பாஜகவுடன் ரகசிய உறவில் துணை முதல்வர் டி.கே சிவகுமார்.. போட்டுடைத்த எம்.எல்.ஏ பசங்கவுடா பாட்டீல் யட்னல்

கர்நாடகா, ஆகஸ்ட் 31, 2025: சமீபத்தில் பாஜகவிலிருந்து நீக்கப்பட்ட விஜயபுரா எம்எல்ஏ பசங்கவுடா பாட்டீல் யட்னல், துணை முதல்வரும் கர்நாடக பிரதேச காங்கிரஸ் கமிட்டியின் (கே.பி.சி.சி) தலைவருமான டி.கே. சிவகுமார், மாநிலத்தில் பாஜகவுடன் ரகசிய ஒப்பந்தம் செய்து கொண்டதாக கூறி புதிய சர்ச்சையை ஏற்படுத்தியுள்ளார். இன்று (ஆகஸ்ட் 31, 2025) கலபுரகியில் செய்தியாளர்களிடம் பேசிய எம்எல்ஏ பசங்கவுடா பாட்டீல் யட்னல், மாநிலத்தில் அதிகாரத்தைப் பகிர்ந்து கொள்வதற்கான சாத்தியக்கூறுகள் குறித்து விவாதிக்க, சிவகுமார் புது தில்லியில் பாஜக மாநிலத் தலைவர் பி.ஒய். விஜயேந்திராவை சந்தித்ததாகக் தெரிவித்துள்ளார். மேலும், சிவகுமார் காங்கிரஸ் எம்எல்ஏக்களுடன் பாஜகவில் இணைந்தால், யார் முதல்வர் மற்றும் துணை முதல்வர் பதவிகளை வகிப்பார்கள் என்பது குறித்து விவாதங்கள் நடந்ததாகவும் குறிப்பிடப்பட்டுள்ளது.

 சிவகுமார் பாஜகவில் இணையாததற்கு காரணம்:

இது தொடர்பாக பேசிய அவர், “சிவகுமார் பாஜகவில் ஒரு கால் வைத்திருக்கிறார். அவருக்கு அதிக எண்ணிக்கையிலான காங்கிரஸ் எம்எல்ஏக்களின் ஆதரவு இல்லாததால், அவர் அமைதியாக இருந்து வருகிறார். பாஜகவில் இருந்த காங்கிரஸ் எம்எல்ஏக்களின் எண்ணிக்கை குறித்து பாஜகவின் மூத்த தேசியத் தலைவர் ஒருவர் என்னிடம் கருத்து கேட்டார்.

நான் 10 அல்லது 13 என்று சொன்னேன். சிவகுமார் பாஜகவில் சேர்ந்தால், அவரது ஆதரவாளர்கள் யாரும் அவரைப் பின்பற்ற மாட்டார்கள் என்பதை நான் தெளிவுபடுத்தினேன். நான் சொல்வது சரிதான் என்று தலைவர் கூறினார். அதனால்தான் பாஜக உயர்மட்டம், அவரது ஆதரவுடன் அரசாங்கத்தை அமைக்க எந்த முயற்சியும் எடுக்காமல் இருந்து வருகிறது” என குறிப்பிட்டுள்ளார்.

மேலும் படிக்க: செப்டமர் மாதத்தில் 109% அதிக மழைப்பதிவு இருக்கும்.. எச்சரிக்கும் வானிலை ஆய்வு மைய தலைவர்..

சிவகுமார் முதல்வரானால் பொறுத்துக்கொள்ள முடியாது:

சிவகுமார் மற்றும் விஜயேந்திரா ஆகியோர் இணைந்து அரசாங்கத்தை அமைக்கும் யோசனையை கடுமையாக எதிர்த்த அவர், “இந்த இரண்டு ஊழல் அரசியல்வாதிகளும், சிவகுமார் முதலமைச்சராகவும் விஜயேந்திரா துணை முதலமைச்சராகவும் இணைந்தால், அவர்கள் கர்நாடகாவை விற்றுவிடுவார்கள். சித்தராமையாவின் முஸ்லிம் சார்பு நடவடிக்கைகளை பொறுத்துக்கொள்ளலாம். ஆனால் சிவகுமார் முதலமைச்சராக இருப்பதை பொறுத்துக்கொள்ள முடியாது” என பேசியுள்ளார்.

மேலும் படிக்க: FASTag வருடாந்திர பாஸை யார் பயன்படுத்தலாம்..? நிபந்தனைகள் என்னென்ன..?

மாட்டு சானம் மீது கல்லெறிய விரும்பவில்லை – சிவகுமார்:

அதேபோல், சட்டமன்றத்தில் துணை முதலமைச்சர் சிவகுமார், ராஷ்ட்ரிய சுயம்சேவக் சங்க (ஆர்.எஸ்.எஸ்.) கீதமான *“நமஸ்தே சதா வத்சலே”*வைப் பாடி, பின்னர் அதற்காக மன்னிப்பு கேட்டது குறித்த ஊடக கேள்விக்கு பதிலளித்த எம்எல்ஏ யட்னல், “சிவகுமார் இந்தியாவைப் புகழ்ந்து பாடுவதற்குப் பதிலாக சோனியா காந்தியைப் புகழ்ந்து பாடியிருந்தால், அவர் ஒரே இரவில் திரு. சித்தராமையாவின் இடத்தில் முதலமைச்சராகப் பதவியேற்றிருப்பார்” என்று குறிப்பிட்டார். பாஜகவில் இணைவது தொடர்பான கேள்விக்கு பதிலளித்த துணை முதல்வர் சிவகுமார், “நான் மாட்டு சாணத்தின் மீது கல்லெறிய விரும்பவில்லை” என தெரிவித்துள்ளார்.