IPL 2026: முதல் வெற்றியை பதிவு செய்த ஹைதராபாத்.. புள்ளிகள் பட்டியலில் முன்னேற்றமா?

சன்ரைசர்ஸ் ஹைதராபாத்

இந்தியன் பிரீமியர் லீக் 19-வது சீசனில் (IPL 2026) நேற்று அதாவது 2026 ஏப்ரல் 2ம் தேதி நடந்த 6வது போட்டியில், சன்ரைசர்ஸ் ஹைதராபாத் அணி கொல்கத்தா நைட் ரைடர்ஸ் அணியை 65 ரன்கள் வித்தியாசத்தில் வீழ்த்தியது . இந்த சீசனின் முதல் வெற்றியின் மூலம், சன்ரைசர்ஸ் ஹைதராபாத் அணி (Sunrisers Hyderabad) தனது முதல் இரண்டு புள்ளிகளைப் பெற்றது. அதே சமயம், கொல்கத்தா நைட் ரைடர்ஸ் அணி தொடர்ச்சியாக இரண்டாவது தோல்வியைச் சந்தித்து, புள்ளிப் பட்டியலில் பின்தங்கியது. முதலில் பேட்டிங் செய்த ஹைதராபாத் அணி 226 ரன்கள் எடுத்த நிலையில், கொல்கத்தா அணி 161 ரன்களுக்கு அனைத்து விக்கெட்டுகளையும் இழந்தது. இந்த போட்டியில் 2 விக்கெட்டுகளை வீழ்த்தி 39 ரன்கள் எடுத்ததன் மூலம் தனது ஆல்-ரவுண்டர் ஆட்டத்தை வெளிப்படுத்திய நிதிஷ் குமார் ரெட்டி, ஆட்ட நாயகனாகத் தேர்ந்தெடுக்கப்பட்டார்.

ALSO READ: தீவிர பயிற்சியில் தோனி, பிரெவிஸ்.. இன்றைய பஞ்சாப் போட்டியில் களமா?

புள்ளி அட்டவணையில் யார் முதலிடம்..?

சன்ரைசர்ஸ் ஹைதராபாத் அணி, ராயல் சேலஞ்சர்ஸ் பெங்களூரு அணியிடம் தனது முதல் போட்டியில் தோல்வியடைந்தது. இந்த முதல் வெற்றியின் மூலம், ஹைதராபாத் அணி புள்ளிப் பட்டியலில் குஜராத் டைட்டன்ஸ் அணியை முந்தியது. ஆடிய 2 போட்டிகளில் ஒன்றில் வெற்றியும், ஒன்றில் தோல்வியும் அடைந்துள்ள ஹைதராபாத் அணி, 2 புள்ளிகளுடனும் +0.469 என்ற நிகர ரன் ரேட்டுடன் 6வது இடத்தில் உள்ளது.

அதேநேரத்தில், கொல்கத்தா நைட் ரைடர்ஸ் அணிக்கு ஏற்பட்ட இரண்டாவது தொடர்ச்சியான தோல்வியாகும். இதன்மூலம், கொல்கத்தா அணி -1.964 என்ற நிகர ரன் ரேட்டுடன் 9வது இடத்திற்குத் தள்ளப்பட்டுள்ளது. இதற்கு அடுத்தபடியாக சென்னை சூப்பர் கிங்ஸ் அணி -4.171 என்ற நிகர ரன் ரேட்டுடன் 10வது இடத்தில் உள்ளது. குஜராத் டைட்டன்ஸ் மற்றும் லக்னோ சூப்பர் ஜெயண்ட்ஸ் ஆகிய மற்ற 2 அணிகளும் தங்களது முதல் போட்டிகளில் தோல்வியடைந்துள்ளன. குஜராத் அணி -0.509 என்ற நிகர ரன் ரேட்டுடனும், லக்னோ அணி -1.397 என்ற நிகர ரன் ரேட்டுடனும் முறையே 7வது மற்றும் 8வது இடங்களில் உள்ளன.

முதலிடத்தில் ராஜஸ்தான் ராயல்ஸ்:

ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, டெல்லி கேப்பிட்டல்ஸ், மும்பை இந்தியன்ஸ், பஞ்சாப் கிங்ஸ் மற்றும் சன்ரைசர்ஸ் ஹைதராபாத் ஆகிய அணிகள் தலா 2 புள்ளிகளைப் பெற்றுள்ளன. ராஜஸ்தான் சிறந்த நிகர ரன் ரேட்டை கொண்டுள்ளது. +4.171 என்ற நிகர ரன் விகிதத்துடன் ராஜஸ்தான் புள்ளிப் பட்டியலில் முதலிடத்தில் உள்ளது. ராயல் சேலஞ்சர்ஸ் பெங்களூரு +2.907 என்ற நிகர ரன் ரேட்டுடன் 2ம் இடத்தில் உள்ளது. மூன்றாம் இடத்தில் உள்ள டெல்லி கேபிடல்ஸ், +1.397 என்ற நிகர ரன் ரேட்டை கொண்டுள்ளது. மும்பை இந்தியன்ஸ் (+0.687) 4வது இடத்திலும், பஞ்சாப் கிங்ஸ் (+0.509) 5வது இடத்திலும், சன்ரைசர்ஸ் ஹைதராபாத் அணி (+0.469) ஆறாம் இடத்திலும் உள்ளன.

ALSO READ: சேப்பாக்கத்தில் வெற்றியை பதிக்குமா சென்னை? தட்டி பறிக்குமா பஞ்சாப்?

ஐபிஎல் 2026-ல் இன்று யாருடைய போட்டி நடைபெறுகிறது?

இந்தியன் பிரீமியர் லீக் 19-வது சீசனின் 7வது போட்டியான சென்னை சூப்பர் கிங்ஸ் மற்றும் பஞ்சாப் கிங்ஸ் அணிகளுக்கு இடையேயான ஆட்டம் இன்று அதாவது 2026 ஏப்ரல் 3ம் தேதி சென்னையில் உள்ள சேப்பாக்கம் ஸ்டேடியத்தில் நடைபெறுகிறது.