ரஜினிகாந்தின் பிறந்த நாளை முன்னிட்டு ரீ ரிலீஸ் ஆகும் சூப்பர் ஹிட் படம்

தமிழ் சினிமா மட்டும் இன்றி ஒட்டுமொத்த இந்திய சினிமாவிற்கும் சூப்பர் ஸ்டாராக இருப்பவர் நடிகர் ரஜினிகாந்த் (Super Star Rajinikanth). சினிமாவில் 50 வருடங்கள் கடந்த பிறகும் இளைய தலைமுறை நடிகர்களை விட மிகவும் வேகமாக பணியாற்றி வருகிறார் நடிகர் ரஜினிகாந்த். தொடர்ந்து ஓய்வே இல்லாமல் படங்களில் நடித்து வரும் நடிகர் ரஜினிகாந்த் வருடத்திற்கு ஒரு படமாவது திரையரங்குகளில் வெளியாக வேண்டும் என்பதில் உருதியாக உள்ளார். அந்த வகையில் கடந்த 2024-ம் ஆண்டு இயக்குநர் ஞானவேல் இயக்கத்தில் சூப்பர் ஸ்டார் ரஜினிகாந்த் நடித்து வெளியான படம் வேட்டையன். இந்தப் படம் ரசிகர்களிடையே நல்ல வரவேற்பைப் பெற்றது. இந்த நிலையில் இந்த 2025-ம் ஆண்டு நடிகர் ரஜினிகாந்த் நடிப்பில் திரையரங்குகளில் வெளியாக காத்திருக்கும் படம் கூலி ஆகும்.

இயக்குநர் லோகேஷ் கனகராஜ் இயக்கத்தில் நடிகர் ரஜினிகாந்த் நடிப்பில் உருவாகியுள்ள படம் கூலி. இந்தப் படத்தின் படப்பிடிப்பு பணிகள் முடிவடைந்த நிலையில் தற்போது வெளியீட்டிற்கான போஸ்ட் புரடெக்‌ஷன் பணிகள் நடைப்பெற்று வருகின்றது. அந்த வகையில் படம் வருகின்ற ஆகஸ்ட் மாதம் 14-ம் தேதி 2025-ம் ஆண்டு திரையரங்குகளில் வெளியாக உள்ளது குறிப்பிடத்தக்கது.

ரீ ரிலீஸாகும் ரஜினிகாந்தின் சூப்பர் ஹிட் படம் அண்ணாமலை:

சூப்பர் ஸ்டார் நடிகர் ரஜினிகாந்த் நடிப்பில் கடந்த 1992-ம் ஆண்டு ஜூன் மாதம் 27-ம் தேதி திரையரங்குகளில் வெளியான படம் அண்ணாமலை. இயக்குநர் சுரேஷ் கிருஷ்ணா இயக்கத்தில் வெளியான இந்தப் படத்தில் நடிகர்கள் குஷ்பு, சரத் பாபு, ராதா ரவி, நிழல்கள் ரவி மற்றும் மனோரமா ஆகியோர் முக்கிய கதாப்பாத்திரத்தில் நடித்து இருந்தது குறிப்பிடத்தக்கது.

இதையும் படியுங்கள்

இயக்குநர் பாலா எனக்கு ஹீரோ – புழந்து பேசிய இயக்குநர் மணிரத்னம்

டூரிஸ்ட் ஃபேமிலி படக்குழு மீது வழக்கு போட சொன்னாங்க… ஆனால் – நடிகர் தியாகராஜன் ஓபன் டாக்

நடிகர் சிவாவின் நடிப்பில் வெளியானது பறந்து போ படத்தின் டீசர்!

எத்தனை மகள்களுக்கு கிடைக்கும் இந்த பாக்கியம்… ஸ்ருதி ஹாசன்!

இந்தப் படத்திற்கு இசையமைப்பாளர் தேவா இசையமைத்து இருந்தார். படம் திரையரங்குகளில் வெளியாகி விமர்சன் ரீதியாகவும் வசூல் ரீதியாகவும் நல்ல வரவேற்பைப் பெற்றது போல அண்ணாமலை படத்தில் வரும் பாடல்களும் ரசிகர்களிடையே மாபெரும் வரவேற்பைப் பெற்றது குறிப்பிடத்தக்கது.

இந்த நிலையில் நடிகர் ரஜினிகாந்தின் 75-வது பிறந்த நாள் வருகின்ற டிசம்பர் மாதம் 12-ம் தேதி 2025-ம் ஆண்டு கொண்டாடப்பட உள்ளது. இந்த பிறந்த நாள் விழாவை சிறப்பிக்கும் விதமாக அண்ணாமலை படத்தை 4கே தரத்தில் தமிழ்கம் மற்றும் கேரள மாநிலத்தில் டிசம்பர் 12-ம் தேதி ரீ ரிலீஸ் செய்ய படக்குழு திட்டமிட்டுள்ளது.

ஜெயிலர் 2 படத்தில் விறுவிறுப்பாக நடித்து வரும் ரஜினிகாந்த்:

நடிகர் ரஜினிகாந்த் நடிப்பில் தற்போது கூலி படம் வெளியீட்டிற்காக காத்திருக்கும் நிலையில் அடுத்ததாக அவர் இயக்குநர் நெல்சன் திலீப் குமார் இயக்கத்தில் ஜெயிலர் 2 படத்தில் விறுவிறுப்பாக நடைப்பெற்று வருகின்றது. இந்தப் படத்தின் பணிகள் தமிழக எல்லைகள் மற்றும் கேரளாவில் நடைப்பெற்று வருவது குறிப்பிடத்தக்கது.