டெல்லி – ஆக்ரா விரைவுச் சாலையில் நடந்த கோர விபத்து.. 4 பேருந்துகள் தீப்பிடித்து எரிந்ததில் பலரும் உடல் கருகி உயிரிழப்பு..

கோப்பு புகைப்படம்

டெல்லி, டிசம்பர் 16, 2025: இன்று அதிகாலை டெல்லி – ஆக்ரா விரைவுச் சாலையில் ஒரு பெரிய விபத்து நடந்தது. சாலையில் பல பேருந்துகள் மற்றும் கார்கள் தீப்பிடித்து எரிந்தன. இந்த சம்பவத்தில், பேருந்துகளில் பயணித்த பல பயணிகள் உயிருடன் எரிந்தனர். இது தொடர்பான வீடியோக்கள் இப்போது இணையத்தில் வைரலாகி வருகின்றன. கிடைத்த தகவலின்படி, மொத்தம் 4 பேருந்துகள் தீப்பிடித்து எரிந்ததாக கூறப்படுகிறது. இந்த விபத்து மிகவும் கடுமையானது என்பதால், இறப்பு எண்ணிக்கை அதிகமாக இருக்கலாம் என கருதப்படுகிறது. உள்ளூர்வாசிகளும் வாகன ஓட்டிகளும் தீயை அணைக்க முயற்சித்து வருகின்றனர். இது தொடர்பான முழு விவரங்கள் இன்னும் தெரியவில்லை.

விபத்து நடந்தது எப்படி?

கடும் மூடுபனி மற்றும் காற்று மாசுபாடு காரணமாக சாலையில் தெரிவுநிலை மோசமடைந்ததை அடுத்து இந்த விபத்து ஏற்பட்டதாகக் கூறப்படுகிறது. பல வாகனங்கள் மோதியதே தீ விபத்துக்குக் காரணம் என்றும் தெரிவிக்கப்பட்டுள்ளது. இந்த சம்பவம் குறித்து விசாரணை தொடங்கப்பட்டுள்ளது.

மேலும் படிக்க: டெல்லியில் காற்று மாசுடன் நிலவும் கடும் குளிர்.. மோசமான வானிலை காரணமக 228 விமானங்கள் ரத்து!

இந்த விபத்து இன்று அதிகாலையில் நடந்தது. தகவலின் பேரில், காவல்துறை, தீயணைப்பு படை, தேசிய நெடுஞ்சாலை ஆணையம் மற்றும் மாநில பேரிடர் மீட்புப் படை வீரர்கள் சம்பவ இடத்திற்கு விரைந்து வந்து மீட்புப் பணிகளைத் தொடர்ந்து மேற்கொண்டு வருகின்றனர். காயமடைந்தவர்களை மருத்துவமனைகளுக்கு மாற்றுவதற்கான நடவடிக்கைகளும் எடுக்கப்பட்டு வருகின்றன.

மீட்பு பணிகள் தீவிரம்:

பேருந்து தீப்பிடிக்கும் காட்சிகளை அருகில் இருந்த ஒருவர் தனது மொபைல் போனில் படம் பிடித்தார். இந்த சம்பவத்தில் நான்கு பேருந்துகள் தீயில் கருகி முற்றிலும் எரிந்ததாக அந்த நபர் வீடியோவில் தெரிவித்துள்ளார். பலத்த உயிர் சேதம் ஏற்பட்டதாக அறியப்படுகிறது. இருப்பினும், விபத்து எப்படி நடந்தது என்பது இன்னும் தெளிவாகத் தெரியவில்லை.

மேலும் படிக்க: இந்தியாவில் லியோனல் மெஸ்ஸி ஏன் விளையாட முடியாது…காரணம் இதோ!

அந்த பகுதியில் நிலவிய அடர்ந்த பனிப்பொழிவு காரணமாக 7 பேருந்துகள் மற்றும் 3 கார்கள் ஒன்றுடன் ஒன்று மோதிக்கொண்டதாக நேரில் பார்த்தவர்கள் தெரிவித்தனர். காயமடைந்தவர்களை அழைத்துச் செல்ல சுமார் 20 ஆம்புலன்ஸ்கள் மருத்துவமனைகளுக்கு அனுப்பப்பட்டுள்ளதாக தெரிவிக்கப்பட்டுள்ளது. பால்தேவ் காவல் நிலையப் பகுதியில் உள்ள மைல்ஸ்டோன் 127 அருகே அதிகாலை 4 மணியளவில் இந்த விபத்து நிகழ்ந்தது.

சம்பவம் நடந்த உடனேயே மாவட்ட ஆட்சியர் மற்றும் காவல் கண்காணிப்பாளர் உள்ளிட்ட மூத்த அதிகாரிகள் சம்பவ இடத்திற்கு விரைந்து வந்தனர். மீட்புப் பணிகள் நடைபெற்று வருகின்றன. காவல்துறை, தீயணைப்புத் துறை, தேசிய நெடுஞ்சாலை ஆணையம் மற்றும் துணைப் போக்குவரத்து ஆணையக் குழுக்கள் தீயை அணைக்க முயற்சித்து வருகின்றன. இறந்தவர்கள் மற்றும் காயமடைந்தவர்கள் பற்றிய விவரங்கள் இன்னும் தெரியவில்லை.