Weight Loss: வெண்டைக்காய் நீர் குடித்தால் குறையும் உடல் எடை..? இது உண்மையா? பொய்யா?

வெண்டைக்காய் நீரின் நன்மைகள்

லேடிஃபிங்கர் என்றும் அழைக்கப்படும் வெண்டைக்காய், பலரின் விருப்பமான காய்கறியாகும். இந்த சுவையான காய்கறி ஊட்டச்சத்துக்களின் களஞ்சியமாக பார்க்கப்படுகிறது. இது ஏராளமான ஆரோக்கிய நன்மைகளை வழங்குகிறது. வெண்டைக்காயை நேரடியாகவும் சமைத்தும் (Cooking) எடுத்து கொள்வது பல வழிகளில் உடலுக்கு நன்மை தரும். இருப்பினும், வெண்டைக்காய் தண்ணீரைக் குடிப்பது குறிப்பிடத்தக்க ஆரோக்கிய நன்மைகளையும் வழங்குகிறது என்றும் பலரும் நம்புகிறார்கள். மேலும், காலையில் வெறும் வயிற்றில் வெண்டைக்காய் தண்ணீரை (Ladies Finger Water) குடிப்பது உடல் எடையை குறைக்கும் என்று சமூக வலைதளங்களில் கருத்து தெரிவித்து வருகின்றனர். இது உண்மையில் உண்மையா..? இல்லை தவறான கருத்துகளா என்பதை இங்கே தெரிந்து கொள்வோம்.

இப்போதெல்லாம், சமூக ஊடகங்களில் சிலர் வெண்டைக்காய் நீரின் நன்மைகளைப் பற்றி விளம்பரப்படுத்தி வருகின்றனர். வெண்டைக்காய் தண்ணீர் குடிப்பது எடை குறைக்க உதவும் என்று கூறப்படுகிறது. சிலர் அப்படி நம்பி வெண்டைக்காய் தண்ணீர் குடிக்கிறார்கள். இவ்வாறு செய்வது வெண்டைக்காய் நீர் எடை இழப்புக்கு உதவும். மேலும், இது இரத்த சர்க்கரையை கட்டுப்படுத்துவதில் நன்மை பயக்கும். வெண்டைக்காய் நீரை வெறும் வயிற்றில் எடுத்து கொள்வது வயிறு நிரம்பிய உணர்வைத் தருகிறது. இதில் நார்ச்சத்து அதிகம் உள்ளதால், செரிமானத்தை மெதுவாக்குகிறது. இதனால் ஒட்டுமொத்த கலோரி உட்கொள்ளலைக் குறைக்கிறது, ஆனால், இது மட்டுமே உடல் எடையை குறைக்க உதவும் என்று அர்த்தமல்ல.

ALSO READ: வாழைப்பழம் சாப்பிட இதுவே சிறந்த நேரம்.. மருத்துவர் சரண் ஜேசி சூப்பர் டிப்ஸ்!

வெண்டைக்காய் நீர் என்ன செய்யும்..?

வெண்டைக்காய் சாப்பிடுவது அல்லது அதன் தண்ணீரைக் குடிப்பது உங்களை நீண்ட நேரம் வயிறு நிரம்பியதாக வைத்திருக்கும். இது அடிக்கடி சாப்பிட வேண்டும் என்ற விருப்பத்தை குறைக்கிறது. வெண்டைக்காய் நீரில் கலோரிகள் மிகக் குறைவு. வெண்டைக்காய் தண்ணீர் குடிப்பது பசியைக் குறைத்து, எடையைக் கட்டுப்படுத்த உதவுகிறது. ஆனால் அது அனைவருக்கும் நன்மை பயக்காது. இதற்குக் காரணம் வெண்டைக்காய் நீர் அனைவருக்கும் ஏற்றது அல்ல.

யார் யார் எடுத்து கொள்ளக்கூடாது..?

வயிற்றுப் பிரச்சினைகள் அல்லது அஜீரணக் கோளாறுகள் உள்ளவர்கள் வெண்டைக்காய் சாப்பிடுவதையோ அல்லது அதன் தண்ணீரைக் குடிப்பதையோ தவிர்க்க வேண்டும். அதிக யூரிக் அமில அளவு மற்றும் சிறுநீரகக் கல் பிரச்சினைகள் உள்ளவர்கள் வெண்டைக்காய் எந்த வடிவத்திலும் உட்கொள்வதைத் தவிர்க்க வேண்டும். இது சர்க்கரை அளவை ஒழுங்குபடுத்துவதால், இரத்தத்தில் சர்க்கரை அளவு குறைவாக உள்ளவர்களுக்கு வெண்டைக்காய் நீர் நல்லதல்ல. எனவே, இந்த ஃபார்முலா அனைவருக்கும் ஏற்றது அல்ல.

ALSO READ: காலை உணவை தவிர்க்கிறீர்களா..? சர்க்கரை நோய் வருமா?

நீங்கள் இதன் மூலம் எடை குறைக்க விரும்பினால், முதலில் உங்கள் மருத்துவரை அணுகவும். வெண்டைக்காய் தண்ணீர் ஒரு மாயாஜால பானம் அல்ல. அதை வெறுமனே குடிப்பதால் எடை குறைக்க முடியாது. உணவுமுறை மற்றும் உடற்பயிற்சியும் அவசியமானது.