IND vs AUS: வீரராக ரோஹித் சர்மா! கேப்டனாக இளம் வீரர்.. ஆஸ்திரேலிய ஒருநாள் தொடருக்கான இந்திய அணி அறிவிப்பு!
India’s squad for Tour of Australia: ரோஹித் சர்மாவுடன், விராட் கோலியும் ஒருநாள் அணிக்குத் திரும்பியுள்ளார். இரு வீரர்களும் கிட்டத்தட்ட 7 மாதங்களுக்குப் பிறகு, மீண்டும் இந்திய அணிக்காக விளையாடுகிறார்கள். 2025 சாம்பியன்ஸ் டிராபியை வென்ற பிறகு இந்திய அணியின் முதல் ஒருநாள் தொடர் இதுவாகும் .
ஆஸ்திரேலிய தொடருக்கான இந்திய அணி
வெஸ்ட் இண்டீஸ் அணிக்கு 2 போட்டிகள் கொண்ட டெஸ்ட் தொடருக்குப் பிறகு இந்திய அணி ஆஸ்திரேலியாவில் சுற்றுப்பயணம் (Ind vs Aus) மேற்கொண்டு ஒருநாள் மற்றும் டி20 போட்டிகளில் விளையாடவுள்ளது. இந்த இந்திய அணியின் (Indian Cricket Team) ஆஸ்திரேலிய சுற்றுப்பயணமானது வருகின்ற 2025 அக்டோபர் 19 முதல் நவம்பர் 8 வரை நடைபெறுகிறது. இந்த காலகட்டத்திற்கு இடையே இரு அணிகளும் 3 ஒருநாள் போட்டிகள் மற்றும் 5 டி20 போட்டிகளில் விளையாடுகிறது. இந்த சுற்றுப்பயணத்திற்கான இந்திய அணியை இன்று அதாவது 2025 அக்டோபர் 4ம் தேதி பிசிசிஐ அறிவித்துள்ளது. ரோஹித் சர்மா மற்றும் விராட் கோலி ஆகியோர் ஒருநாள் தொடருக்கு தேர்வு செய்யப்பட்டுள்ளனர். 2025 சாம்பியன் டிராபிக்குப் பிறகு இந்த இரண்டு ஜாம்பவான் வீரர்களும் முதல் முறையாக சர்வதேச போட்டிகளில் களமிறங்குகின்றனர்.
ஆஸ்திரேலியா சுற்றுப்பயணத்திற்கான இந்திய அணி:
🚨 India’s squad for Tour of Australia announced
Shubman Gill named #TeamIndia Captain for ODIs
The #AUSvIND bilateral series comprises three ODIs and five T20Is against Australia in October-November pic.twitter.com/l3I2LA1dBJ
— BCCI (@BCCI) October 4, 2025
ஆஸ்திரேலிய சுற்றுப்பயணத்திற்கான அணியை அறிவிக்க இந்திய அணியின் தலைமைத் தேர்வாளர் அஜித் அகர்கர் ஒரு செய்தியாளர் சந்திப்பில் நடத்தினார். இதன் மூலம், ஒருநாள் போட்டிக்கான புதிய கேப்டனும் இந்திய அணி கிடைத்துள்ளார். சுப்மன் கில் இப்போது டெஸ்ட் மற்றும் ஒருநாள் போட்டிகள் இரண்டிலும் அணியை வழிநடத்துவார். இதன் பொருள் ரோஹித் சர்மா இப்போது ஒரு பேட்ஸ்மேனாக மட்டுமே களமிறங்குகிறார். கடந்த 2021 டிசம்பர் மாதத்திற்கு பிறகு ரோஹித் சர்மா ஒரு வீரராக தேர்ந்தெடுக்கப்படுவது இதுவே முதல் முறை.
ரோஹித் சர்மாவுடன், விராட் கோலியும் ஒருநாள் அணிக்குத் திரும்பியுள்ளார். இரு வீரர்களும் கிட்டத்தட்ட 7 மாதங்களுக்குப் பிறகு, மீண்டும் இந்திய அணிக்காக விளையாடுகிறார்கள். 2025 சாம்பியன்ஸ் டிராபியை வென்ற பிறகு இந்திய அணியின் முதல் ஒருநாள் தொடர் இதுவாகும் . மேலும் , டிசம்பர் 2020 க்குப் பிறகு ஆஸ்திரேலியாவில் இந்திய அணியின் முதல் ஒருநாள் தொடர் இதுவாகும் .
ஜஸ்பிரித் பும்ராவிற்கு ஓய்வு:
இந்த சுற்றுப்பயணத்தில் ஜஸ்பிரித் பும்ராவுக்கு ஒருநாள் தொடரில் இருந்து ஓய்வு அளிக்கப்பட்டுள்ளது. அவர் தற்போது வெஸ்ட் இண்டீஸ் அணிக்கு எதிரான தொடரில் விளையாடி வருகிறார். அதனால்தான் இந்த முடிவு எடுக்கப்பட்டுள்ளது. இங்கிலாந்து சுற்றுப்பயணத்தின் போது காயமடைந்த ரிஷப் பண்ட் இந்த சுற்றுப்பயணத்திலும் இடம்பெறவில்லை. காயம் காரணமாக ஹர்திக் பாண்ட்யாவும் அணியில் இடம்பெறமாட்டார். அதேபோல், ஷ்ரேயாஸ் ஐயருக்கு 2025 சாம்பியன்ஸ் டிராபிக்கு பிறகு இந்திய அணியில் இடம் வாய்ப்பளிக்கப்பட்டுள்ளது.
ALSO READ: அசத்தலான பந்து வீச்சு.. சுருண்ட வெஸ்ட் இண்டீஸ்.. இந்தியா இன்னிங்ஸ் வெற்றி
ஆஸ்திரேலிய சுற்றுப்பயணத்திற்கான ஒருநாள் அணி:
சுப்மன் கில் (கேப்டன்), ரோஹித் சர்மா, விராட் கோலி , ஷ்ரேயாஸ் ஐயர், அக்சர் படேல், கே.எல். ராகுல், நிதிஷ் குமார் ரெட்டி , வாஷிங்டன் சுந்தர், குல்தீப் யாதவ், ஹர்ஷித் ராணா , முகமது சிராஜ் , அர்ஷ்தீப் சிங், பிரசித் கிருஷ்ணா, துருவ் ஜூரல் , யஷஸ்வி ஜெய்ஸ்வால்
ஆஸ்திரேலிய சுற்றுப்பயணத்திற்கான டி20 அணி:
சூர்யகுமார் யாதவ் (கேப்டன்), அபிஷேக் சர்மா, சுப்மன் கில் (துணை கேப்டன் ), திலக் வர்மா, நிதிஷ் குமார் ரெட்டி, சிவம் துபே , அக்சர் படேல், ஜிதேஷ் சர்மா (விக்கெட் கீப்பர்) , வருண் சக்ரவர்த்தி, ஜஸ்பிரித் பும்ரா, அர்ஷ்தீப் சிங், சஞ்சு சாம்சன், ரிங்கு சிங், வாஷிங்டன் சுந்தர்.
