Health Tips: மழைநீர் குடிக்கும் பழக்கம் உள்ளதா? இது ஆரோக்கியத்திற்கு நல்லதா..?
Drinking Rain Water: மழைநீரை சேமிக்கும்போது அது சுத்தமாக தோன்றும். சில நேரங்களில் மக்கள் மழையில் நனைந்தபடியும் குடிப்பார்கள். மழைநீர் மாசுபட்டு, தீங்கு விளைவிக்கும் பாக்டீரியா, நுண்ணுயிரிகள் மற்றும் வைரஸ்கள் கொண்டிருக்கலாம். பலவீனமான நோய் எதிர்ப்பு சக்தி, குழந்தைகள், முதியவர்கள், கர்ப்பிணி பெண்கள் உள்ளவர்கள் உட்பட சிலர் மழைநீர் குடிப்பதை தவிர்க்க வேண்டும்.
நமது தாத்தா, பாட்டி காலத்தில் மக்கள் மழைநீரை சேமித்து அதிகளவில் பயன்படுத்தி வந்தார்கள். மேலும், சிலர் இன்னும் மழைக்காலத்தில் கிடைக்கும் மழைநீரை (Rain Water) சேகரித்து அதை குடிநீராகவும் பயன்படுத்துகிறார்கள். ஆனால், மக்கள் மழைநீரைக் குடிக்க வேண்டுமா என்ற கேள்வி எப்போதும் கேட்கப்பட்டு வருகிறது. உண்மையில், பண்டைய காலங்களில், மாசு அளவு மிகவும் குறைவாக இருந்தபோது, மக்கள் மழைநீரைக் குடித்தனர். ஆனால், இன்றைய காலகட்டத்தில் சுற்றுச்சூழல் மாசுபாடு மிகவும் அதிகரித்துள்ளதால், மழைநீரை மக்கள் தொட மறுக்கிறார்கள். அதேநேரத்தில், பலரும் ஆரோக்கியத்திற்காக பிற தண்ணீர்களை தவிர்த்து மழைநீரை குடித்து வருவதாக நம்பப்படுகிறது. இந்தநிலையில், மழைநீரை குடிக்கலாமா வேண்டாமா? இது ஆரோக்கியமானதா என்பதை தெரிந்து கொள்வோம்.
மழைநீரை குடிப்பது பாதுகாப்பானதா..?
பூமியில் ஏற்படும் அதிக மாசுபாடு காரணமாக மழைநீர் கூட மாசுபாட்டால் பாதிக்கப்பட்டு இருக்கலாம். எனவே, மழைநீரில் தீங்கு விளைவிக்கும் பாக்டீரியாக்கள் இருக்கலாம். மழைநீரில் நுண்ணிய துகள்கள் இருக்கலாம். இதனால்தான் பெரும்பாலும் மழையில் மக்கள் நனைந்தவுடன் நோய்வாய்ப்படுகிறார்கள். எனவே, மழைநீரை நேரடியாக குடிக்கக்கூடாது. இருப்பினும், இதை சேமித்து வேறு காரணங்களுக்காக பயன்படுத்தலாம்.
ALSO READ: மழைக்காலத்தில் கர்ப்பிணி பெண்களே உஷார்.. இந்த நோய்கள் தாக்கும் அபாயம் அதிகம்!
மழைநீர் குடிப்பதால் ஏற்படும் நோய்கள்:
மழைநீரை சேமிக்கும்போது அது சுத்தமாக தோன்றும். சில நேரங்களில் மக்கள் மழையில் நனைந்தபடியும் குடிப்பார்கள். மழைநீர் மாசுபட்டு, தீங்கு விளைவிக்கும் பாக்டீரியா, நுண்ணுயிரிகள் மற்றும் வைரஸ்கள் கொண்டிருக்கலாம். இதை குடிப்பது நுரையீரல் பிரச்சனைகள், வயிற்றுப்போக்கு, வைரஸ்கள், பாக்டீரியா காய்ச்சல், வயிறு தொடர்பான பிரச்சனை, அமிலத்தன்மை மற்றும் தோல் தொடர்பான பிரச்சனைகளை உண்டாக்கலாம்.
பலவீனமான நோய் எதிர்ப்பு சக்தி, குழந்தைகள், முதியவர்கள், கர்ப்பிணி பெண்கள் உள்ளவர்கள் உட்பட சிலர் மழைநீர் குடிப்பதை தவிர்க்க வேண்டும். இது அவர்களுக்கு உடனடி பாதிப்பை தரலாம். உங்களுக்கு ஒருவேளை மழைநீர் குடிக்க வேண்டிய கட்டாயம் ஏற்பட்டால் தண்ணீரை கொதிக்க வைத்து குடிப்பது நல்லது. இதன்மூலம், தீங்கு விளைவிக்கும் பாக்டீரியாக்கள் மற்றும் வைரஸ்களை அழிக்கிறது. எனவே, தண்ணீரை வடிகட்டிய பிறகு குடிக்கலாம்.
ALSO READ: பால் குடித்த பிறகு உங்களுக்கு வாயு பிரச்சனைகள் ஏற்படுகிறதா? அதற்கான காரணங்கள்!
மழைநீரை குடிப்பதற்குமுன் செய்ய வேண்டிய விஷயங்கள்:
- உங்கள் பகுதி தண்ணீர் பற்றாக்குறையை எதிர்கொண்டு மழைநீரை மட்டுமே நம்பியிருந்தால், தண்ணீரைக் குடிப்பதற்கு முன் கொதிக்க வைத்து குடிக்கலாம். இது பாக்டீரியா மற்றும் வைரஸ்களைக் கொல்லும்.
- தண்ணீரில் இருந்து கன உலோகங்களை அகற்ற, நீங்கள் ஒரு நீர் வடிகட்டுதல் அமைப்பைப் பயன்படுத்த வேண்டும்.
- நீங்கள் தண்ணீரைச் சேகரிக்கும் கொள்கலன் கண்ணாடி, துருப்பிடிக்காத எஃகு, பாலிப்ரொப்பிலீன் அல்லது உணவு தரப் பொருட்களால் செய்யப்பட வேண்டும்.
- குடிப்பதற்கு முன் மழைநீரை எப்போதும் வடிகட்ட வேண்டும் என்று சுகாதார நிபுணர்கள் பரிந்துரைக்கின்றன. இதைச் செய்ய முடியாவிட்டால், துணி துவைத்தல், பாத்திரங்கள், வீட்டை சுத்தம் செய்தல், செடிகளுக்கு நீர்ப்பாசனம் செய்தல், குளித்தல் போன்றவற்ற வீட்டு வேலைகளுக்கு அதைப் பயன்படுத்துவது சிறந்தது.
