Lightning Safe: மின்னல் அடிக்கும்போது பயமா..? உங்களை எவ்வாறு பாதுகாப்பது..?

மின்னல்

மழைக்காலத்தில் (Rainy Season) இடி, மின்னல் (Lightning) தாக்குவது உயிருக்கு ஆபத்தை தரும். இந்தியாவில் ஒவ்வொரு ஆண்டும் 100க்கு மேற்பட்டோர் இதனால் உயிரிழக்கின்றனர். இந்த மின்னல் தாக்குதல் பிரச்சனை ஆண்டுதோறும் ஆகஸ்ட் முதல் நவம்பர் மாதம் வரை ஏற்படுகிறது. மின்னல் எப்போது, ​​எங்கே, எப்படி தாக்கும் என்பதை யாராலும் கணிக்க முடியாது, ஆனால் நீங்கள் அதை முன்னறிவித்து தகவல்களைப் பெற விரும்பினால், வானிலை முன்னறிவிப்பைக் கவனியுங்கள், இதனால் உங்கள் பகுதியில் மின்னல் தாக்கப் போகிறது என்றால், அதைப் பற்றி முன்கூட்டியே தெரிந்து கொள்ளலாம். அத்தகைய சூழ்நிலையில், வானிலை முன்னறிவிப்பு பற்றி தெரியவில்லை என்றால், உயிர் காக்க நாங்கள் சொல்லும் இந்த விஷயங்களை பற்றி தெரிந்து கொள்ளுங்கள்.

ALSO READ: சார்ஜரை இரவு முழுவதும் பிளக்-இன் செய்து விட்டுச் செல்கிறீர்களா? இது இவ்வளவு ஆபத்தா..?

மின்னல் தாக்குதல்களை தவிர்க்க பின்பற்ற வேண்டிய விஷயங்கள்:

நீங்கள் ஒரு திறந்த வெளியில் தனியாக இருந்தால் முடிந்தவரை அங்கிருந்து பாதுகாப்பான இடத்திற்கு நகர முயற்சி செய்யுங்கள். அதேநேரத்தில், அப்படி பாதுகாப்பான இடத்திற்கு உங்களால் செல்ல முடியவில்லை என்றால், உங்கள் காதுகளை மூடிக்கொண்டு, கால்விரல்களை தரையில் வைத்து பின்புறத்தை வைக்காமல் உட்காருங்கள். இந்த நிலை தரையில் மின்சாரம் பரவாமல் பாதுகாக்கும்.

மின்னலின்போது வீட்டில் உள்ள மின்னணு உபகரணங்கள், கம்பிகள், தொலைபேசி இணைப்புகள் அல்லது குழாய் தண்ணீருடன் இணைக்கப்பட்ட உலோகக் குழாய்களைத் தொடாதீர்கள். மின்னல் காரணமாக, மின்னோட்டம் இவற்றிற்கும் பரவக்கூடும். மேலும், வானத்தில் இடி அல்லது மின்னல் ஏற்பட்டால், உடனடியாக திறந்தவெளிகள், வயல்கள், மைதானங்கள், கூரைகள் மற்றும் உயர்ந்த இடங்களை விட்டு வெளியேறவும்.

மழை அல்லது மின்னலைத் தவிர்க்க மரங்களுக்கு அடியில் நிற்கும் தவறைச் செய்யாதீர்கள். ஒரு தனி மரத்தில் மின்னல் தாக்கும் வாய்ப்பு அதிகம் , அதன் கீழ் நிற்கும் ஒருவர் மின்னலால் தாக்கப்படலாம். வெளியில் இருக்கும்போது மின்னல் தாக்கும் போது இந்த சாதனங்களைப் பயன்படுத்துவது மின்சார அதிர்ச்சியின் அபாயத்தை அதிகரிக்கிறது.

காரில் இருந்தால் என்ன செய்யலாம்..?

கார்கள், பேருந்துகள் மற்றும் லாரிகள் போன்ற மூடப்பட்ட உலோக வாகனங்கள் மின்னலிலிருந்து பாதுகாப்பை வழங்குகின்றன. இருப்பினும், அந்தநேரத்தில் ஜன்னலைத் திறக்காதீர்கள், வெளியே உள்ள உலோகத்தைத் தொடாதீர்கள். அதேநேரத்தில், இடி அல்லது மின்னல் தாக்கும்போது, ஒரு குழுவாக ஒன்றாக இருந்தால், தனியே நில்லுங்கள். மின்னல் தாக்கினால் ஒன்றாக நிற்பவர்களுக்கு அதிக சேதம் ஏற்பட வாய்ப்புள்ளது.

ALSO READ: ஏன் பெரும்பாலான விமானங்கள் வெள்ளை நிறத்தில் இருக்கின்றன? காரணம் என்ன தெரியுமா?

யாருக்காவது இடி அல்லது மின்னல் தாக்கினால் என்ன செய்வது..?

உங்களுக்கு அருகில் யாருக்காவது இடி அல்லது மின்னல் தாக்கினால் உடனடியாக ஆம்புலன்ஸை அழைக்கவும். மேலும், யாருக்காவது சிபிஆர் (CPR) தெரிந்தால் உடனடியாக கொடுத்து உயிரை காப்பாற்றுங்கள்.

மின்னலானது முதலில் உயர்ந்த இடங்களாலும் உலோக பொருட்களால் ஈர்க்கப்படுகிறது. தரையிலிருந்தும் உலோகத்திலிருந்தும் உங்களை விலக்கி வைத்திருப்பதே சிறந்த பாதுகாப்பாகும்.