IPL 2026: இதுவரை 2 விக்கெட் மட்டுமே.. ஐபிஎல் 2026 சீசனில் பும்ராவுக்கு ஃபேட் டைம்..!

ஜஸ்பிரித் பும்ரா

உலகின் மிகவும் அபாயகரமான பந்துவீச்சாளர்களில் ஒருவராகக் கருதப்படும் ஜஸ்பிரித் பும்ராவுக்கு, ஐபிஎல் 2026 சீசன் (IPL 2026) இதுவரை சிறப்பாக அமையவில்லை. இந்தத் தலைமுறையின் அனைத்து வடிவங்களிலும் சிறந்த பந்துவீச்சாளர்களில் ஒருவராகக் கருதப்படும் பும்ரா, 2024 மற்றும் 2026 டி20 உலகக் கோப்பையை இந்திய அணி வெல்ல முக்கிய காரணமாக இருந்தார். இருப்பினும், ஐபிஎல் 2026 சீசனில் பும்ரா இதுவரை 8 போட்டிகளில் விளையாடி 2 விக்கெட்டுகளை மட்டுமே எடுத்துள்ளார். ஒரு காலத்தில் அவருக்கு எதிராக எச்சரிக்கையாக விளையாடிய பேட்ஸ்மேன்கள் இப்போது ஆக்ரோஷமாக விளையாடுகிறார்கள். சன்ரைசர்ஸ் ஹைதராபாத் (Sunrisers Hyderabad) அணிக்கு எதிராக, பும்ரா விக்கெட் எதுவும் எடுக்காமல் 54 ரன்களை விட்டுக்கொடுத்தார். இது அவரது டி20 வாழ்க்கையில் நான்காவது அதிக ரன்களைக் கொடுத்த பந்துவீச்சாகும்.

ALSO READ: குஜராத் vs பெங்களூரு இன்று மோதல்! உத்தேச ஆடும் லெவன், பிட்ச் ரிப்போர்ட் இதோ!

நியூசிலாந்துக்கு எதிராக அதிக ரன்கள்:

ஜஸ்பிரித் பும்ராவின் மிக அதிக ரன்களைக் கொடுத்த டி20 பந்துவீச்சு, 2026ம் ஆண்டின் தொடக்கத்தில் நியூசிலாந்துக்கு எதிரான ஒரு டி20 சர்வதேசப் போட்டியில் நிகழ்ந்தது. திருவனந்தபுரத்தில் நடைபெற்ற அந்தப் போட்டியில், பும்ரா விக்கெட் எதுவும் எடுக்காமல் 58 ரன்களை விட்டுக்கொடுத்தார். இதுவே அவரது மிக அதிக ரன்களைக் கொடுத்த டி20 போட்டியாகும். மேலும், பும்ரா டெல்லியில் இரண்டு முறை 50 ரன்களுக்கு மேல் விட்டுக்கொடுத்துள்ளார். மும்பையில் உள்ள வான்கடே மைதானத்தில் விக்கெட் எதுவும் எடுக்காமல் 50 ரன்களுக்கு மேல் விட்டுக்கொடுப்பது இது இரண்டாவது முறையாகும்.

டி20 போட்டிகளில் ஜஸ்பிரித் பும்ராவின் அதிக ரன்களைக் கொடுத்த பந்துவீச்சுகள்:

1. 0/58 vs நியூசிலாந்து, திருவனந்தபுரம், 2026
2. 1/56 vs சென்னை சூப்பர் கிங்ஸ், டெல்லி, 2021
3. 1/55 vs டெல்லி கேப்பிட்டல்ஸ், டெல்லி, 2015
4. 0/54 vs சன்ரைசர்ஸ் ஹைதராபாத், மும்பை, 2026
5. 0/52 vs ராயல் சேலஞ்சர்ஸ் பெங்களூரு, மும்பை, 2015

ALSO READ: வெற்றியுடன் முன்னேற நினைத்த மும்பை.. முட்டி கீழே தள்ளிய ஹைதராபாத்

விக்கெட் எடுக்க திணறும் பும்ரா:

சன்ரைசர்ஸ் ஹைதராபாத் அணிக்கு எதிராக 4 ஓவர்கள் பந்துவீசிய மும்பை இந்தியன்ஸ் பந்துவீச்சாளர்களில், ஜஸ்பிரித் பும்ராவே அதிக ரன்களை விட்டுகொடுத்தார். பும்ரா 4 ஓவர்களில் 13.50 என்ற எகானமி விகிதத்தில் 54 ரன்களை விட்டுக்கொடுத்ததுடன், விக்கெட் எதுவும் எடுக்கவில்லை. இருப்பினும், ஐபிஎல் 2026 தொடரில் பும்ராவின் விக்கெட் எடுக்காத நிலை, ஆரம்பத்திலிருந்தே அவருக்கு ஒரு சவாலாக இருந்து வருகிறது. மும்பை இந்தியன்ஸ் இதுவரை விளையாடிய 8 போட்டிகளிலும் பும்ரா அதிக விக்கெட்டுகளை எடுக்கவில்லை. சன்ரைசர்ஸ் ஹைதராபாத் அணிக்கு எதிராக விக்கெட் எதுவும் எடுக்காத பும்ரா, இதற்கு முன்பும் மற்ற அணிகளுக்கு எதிராக விக்கெட் எடுக்கத் தவறியுள்ளார். ஐபிஎல் 2026 தொடரில் பும்ரா இதுவரை 2 விக்கெட்டுகளை மட்டுமே எடுத்துள்ளார்.