சபரிமலை ஐயப்பன் கோவிலில் மண்டல-மகர பூஜை நிறைவு.. நாளையுடன் நடை அடைப்பு.. நெய் அபிஷேகம் இன்று நிறைவு..

சபரிமலை ஐயப்பன் கோவிலில் மண்டல-மகர பூஜை நிறைவு

சபரிமலை ஐயப்​பன் கோயி​லில் மகரஜோதி பூஜை நிறைவடைந்த நிலை​யில், நாளை (ஜனவரி 19) வரை மட்டுமே பக்​தர்​கள் தரிசனத்​துகு அனு​ம​திக்​கப்பட உள்​ளனர். சபரிமலை ஐயப்பன் கோவிலில் மண்டல-மகரவிளக்கு பூஜைக்காக 2025ம் ஆண்டு நவம்பர் 16ம் தேதியன்று மாலை சபரிமலை கோவில் நடைதிறக்கப்பட்டது. தின​மும் சிறப்பு வழி​பாடு​கள் நடை​பெற்​றன. கோயில் நடை திறக்கப்பட்ட நாளில் இருந்து தினந்தோறும் லட்சக் கணக்கான பக்தர்கள் சுவாமி தரிசனம் செய்தனர்.

மேலும் படிக்க : தை அமாவாசை 2026: யார் என்ன செய்ய வேண்டும்? விரத முறை.. முழு விவரம்!!

டிசம்பர் 28ல் மண்டல பூஜை நறைவு:

இவ்விழாவின் சிகர நிகழ்வான மண்டல பூஜை சிறப்பாக நடைபெற்றது. மண்டல பூஜையை முன்னிட்டு ஐயப்பனுக்கு தங்க அங்கி அணிவிக்கப்பட்டு சிறப்பு தீபாராதனை நடைபெற்றது. தொடர்ந்து, டிசம்பர் 28ம் தேதி மண்டல காலம் நிறைவுபெற்று, கோயில் நடை அடைக்கப்பட்டது. பின்னர் மீண்டும் மகர விளக்கு பூஜைக்காக டிசம்பர் 30ம் தேதி நடை திறக்கப்பட்டது. தொடர்ந்து, தின​மும் சிறப்பு வழி​பாடு​கள் நடை​பெற்​றன.

மகரஜோதி தரிசனம்:

இதனிடையே, கடந்த 14ஆம் தேதி ஐயப்​பனுக்கு பாரம்​பரிய நகைகள் அணிவிக்​கப்​பட்டு சிறப்பு தீபா​ராதனை நடை​பெற்​றது. தொடர்ந்​து, அன்று மாலை பொன்​னம்​பலம் மேட்​டில் தெரிந்த மகரஜோ​தியை பக்​தர்​கள் தரிசனம் செய்​தனர். ஐயப்​பன் கோயி​லின் முக்​கிய நிகழ்ச்​சி​யாக மகரஜோதி தரிசனம் திகழ்​கிறது. மகரஜோ​தியை தரிசிக்க தமிழகம், கேரளா, ஆந்​தி​ரா, கர்​நாடகா உள்​ளிட்ட பல்​வேறு மாநிலங்​களில் இருந்​தும், மாலை அணிந்​து, விரதமிருந்து வந்த ஐயப்ப பக்​தர்​கள், பொன்​னம்​பலமேட்​டில் மகரஜோ​தி​யைக் காண திரண்​டிருந்​தனர்.  ஜோதி தெரிந்​ததும், சபரிமலை​யில் திரண்​டிருந்த ஐயப்ப பக்​தர்​கள் சரணகோஷங்​கள் முழங்க தரிசித்​தனர்.

இதையும் படிக்க: திருப்பதியில் அலைமோதிய கூட்டம்.. தரிசனத்திற்கு 24 மணி நேரம் காத்திருக்கும் பக்தர்கள்..

நாளையுடன் தரிசனம் நிறைவு:

தொடர்ந்து, சபரிமலை ஐயப்பன் கோயி​லில் கடந்த 31ம் தேதி தொடங்கிய மகரவிளக்கு கால நெய்யபிஷேகம் இன்று காலை 10.30 மணியுடன் நிறைவு பெற்றது. இதனையடுத்து, நாளை இரவு குருதி பூஜை நடை​பெற உள்​ளது. அதன் பின்னர், நாளை இரவு 11 மணி வரை மட்​டுமே பக்​தர்​கள் தரிசனத்​துக்​காக அனு​ம​திக்​கப்​படு​வர். தொடர்ந்து, நாளை மறுநாள் (ஜனவரி 20) காலை​யில் பந்தள ராஜ வம்​சப் பிர​தி​நி​தி​யின் பிரத்​யேக தரிசனத்​துக்கு பிறகு கோயில் நடை அடைக்​கப்பட உள்​ளது. மண்​டல, மகர​விளக்கு விழாக்​களில் இது​வரை சுமார் 54 லட்​சம் பக்​தர்​கள் சுவாமி தரிசனம் செய்​துள்​ளதாக கூறப்படுகிறது.