WTC Points Table 2025-2027: IND vs ENG 4வது டெஸ்ட் டிரா.. WTC புள்ளிகள் பட்டியலில் இந்திய அணியின் நிலவரம் என்ன..?

இந்தியா - இங்கிலாந்து 4வது டெஸ்ட்

இந்தியா மற்றும் இங்கிலாந்து அணிகளுக்கு (India – England Test Series) இடையிலான நான்காவது டெஸ்ட் போட்டி டிராவில் முடிந்தது. இங்கிலாந்து அணிக்கு எதிரான இந்திய அணியின் 2வது இன்னிங்ஸில் சுப்மன் கில், ரவீந்திர ஜடேஜா, வாஷிங்டன் சுந்தர் ஆகிய 3 பேர் சதமடித்தனர். அதே நேரத்தில், தொடக்க வீரர் கே.எல். ராகுல் (KL Rahul) 90 ரன்கள் எடுத்து ஒரு முக்கியமான இன்னிங்ஸை விளையாடினார். இங்கிலாந்து இந்தப் போட்டியில் எளிதாக வெற்றி பெறும் என்று அனைவரும் நினைத்தனர். ஆனால் இந்திய அணியின் பேட்ஸ்மேன்களின் போராட்டம் இந்த டெஸ்டை டிராவாக்கியது. இந்தப் போட்டிக்குப் பிறகு 2025-27 உலக டெஸ்ட் சாம்பியன்ஷிப்பின் புள்ளிகள் பட்டியலில் (WTC Points Table) எந்த அணி எந்த நிலையில் உள்ளது என்பதை தெரிந்து கொள்வோம்.

டாஸ் இழந்து முதலில் பேட்டிங் செய்த இந்திய அணி முதல் இன்னிங்சில் 358 ரன்கள் எடுத்தது. இதனை தொடர்ந்து, களமிறங்கிய இங்கிலாந்து அணி முதல் இன்னிங்சில் 669 ரன்கள் எடுத்து 311 ரன்கள் முன்னிலை பெற்றது. இந்த டெஸ்டில் இந்தியா வெற்றி பெற முடியாது என்பது உறுதியானது. ஆனால், அதேநேரத்தில், இந்திய அணி டிரா செய்வதும் மிகவும் கடினமாக பார்க்கப்பட்டது. பின்னர் இந்தியாவின் இரண்டாவது இன்னிங்சின் தொடக்கத்தில் யஷஸ்வி ஜெய்ஸ்வால், சாய் சுதர்சன் ஆகியோர் முதல் ஓவரிலேயே ஆட்டமிழந்தனர். ஆனால் இதற்குப் பிறகு, இங்கிலாந்து பந்து வீச்சாளர்கள் விக்கெட்டுகளை எடுக்க திணறினர்.

ALSO READ: 5 இடது கை பேட்ஸ்மேன்களும் அரைசதம்.. டெஸ்ட் வரலாற்றில் புதிய வரலாறு படைத்த இந்திய அணி!

4வது டெஸ்ட் டிராவுக்குப் பிறகு இந்தியா vs இங்கிலாந்து WTC புள்ளிகள் அட்டவணை

இந்தியா – இங்கிலாந்து இடையிலான நான்காவது டெஸ்டை டிராவில் முடித்ததன் மூலம் இந்திய அணி, இங்கிலாந்துக்கு மிகப்பெரிய அடியைக் கொடுத்தது. நான்காவது டெஸ்டை இங்கிலாந்து  அணி வென்றிருந்தால் முதல் 2 இடங்களுக்குள் வந்திருக்கலாம். ஆனால் இப்போது, இங்கிலாந்து அணி மூன்றாவது இடத்தில் மட்டுமே உள்ளது. 4 போட்டிகளில் 2 வெற்றி, 1 டிரா மற்றும் 1 தோல்வியுடன் இங்கிலாந்து 26 புள்ளிகளைப் பெற்றுள்ளது. இந்திய அணியும் முன்பு போலவே நான்காவது இடத்தில் உள்ளது. 4 போட்டிகளில் 1 வெற்றி, 1 டிரா மற்றும் 2 தோல்விகளுக்குப் பிறகு இந்தியா 16 புள்ளிகளைக் கொண்டுள்ளது.

நான்காவது டிராவுக்குப் பிறகு, இந்தியாவும் இங்கிலாந்தும் தலா 4 புள்ளிகளைப் பெற்றுள்ளன. டெஸ்டில் வெற்றி பெறும் அணிக்கு உலக டெஸ்ட் சாம்பியன்ஷிப் புள்ளிகள் பட்டியலில் 12 புள்ளிகள் கிடைக்கும். டெஸ்ட் சமனில் முடிந்தால் தலா 6 புள்ளிகள் வழங்கப்படும். டெஸ்ட் டிராவில் முடிந்தால் தலா 4 புள்ளிகள் வழங்கப்படும். ஆனால், உலக டெஸ்ட் சாம்பியன்ஷிப் புள்ளிகள் அட்டவணையில் அணிகளின் நிலை புள்ளிகளால் தீர்மானிக்கப்படுவதில்லை, ஆனால் வெற்றி சதவீதத்தால் தீர்மானிக்கப்படுகிறது.

ALSO READ: இங்கிலாந்து தொடரில் தலா 500 ரன்கள்.. முத்திரை பதித்த கே.எல்.ராகுல் – சுப்மன் கில்!

WTC புள்ளிகள் அட்டவணை 2025-27 (சிறந்த அணிகள் & வெற்றி சதவீதம்):

1. ஆஸ்திரேலியா – 100.00
2. இலங்கை- 66.67
3. இங்கிலாந்து- 54.17
4. இந்தியா- 33.33
5. வங்கதேசம் – 16.67
6. வெஸ்ட் இண்டீஸ்- 00

இந்தியா vs இங்கிலாந்து டெஸ்ட் தொடரின் கடைசி மற்றும் 5வது டெஸ்ட் போட்டி வருகின்ற 2025 ஜூலை 31 முதல் ஆகஸ்ட் 4 வரை ‘தி ஓவல்’ ஸ்டேடியத்தில் நடைபெறுகிறது. இங்கிலாந்து 5 போட்டிகள் கொண்ட தொடரில் 2-1 என முன்னிலை வகிக்கிறது. இப்போது இந்திய அணி இந்தத் தொடரை வெல்ல முடியாது. ஆனால், தொடரில் தோற்காமல் இருக்க, கடைசி டெஸ்டில் எப்படியாவது வெற்றி பெற வேண்டும்.