ரஜினிகாந்தின் கூலி படத்திற்கு இந்தியில் மஜதூர் என்று டைட்டில் வைத்துள்ளனர்… காரணம் என்ன?

கூலி

இயக்குநர் லோகேஷ் கனகராஜ் இயக்கத்தில் நடிகர் சூப்பர் ஸ்டார் ரஜினிகாந்த் (Super Star Rajinikanth) நடிப்பில் உருவாகியுள்ள படம் கூலி (Coolie Movie). இந்தப் படம் பான் இந்திய மொழிகளில் வருகின்ற ஆகஸ்ட் மாதம் 14-ம் தேதி 2025-ம் ஆண்டு திரையரங்குகளில் வெளியாக உள்ளது. இந்த நிலையில் தமிழ் மற்றும் அதனுடன் மலையாளம், கன்னடம், தெலுங்கு ஆகிய மொழிகளில் கூலி படம் அதே பெயரில் வெளியாக உள்ள நிலையில் இந்தியில் மற்றும் கூலி படத்தின் பெயரை மாற்றி மஜதூர் என்று வெளியிட படக்குழு திட்டமிட்டுள்ளது. இது குறித்து சமீபத்தில் செய்திகள் வெளியாகி இணையத்தில் வைரலாகி வருகின்ற நிலையில் படக்குழு இதுகுறித்து இதுவரை அதிகாரப்பூர்வ அறிவிப்பை வெளியிடவில்லை. விரைவில் படக்குழு இதுகுறித்த விளக்கத்தை அளிக்கும் என்று எதிர்பார்க்கப்படுகின்றது.

கூலி படத்தை மஜதூர் என்று மாற்றக் காரணம் என்ன?

முன்னதாக இந்தியில் கடந்த 1983-ம் ஆண்டு இந்தி சினிமாவில் சூப்பர் ஸ்டாராக இருக்கும் நடிகர் அமிதாப் பச்சன் நடிப்பில் கூலி என்ற தலைப்பில் படம் ஹிந்தியில் வெளியாகியுள்ளது. அதனைத் தொடர்ந்து கடந்த 2020-ம் ஆண்டு நடிகர் வருண் தவான் நடிப்பில் இந்தி திரையுலகில் கூலி நம்பர் 1 எனும் தலைப்பில் படம் திரையரங்குகளில் வெளியானது குறிப்பிடத்தக்கது. இதன் காரணமாகவே இந்தியில் கூலி படத்தின் பெயர் மாற்றப்படுவதாக சினிமா வட்டாரங்களில் தகவல்கள் தெரிவிக்கின்றது.

விறுவிறுப்பாக நடைபெறும் ரஜினிகாந்தின் கூலி படத்தின் பணிகள்:

நடிகர் ரஜினிகாந்தின் நடிப்பில் இறுதியாக வேட்டையன் படம் திரையரங்குகளில் வெளியான பிறகு இயக்குநர் லோகேஷ் கனகராஜ் இயக்கத்தில் கூலி படத்தில் நடிக்கத் தொடங்கினார் ரஜினிகாந்த். இந்தப் படத்தின் படப்பிடிப்பு பணிகள் விறுவிறுப்பாக நடைப்பெற்ற நிலையில் படத்தின் ஷூட்டிங்கை கடந்த சில நாட்களுக்கு முன்பு ரஜினிகாந்த் முடித்துவிட்டார்.

இந்த நிலையில் படத்தின் வெளியீட்டிற்கான பணிகள் தற்போது தீவிரமாக நடைப்பெற்று வருகின்றது. இந்த நிலையில் படத்தில் இருந்து அடுத்தடுத்து அப்டேட்கள் வெளியாகி வருகின்ற நிலையில் வருகின்ற ஜூன் மாதம் 25-ம் தேதி 2025-ம் ஆம் ஆண்டு மாலை 6 மணிக்கு சிக்கிடு என்ற பாடலை  படக்குழு வெளியிட உள்ளது. மேலும் இந்தப் படத்திற்கு இசையமைப்பாளர் அனிருத் ரவிசந்திரன் இசையமைத்துள்ளது குறிப்பிடத்தக்கது.

கூலி படத்தின் சிங்கிள் வீடியோ குறித்து படக்குழு வெளியிட்ட எக்ஸ் தள பதிவு: