Karuppu : 2026 ஆண்டு பொங்கல் ரேஸில் இணைகிறதா சூர்யாவின் கருப்பு திரைப்படம்?

சூர்யாவின் கருப்பு திரைப்படம்

தமிழ் சினிமாவில் ஆரம்பத்தில் காமெடி நடிகராக இருந்து ஹீரோவானவர் ஆர்.ஜே. பாலாஜி (RJ Balaji). இவர் அதை தொடர்ந்து இயக்குநராகவும் சினிமாவில் படங்களை இயக்க தொடங்கினார். இந்நிலையில், இவரின் இயக்கத்தில் 3வது படமாக, மிகப் பிரம்மாண்டமாக உருவாகியிருக்கும் படம் கருப்பு (Karuppu). இதில் உச்ச நடிகர் சூர்யா (Suriya) ஹீரோவாகா நடித்துள்ளார். இந்த படமானது கடந்த 2024ம் ஆண்டு இறுதியில் சூர்யா45 என்ற டைட்டிலுடன் அறிவிக்கப்பட்டிருந்தது. இதில் சூர்யாவிற்கு ஜோடியாக நடிகை திரிஷா கிருஷ்ணன் (Trisha Krishnan) நடித்துள்ளார். இந்த ஜோடியானது சுமார் 20 வருடங்களுக்குப் பின் மீண்டும் இப்படத்தில் இணைத்துள்ளது என்பது குறிப்பிடத்தக்கது. இந்தப் படமானது கிராமத்து  பின்னணியில் உருவாகியுள்ளதாம். இப்படத்தில் முக்கிய வேடத்தில் இயக்குநர் ஆர். ஜே. பாலாஜியும் நடித்திருக்கிறார்.

இந்நிலையில், சமீபத்தில் நேர்காணல் ஒன்றில் பேசிய ஆர்.ஜே. பாலாஜி, இப்படத்தை வரும் 2025 ஆம் ஆண்டு தீபாவளி பண்டிகைக்கு வெளியிட முயற்சி செய்கிறோம் எனக் கூறியிருந்தார். இந்நிலையில், தற்போது சில காரணங்களால் இப்படத்தின் ரிலீஸ் தள்ளிப்போவதாகக் கூறப்படுகிறது. அதன்படி இப்படம் வரும் 2026ம் ஆண்டு பொங்கல் பண்டிகையை முன்னிட்டு வெளியாகும் எனக் கோலிவுட் வட்டாரங்களில் தகவல்கள் பரவி வருகிறது.

இதையும் படிங்க : ‘தலைவன் தலைவி’ பட ஓடிடி ரிலீஸ்… வெளியான அறிவிப்பு!

கருப்பு திரைப்படத்தின் டீசர் பதிவு :

கருப்பு படத்தின் ரிலீஸ் தள்ளிப்போவதற்கு காரணம் என்ன?

நடிகர் சூர்யாவின் கருப்பு திரைப்படமானது , மிக பிரம்மாண்ட கதைக்களத்திலும் , பட்ஜெட்டிலும் உருவாகியிருக்கிறது. இப்படத்தில் நடிகர்கள் யோகி பாபு, ஷிவதா, இந்திரன்ஸ், ஸ்வாசிகா, அனகா மாயா ரவி மற்றும் சுப்ரமணியன் போன்ற பல்வேறு பிரபலங்கள் இணைந்து நடித்துள்ளனர். இப்படத்திற்கு இளம் இசையமைப்பாளர் சாய் அபயங்கர் இசையமைத்து வருகிறார். இப்படமானது ஆரம்பத்தில் தீபாவளிக்கு வெளியாகும் என கூறப்பட்டு வந்த நிலையில், கார்த்தியின் சர்தார் 2 திரைப்படமும் தீபாவளிக்கு வெளியிடப் படக்குழு திட்டமிட்டு வருகிறதாம்.

இதையும் படிங்க : கூலி vs வார் 2.. வசூலில் முந்தியது யார்? – வெளியான அப்டேட்!

இந்நிலையில், கருப்பு மற்றும் சர்தார் 2 படங்கள் ஒன்றாக மோதினால், பல்வேறு விமர்சனங்கள் எழும் எனக் கூறப்படுகிறது. இதனால் தம்பி கார்த்தியின் சர்தார் 2 படமானது வெளியாகும் என்ற காரணத்தால், அண்ணன் சூர்யாவின் கருப்பு படமானது வரும் 2026ம் ஆண்டு தொடக்கத்தில் வெளியாகும் எனக் கூறப்படுகிறது. ஆனால் இது குறித்துப் படக்குழு எந்த அறிவிப்புகளையும் வெளியிடவில்லை. விரைவில் இப்படத்தின் ரிலீஸ் மற்றும் முதல் பாடல் குறித்த அறிவிப்புகளும் வெளியாகும் என் எதிர்பார்க்கப்படுகிறது.