Heart Problems: மாரடைப்பு வருவதற்கு கொழுப்புதான் காரணமா..? குளிர்காலத்தில் ஹார்ட் அட்டாக் ஏன் வருகிறது..?

மாரடைப்பு

இந்தியாவில் தினமும் பலர் இதயம் தொடர்பான (Heart Problems) பிரச்சனைகளால் அவதிப்பட்டு வருகின்றனர். இந்த பிரச்சனை மக்களிடையே நாளுக்கு நாள் அதிகரித்து வருகிறது. மற்ற பருவ காலங்களை காட்டிலும், குளிர்காலத்தில் (Winter) பெரும்பாலான மக்கள் இதயம் தொடர்பான நோய்களால் இறப்பையும் சந்திக்கின்றன. முதன்மையாக உயர்ந்த கொழுப்பின் அளவு காரணமாக இருக்கலாம் என்றும் கூறப்படுகிறது. அதாவது. ஒருவருக்கு சாதாரண கொழுப்பு அளவு இருந்தாலும், அவர்களுக்கு இதய நோய் பிரச்சனை வராது என்று நினைக்கிறார்கள். இருப்பினும், இத்தகைய கருத்து முற்றிலும் தவறானது. கொழுப்பைத் தவிர இதயம் தொடர்பான மரணத்திற்கு வேறு பல காரணங்களும் உள்ளன. அதை பற்றி முழுமையான விவரங்களை இங்கே தெரிந்து கொள்வோம்.

ALSO READ: இளம் வயதிலேயே இதய நோய் பிரச்சனையா? மாரடைப்பு வருவதற்கான காரணங்கள் என்ன?

குளிர்காலத்தில் மாரடைப்பு பிரச்சனை அதிகரிக்க காரணம் என்ன..?

அதிக எண்ணிக்கையிலான மாரடைப்புக்கள் குளிர் காலத்தில் ஏற்படுகின்றன. ஏனெனில் நமது உடல்கள் நம்மை குளிர்ச்சியாக வைத்திருக்க இரத்த நாளங்கள் மற்றும் நரம்புகளை சுருக்கி, போதுமான இரத்தம் மற்றும் ஆக்ஸிஜன் நம் இதயங்களை அடைவதைத் தடுக்கின்றன. இதனால், எல்லாம் இயல்பாக இருக்கும்போது கூட மாரடைப்பு ஏற்படுகிறது.

மோசமான வாழ்க்கை முறை:

குளிர்காலத்தில் குளிருக்கு இதமாக இருக்க வேண்டும் என்பதற்காக, பெரும்பாலானோர் சிக்கன் ரைஸ் போன்ற அதிக கலோரி கொண்ட உணவுகளை உட்கொள்வார்கள். மேலும் இந்த நேரத்தில் வளர்சிதை மாற்றம் குறைவதால், எடை மற்றும் கொழுப்பின் அளவு அதிகரித்து, மாரடைப்பு அபாயத்தை அதிகரிக்கிறது.

பிளாஸ்மா:

குளிர்ந்த காலநிலையில் உடலில் பிளாஸ்மாவின் அளவு அதிகரிக்கிறது. ஏனெனில் குளிரில் நாம் குறைவாக வியர்வை சுரப்பதால், உடலில் இரத்தத்தின் அளவு அதிகரிக்கிறது. இந்த அதிகரித்த அளவு இதயத்தில் அதிக அழுத்தத்தை ஏற்படுத்துகிறது. மேலும், இது இரத்த அழுத்தம் மற்றும் இதயத் துடிப்பு அதிகரிக்கிறது.

ஹார்மோன் ஏற்ற இறக்கங்கள்:

குளிர்காலத்தில் ஹார்மோன்களில் ஏற்ற இறக்கங்கள் ஏற்பட்டு, இரத்த உறைவுக்கு வழிவகுக்கும். இந்த உறைவு நமது இதயத்தின் நரம்புகளில் தங்கினால், அடைப்பு மாரடைப்புக்கு வழிவகுக்கும். ஏற்கனவே உயர் இரத்த அழுத்தம் போன்ற பிரச்சினைகளால் பாதிக்கப்பட்டவர்கள் குளிர்காலத்தில் கூடுதல் கவனமாக இருக்க வேண்டும். இத்தகைய நபர்கள் உப்பு நிறைந்த உணவுகளை குறைவாக உட்கொள்ள அறிவுறுத்தப்படுகிறார்கள். உடல் ஜீரணிக்க அதிக முயற்சி மேற்கொள்ளும் உணவுகளை தவிர்க்க வேண்டும்.

ALSO READ: குளிர்காலத்தில் வாட்டி எடுக்கிறதா மூட்டு வலி..? ஏன் வருகிறது தெரியுமா..?

மாரடைப்பு வராமல் தடுப்பது எப்படி..?

• வறுத்த, துரித மற்றும் பதப்படுத்தப்பட்ட உணவுகளை அதிகளவில் உட்கொள்ள வேண்டாம்
• எவ்வளவு பணி சுமை இருந்தாலும் தினமும் சுமார் 7 முதல் 8 மணி நேரம் தூங்குவது முக்கியம்.
• இதயத்தில் வலி, குத்துதல் போன்ற ஏதேனும் அறிகுறிகள் தென்பட்டால், அவற்றை எக்காரணத்தை கொண்டும் புறக்கணிக்கக்கூடாது. உடனடியாக மருத்துவரை அணுகவும்.
• குளிர்காலத்தில் உங்கள் உடலை சூடாக வைத்து கொள்ளுங்கள், முடிந்தவரை குறைவாக வெளியே செல்லுங்கள்.