டன் சூர்யகுமார் யாதவ் 1 பந்தில் 1 சிக்சர் அடித்தார். இதன் காரணமாக இந்தியா 4.3 ஓவர்களில் 1 விக்கெட் இழப்பில் 60 ரன்களை துரத்தி வெற்றி பெற்றது.