IND vs SA: 2027 உலகக் கோப்பையில் கோலி, ரோஹித் விளையாடுவார்களா..? மோர்னே மோர்கல் பதில்..!
2027 World Cup: இந்திய கிரிக்கெட் அணியின் பந்துவீச்சு பயிற்சியாளர் மோர்னே மோர்கல், ரோஹித் சர்மா மற்றும் விராட் கோலி ஆகியோர் 2027 ஒருநாள் உலகக் கோப்பையில் விளையாடும் முழுத் திறமையும் கொண்டவர்கள் என்று தெரிவித்தார். இது சமூக வலைதளங்களில் வைரலாகி வருகிறது.
டெஸ்ட் கிரிக்கெட்டில் இந்திய கிரிக்கெட் அணி அனுபவம் இல்லாமல் தவித்து வருகிறது. டி20 கிரிக்கெட்டில் சூர்யகுமார் யாதவ், சஞ்சு சாம்சன் போன்ற அனுபவ வீரர்கள் இருந்தாலும், இந்திய ஒருநாள் கிரிக்கெட் அணியில் ரோஹித் சர்மா மற்றும் விராட் கோலியின் அனுபவம் பலமாக உள்ளது. இந்தநிலையில், இந்திய கிரிக்கெட் அணியின் பந்துவீச்சு பயிற்சியாளர் மோர்னே மோர்கல், ரோஹித் சர்மா (Rohit Sharma) மற்றும் விராட் கோலி (Virat Kohli) ஆகியோர் 2027 ஒருநாள் உலகக் கோப்பையில் விளையாடும் முழுத் திறமையும் கொண்டவர்கள் என்று தெரிவித்தார். இது சமூக வலைதளங்களில் வைரலாகி வருகிறது. இந்தநிலையில், வருகின்ற 2025 நவம்பர் 30ம் தேதி நடைபெறும் முதல் இந்தியா vs தென்னாப்பிரிக்கா ஒருநாள் போட்டிக்கு முன்னதாக மோர்கலின் வார்த்தை கிரிக்கெட் ரசிகர்களுக்கு மகிழ்ச்சியை கொடுத்துள்ளது.
ALSO READ: ராஞ்சியில் நடந்த ரீயூனியன்: “தோனி – கோலி கார் ரைடு”… கொண்டாட்டத்தில் அதிரும் இணையம்!!..
ரோஹித்தும் விராட்டும் உலகக் கோப்பையில் விளையாடுவார்களா..?
MORNE MORKEL ON VIRAT AND ROHIT FOR THE 2027 WORLD CUP:
– “Sure Virat Kohli and Rohit Sharma are quality players. As long as they are happy to put the hard work in & maintain fitness. I have always believed that to have that experience, you can’t find it anywhere. They have won… pic.twitter.com/dSXjcHMURl
— MANU. (@IMManu_18) November 28, 2025
முன்னாள் இந்திய அணியின் கேப்டன்களான ரோஹித் சர்மா மற்றும் விராட் கோலியின் எதிர்காலம் குறித்து பேசிய மோர்னே மோர்கல், ”2027 ஒருநாள் உலகக் கோப்பை இன்னும் வெகு மாதங்கள் உள்ளன. ரோஹித் சர்மா மற்றும் விராட் கோலி என இந்த இருவரும் சிறந்த கிரிக்கெட் வீரர்கள். இவர்கள் வரும் காலங்களில் கடினமாக உழைத்து தங்கள் உடற்தகுதியைப் பேணினால், 2027 ஒருநாள் உலகக் கோப்பையில் நிச்சயமாக விளையாட முடியும். நான் எப்போதும் அனுபவத்தை நம்புகிறேன், அந்த மாதிரியான அனுபவத்தை வேறு எங்கும் பெற முடியாது. கோலி மற்றும் ரோஹித் பல கோப்பைகளை வென்றுள்ளனர். உலகக் கோப்பை போன்ற முக்கிய போட்டிகளில் எப்படி விளையாடுவது என்பது அவர்களுக்குத் தெரியும். எனவே, அவர்கள் நிச்சயமாக உலகக் கோப்பையில் விளையாட முடியும்” என்று கூறினார்.
ரோஹித் மற்றும் விராட் அணிகளுக்கு எதிராக தானும் விளையாடியிருப்பதாக மோர்னே மோர்கல் தெரிவித்தார். இதுகுறித்து பேசிய அவர், “ரோஹித் மற்றும் கோலிக்கு எதிராக பந்து வீசி தூக்கமில்லாத இரவுகளை கழித்திருக்கிறேன். ஒரு பந்து வீச்சாளராக, அவர்களுக்கு எதிராக விளையாட தேவையான பயிற்சியின் அளவை நான் அறிவேன். 2027 உலகக் கோப்பையில் ரோஹித் மற்றும் விராட் விளையாடுவதை நான் விரும்புகிறேன், ஆதரிக்கவும் செய்கிறேன்.” என்றார்.
ALSO READ: முதல் போட்டியிலேயே வரலாறு படைக்கும் ரோஹித்-கோலி ஜோடி.. எப்படி தெரியுமா?
நல்ல ஃபார்மில் ரோஹித் சர்மா:
இந்தியா மற்றும் தென்னாப்பிரிக்கா அணிகளுக்கு இடையிலான முதல் ஒருநாள் போட்டி வருகின்ற 2025 நவம்பர் 30ம் தேதி ராஞ்சியில் நடைபெறுகிறது. இதனை தொடர்ந்து, இரண்டாவது ஒருநாள் போட்டி வருகின்ற 2025 டிசம்பர் 3ம் தேதி ராய்ப்பூரிலும், 3வது மற்றும் இறுதிப் போட்டி வருகின்ற 2025 டிசம்பர் 6ம் தேதி விசாகப்பட்டினத்தில் நடைபெறுகிறது.
