பேச்சுவார்த்தைக்கு தயார் – பாகிஸ்தான் பிரதமர் திடீர் அறிவிப்பு.. இந்தியா முடிவு என்ன?

கடந்த 20 நாட்களுக்கும் மேலாக இந்தியாவிற்கும் பாகிஸ்தானுக்கும் இடையே பதற்றம் நிலவி வருகிறது. இந்தப் பதற்றம் சமீபத்தில் மோதலாக மாறியது. சுமார் 4 நாட்கள் நீடித்த மோதலுக்குப் பிறகு, இரு நாடுகளுக்கும் இடையே போர் நிறுத்தம் அறிவிக்கப்பட்டது. இரு நாடுகளுக்கும் இடையே நிலவும் பதற்றத்திற்குப் பிறகு, பாகிஸ்தான் பிரதமர் ஷாபாஸ் ஷெரீப் (Pakistan PM Shehbaz Sharif ) அமைதி குறித்து ஒரு பேசியுள்ளார். பாகிஸ்தான் பிரதமர்  இந்தியாவுடன் அமைதிப் பேச்சுவார்த்தை நடத்தத் தயாராக இருப்பதாகக் குறிப்பிட்டுள்ளார்.

இது குறித்து பேசியுள்ள பாகிஸ்தான் பிரதமர் ஷாபாஸ் ‘ எங்கள் நாடு “அமைதிக்காக” பேச்சுவார்த்தை நடத்த தயாராக இருப்பதாகக் கூறினார். பஞ்சாப் மாகாணத்தில் உள்ள காம்ரா விமான தளத்திற்கு வருகை தந்தபோது ஷாபாஸ் இவ்வாறு கூறினார். இந்தியாவுடனான சமீபத்திய இராணுவ மோதலில் ஈடுபட்ட அதிகாரிகள் மற்றும் வீரர்களுடன் அவர் அங்கு கலந்துரையாடினார்.

பாகிஸ்தான் பிரதமர் சொன்னது என்ன?

அமைதிப்பேச்சுவார்த்தை குறித்து பேசிய அவர், அமைதிக்காக அவர்களுடன் (இந்தியாவுடன்) பேச நாங்கள் தயாராக இருக்கிறோம். ‘அமைதிக்கான நிபந்தனைகளில்’ காஷ்மீர் பிரச்சினையும் அடங்கும் என்று ஷாபாஸ் கூறினார்.
ஜம்மு-காஷ்மீர் யூனியன் பிரதேசமும் லடாக் யூனியன் பிரதேசமும் அதன் ஒருங்கிணைந்த மற்றும் பிரிக்க முடியாத பகுதிகளாகவே இருக்கும் என்று இந்தியா எப்போதும் வலியுறுத்தி வருகிறது.

ஷாபாஸுடன், துணைப் பிரதமர் இஷாக் தார், பாதுகாப்பு அமைச்சர் கவாஜா ஆசிப், ராணுவத் தளபதி ஜெனரல் அசிம் முனீர், விமானப்படைத் தளபதி விமானப்படைத் தளபதி ஜாகீர் அகமது பாபர் சித்து ஆகியோரும் விமானப்படை தளத்தில் கலந்து கொண்டனர்.

பஹல்காம் தாக்குதலுக்குப் பிறகு பதற்றம்

2025, ஏப்ரல் 22 அன்று, ஜம்மு-காஷ்மீரின் பஹல்காமில், பயங்கரவாதிகள் 26 சுற்றுலாப் பயணிகளிடம் அவர்களின் மதம் குறித்து கேட்டதற்காக சுட்டுக் கொன்றனர். இந்த பயங்கரவாத தாக்குதலுக்குப் பிறகு இரு நாடுகளுக்கும் இடையே பதற்றம் அதிகரித்துள்ளது. இந்த பயங்கரவாத தாக்குதலுக்குப் பிறகு பாகிஸ்தானுக்கு எதிராக இந்தியா பல முக்கிய நடவடிக்கைகளை எடுத்தது. இதில், சிந்து நதி நீர் ஒப்பந்தம் இடைநிறுத்தப்பட்டு, பாகிஸ்தானுடனான அனைத்து இராஜதந்திர உறவுகளும் முடிவுக்கு வந்தன. இதனுடன், இந்தியாவில் இருந்த அனைத்து பாகிஸ்தானியர்களும் நாட்டை விட்டு வெளியேறுமாறு கேட்டுக் கொள்ளப்பட்டனர்.

ஆபரேஷன் சிந்தூர்

பஹல்காம் பயங்கரவாதத் தாக்குதலுக்குப் பழிவாங்கும் வகையில், 2025, மே 6 ஆம் தேதி இரவும், 2025, மே 7 ஆம் தேதி காலையும் பாகிஸ்தான் ஆக்கிரமிப்பு காஷ்மீரில் இந்தியா சர்ஜிக்கல் ஸ்ட்ரைக் நடத்தியது. இந்த தாக்குதலில் 9 பயங்கரவாதிகளின் மறைவிடங்கள் அழிக்கப்பட்டன. இதில் 100க்கும் மேற்பட்ட பயங்கரவாதிகள் கொல்லப்பட்டனர். இந்தியாவின் இந்த நடவடிக்கைக்குப் பிறகுதான் பாகிஸ்தான் கோபமடைந்து இந்தியா மீது ட்ரோன் மற்றும் ஏவுகணைத் தாக்குதல்களை நடத்தியது. பாகிஸ்தானின் ஒவ்வொரு தாக்குதலையும் இந்தியா முறியடித்தது, பதிலடி கொடுக்கும் விதமாக பாகிஸ்தானின் பல விமானப்படை தளங்களையும் பிற இடங்களையும் அழித்தது.

பிரதமர் மோடி உரை

விமானத் தாக்குதல் மற்றும் போர் நிறுத்தத்திற்குப் பிறகு, பிரதமர் மோடி நாட்டு மக்களுக்கு உரையாற்றினார். அப்போது, ​​பாகிஸ்தான் தனது நாட்டில் உள்ள அனைத்து பயங்கரவாத கட்டமைப்புகளையும், அவற்றுடனான உறவுகளையும் முடிவுக்குக் கொண்டுவரத் தயாராக இருக்கும்போது மட்டுமே பாகிஸ்தானுடன் பேச்சுவார்த்தைகள் நடத்தப்படும் என்று அவர் தெளிவுபடுத்தினார்.