Tamil Nadu Election 2026 Live: நெருங்கும் தேர்தல்… இன்று தமிழகம் வரும் பிரதமர் மோடி!

பிரதமர் மோடி இன்று நாகர்கோவில் வருகை தருவதை அடுத்து அங்கு ட்ரோன்கள் பறக்க தடை விதிக்கப்பட்டுள்ளது. மேலும் போக்குவரத்து மாற்றங்களும் செய்யப்பட்டுள்ளன.

தேர்தல் நடைபெறும் விடுமுறை நாளில் நாம் அனைவரும் வாக்குச்சாவடிக்கு தவறாமல் சென்று வாக்களித்து நமது உரிமையினை நாட்டிடுவோம். வாக்காளர்கள் என்பதில் பெருமிதம் கொள்வோம். மேலும் விவரங்களுக்கு https://www.elections.tn.gov.in/ என்ற இணையதளத்தில் தெரிந்து கொள்ளலாம் என்று அதில் குறிப்பிடப்பட்டுள்ளது

தமிழக சட்டமன்ற தேர்தலில் வாக்களிப்பதன் அவசியம் குறித்து சென்னை மாவட்டத்தில் சுமார் 11.50 லட்சம் வாக்காளர்களுக்கு ஏப்ரல் 23- ஆம் தேதி நாம் அனைவரும் வாக்குச்சாவடிக்கு சென்று 100 சதவீதம் வாக்களிப்பதை உறுதி செய்வோம் என்ற வாசகத்துடன் வாட்ஸ் ஆப்பில் விழிப்புணர்வு செய்திகள் அனுப்பப்பட்டு வருகிறது.

தேர்தல் ஆணையம் 100 சதவீதம் வாக்குப் பதிவை வலியுறுத்தி பல்வேறு கட்ட நடவடிக்கைகளை முன்னெடுத்து வருகிறது.

திமுக கூட்டணி கட்சி வேட்பாளர்களை ஆதரித்து முக ஸ்டாலின் இன்று சேலம் மற்றும் தருமபுரியில் வாக்கு சேகரிக்கிறார். சேலத்தில் பெண்கள் மாநாடும் நடக்கவுள்ளது

சென்னையில் இன்று 3 தொகுதிகளில் பிரச்சாரம் செய்கிறார் தவெக தலைவர் விஜய். டிநகர், ஆயிரம் விளக்கு, எழும்பூர் பகுதிகளில் விஜய் பிரசாரம் செய்யவுள்ளார்

சுமார் 200-க்கும் மேற்பட்ட திமுக நிர்வாகிகள் அந்த வீட்டை சூழ்ந்திருந்ததால், அதிகாரிகள் தங்கள் பணியை சுதந்திரமாக செய்ய முடியாத சூழ்நிலை ஏற்பட்டதாக கூறப்படுகிறது. இது குறித்து விசாரணை நடைபெறுகிறது

தருமபுரி பாலக்கோடு பகுதியில் நடைபயிற்சி மேற்கொண்டு பிரச்சாரம் செய்த திமுக தலைவர் ஸ்டாலின். அங்கிருந்தவர்கள் அவருடன் செல்பி எடுத்து மகிழ்ந்தனர்

பணப்பட்டுவாசா  சம்பவம் தொடர்பாக, “தேர்தல் பறக்கும் படை அதிகாரிகள் மீது நம்பிக்கை இல்லை” என்று திலகபாமா வெளிப்படையாக தெரிவித்துள்ளார். மேலும், தேர்தல் அதிகாரிகளும் காவல்துறையும் திமுகவுக்கு ஆதரவாக செயல்படுகின்றன என குற்றம்சாட்டினார்.

கூட்டணி கட்சி நிர்வாகிகளுடன் சம்பவ இடத்திற்கு விரைந்த பாமக வேட்பாளர் திலகபாமா, தேர்தல் பறக்கும் படையினருக்கும் தகவல் தெரிவித்தார். இதனையடுத்து சம்பவ இடத்திற்கு வந்த தேர்தல் பறக்கும் படையினரை உடனடியாக உள்ளே அனுமதிக்காமல், சுமார் 2 மணி நேரம் திமுகவினர் தாமதப்படுத்தியதாக கூறப்படுகிறது.

சென்னை பெரம்பூர் 44வது வட்டத்திற்குட்பட்ட பகுதியில் கார் ஒன்றில் வாக்காளர்களுக்கு திமுகவினர் பணம் விநியோகிப்பதாக பாமக வேட்பாளர் குற்றச்சாட்டு

இதேபோல, வருகிற 18-ஆம் தேதி கோவையில் நடைபெறும் பொதுக் கூட்டத்திலும் பங்கேற்க உள்ளார்.  சில மாதங்களுக்கு முன்பு செங்கல்பட்டு மாவட்டம், மதுராந்தகம் மற்றும் மதுரையில் தேசிய ஜனநாயக கூட்டணி கட்சிகள் சார்பில் பிரம்மாண்ட  கூட்டங்களில் பிரதமர் நரேந்திர மோடி பங்கேற்று உரையாற்றி இருந்தார்.

ரோடு ஷோ நிறைவடைந்த பிறகு மாலை 5:45 மணியளவில் நாகர்கோவிலில் இருந்து ஹெலிகாப்டரில் பிரதமர் மோடி திருவனந்தபுரம் புறப்பட்டு செல்கிறார். பின்னர், அங்கிருந்து மாலை 6:20 மணியளவில் தனி விமானத்தில் டெல்லி செல்கிறார்.

ரோடு ஷோவில் பங்கேற்கும் பிரதமர் மோடி தேசிய ஜனநாயக கூட்டணி கட்சிகளின் வேட்பாளர்களுக்கு ஆதரவாக பிரதமர் நரேந்திர மோடி தீவிர வாக்கு சேகரிப்பில் ஈடுபடுகிறார்.

மாலை 4:30 முதல் 5:30 வரை வேப்பமூடு பகுதியில் இருந்து வடசேரி வரை சுமார் 1.5 கிலோ மீட்டர் தொலைவுக்கு பிரம்மாண்ட ரோடு ஷோ வில் பங்கேற்கிறார்.

டெல்லியில் இருந்து தனி விமானத்தில் கேரள மாநிலம், திருவனந்தபுரம் விமான நிலையத்துக்கு பிரதமர் மோடி வந்தடைகிறார். அங்கிருந்து இன்று பிற்பகல் 3:30 மணிக்கு தனி ஹெலிகாப்டரில் புறப்பட்டு மாலை 4:10 மணி அளவில் நாகர்கோவில் வந்து சேர்கிறார்

பிரதமர் நரேந்திர மோடி இன்று புதன்கிழமை ( ஏப்ரல் 15) நாகர்கோவிலில் ரோடு ஷோ மேற்கொண்டு தீவிர பரப்புரை பிரச்சாரத்தில் ஈடுபட உள்ளார்.