IPL 2026: சிஎஸ்கே vs டிசி இன்று மோதல்.. சென்னையில் மழை அச்சமா..? வானிலை நிலவரம் இதோ!
CSK vs DC Weather Update: ஐபிஎல் 2026 சீசனில் 3 போட்டிகளில் தொடர்ச்சியாக தோல்வியடைந்துள்ளதால், டெல்லியை விட சென்னைக்கு இந்தப் போட்டி மிகவும் முக்கியமானதாக இருக்கும். தொடர்ச்சியான 3 தோல்விகளுக்குப் பிறகு, தங்களது தொடர் பயணத்தை உயிர்ப்புடன் வைத்திருக்க சென்னை அணி விரைவாக மீண்டு வர வேண்டியது முக்கியம்.
இந்தியன் பிரீமியர் லீக் (IPL 2026) 2026-ன் 18-வது போட்டி சென்னை சூப்பர் கிங்ஸ் (Chennai Super Kings) மற்றும் டெல்லி கேபிட்டல்ஸ் அணிகளுக்கு இடையே நடைபெற உள்ளது. இரு அணிகளுக்கு இடையேயான இந்த போட்டியானது இன்று அதாவது 2026 ஏப்ரல் 11ம் தேதி, சென்னையில் உள்ள எம்.ஏ. சிதம்பரம் ஸ்டேடியத்தில் நடைபெறுகிறது. இந்திய நேரப்படி இரவு 7:30 மணிக்கு போட்டி தொடங்கும். ஆனால் போட்டிக்கு முன்னதாக வானிலை எப்படி இருக்கும் என்று ரசிகர்கள் தெரிந்துகொள்ள விரும்புகிறார்கள். ஏனெனில், கடந்த சில நாட்களாகவே மழையால் ஐபிஎல் 2026 சீசனில் சில போட்டிகள் ஓவர்கள் குறைக்கப்பட்டும், ரத்து செய்யப்பட்டும் வருகின்றன.
ALSO READ: மகேந்திர சிங் தோனி விளையாடுவாரா இல்லையா..? களமிறங்கும் தேதி இதோ!
சென்னை வானிலை எப்படி..?
வானிலை முன்னறிவிப்பின்படி, சென்னையில் சென்னை மற்றும் டெல்லி அணிகளுக்கு இடையிலான போட்டியின் போது வானம் தெளிவாக இருக்கும் என்றும், மழை பெய்ய வாய்ப்பில்லை என்றும் எதிர்பார்க்கப்படுகிறது. இதமான காற்றுடன் வானிலை மிதமாக இருக்கும். மேலும், வெப்பநிலை சுமார் 28 டிகிரி செல்சியஸ் அளவில் இருக்கும் என எதிர்பார்க்கப்படுகிறது. வெளிப்படையாக, போட்டியின் போது மழை பெய்ய வாய்ப்பில்லை, அதாவது ரசிகர்கள் முழு போட்டியையும் கண்டுகளிக்கலாம்.
சிஎஸ்கே தொடர் தோல்வி..
ஐபிஎல் 2026 சீசனில் 3 போட்டிகளில் தொடர்ச்சியாக தோல்வியடைந்துள்ளதால், டெல்லியை விட சென்னைக்கு இந்தப் போட்டி மிகவும் முக்கியமானதாக இருக்கும். தொடர்ச்சியான 3 தோல்விகளுக்குப் பிறகு, தங்களது தொடர் பயணத்தை உயிர்ப்புடன் வைத்திருக்க சென்னை அணி விரைவாக மீண்டு வர வேண்டியது முக்கியம். சென்னை தற்போது புள்ளி அட்டவணையில் 10-வது அதாவது கடைசி இடத்தில் இருப்பதுடன், மிக மோசமான நிகர ரன் விகிதத்தையும் (-2.517) கொண்டுள்ளது. இந்தப் போட்டியிலும் தோற்றால், அவர்கள் மீண்டு வருவது மிகவும் கடினமாகிவிடும்.
கடைசி சீசனில் யார் வெற்றி..?
கடந்த ஐபிஎல் 2026 சீசனில் இந்த இரு அணிகளுக்கும் இடையே ஒரே ஒரு போட்டி மட்டுமே சென்னையில் உள்ள எம்.ஏ. சிதம்பரம் ஸ்டேடியத்தில் நடைபெற்றது என்பது குறிப்பிடத்தக்கது. 183 ரன்களைப் பாதுகாத்து போட்டியை நடத்திய சென்னை சூப்பர் கிங்ஸ் அணியை 25 ரன்கள் வித்தியாசத்தில் வீழ்த்தியது டெல்லி கேப்பிட்டல்ஸ் அணி. சென்னையில் நடந்த இந்தப் போட்டியில் கே.எல். ராகுல் 51 பந்துகளில் 77 ரன்கள் எடுத்து ஒரு சிறப்பான ஆட்டத்தை வெளிப்படுத்தினார் என்பது குறிப்பிடத்தக்கது.
ALSO READ: பும்ரா, ஹேசில்வுட் சறுக்கல்.. உலகின் டாப் பவுலர்களை தடுமாற செய்யும் வைபவ் சூர்யவன்ஷி..
கணிக்கப்பட்ட இரு அணிகளின் விவரம்:
சென்னை சூப்பர் கிங்ஸ் விளையாடும் XI
சஞ்சு சாம்சன், ருதுராஜ் கெய்க்வாட், ஆயுஷ் மத்ரே, சர்பராஸ் கான், ஷிவம் துபே, டெவால்ட் ப்ரூவிஸ், நூர் அகமது, அன்ஷுல் கம்போஜ், மாட் ஹென்றி மற்றும் கலீல் அகமது.
டெல்லி கேப்பிட்டல்ஸ் விளையாரும் XI
கே.எல்.ராகுல், பாத்தும் நிசாங்கா, நிதிஷ் ராணா, அக்சர் படேல், அசுதோஷ் ஷர்மா, டிரிஸ்டன் ஸ்டப்ஸ், விப்ராஜ் நிகாம், குல்தீப் யாதவ், லுங்கி என்கிடி, டி.நடராஜன் மற்றும் முகேஷ் குமார்.
