ICC Women’s World Cup: ஐசிசி மகளிர் உலகக் கோப்பை அரையிறுதி எப்போது..? A டூ Z விவரங்கள் இதோ..!
ICC Women's World Cup Semi Finals: முதல் அரையிறுதிப் போட்டி இங்கிலாந்து மற்றும் தென்னாப்பிரிக்கா இடையே நடைபெறும். இந்தப் போட்டி வருகின்ற 2025 அக்டோபர் 29 ஆம் தேதி பிற்பகல் 3:00 மணிக்கு குவஹாத்தியில் உள்ள பர்சபரா கிரிக்கெட் மைதானத்தில் தொடங்கும். லீக் ஸ்டேஜ் போட்டியில் இங்கிலாந்து அணி இதுவரை 7 போட்டிகளில் விளையாடி 5 போட்டிகளில் வெற்றியும், ஒன்றில் தோல்வியடைந்தது.
இந்திய மகளிர் - ஆஸ்திரேலிய மகளிர்
2025 மகளிர் உலகக் கோப்பையில் (2025 ICC Womens ODI World Cup) அனைத்து லீக் போட்டிகளும் முடிந்து கிட்டத்தட்ட இறுதி கட்டத்தை நெருங்கியுள்ளது. அதன்படி, உலகக் கோப்பை அரையிறுதி போட்டியில் எந்த 4 அணிகள் மோதும் என்பது இப்போது தெளிவாகிவிட்டது. நேற்று அதாவது 2025 அக்டோபர் 26ம் தேதி இரவு மழை காரணமாக இந்தியா மற்றும் வங்கதேசம் (IND W vs BAN W) இடையேயான இறுதி லீக் போட்டி கைவிடப்பட்டது. இதனால் புள்ளிகள் பட்டியல் நிலவரம் தெளிவானது. 2025 ஐசிசி மகளிர் உலகக் கோப்பை சீசனில் மொத்தம் 28 போட்டிகள் நடைபெற்றன. ஒவ்வொரு அணியும் மற்ற அணியுடன் தலா 7 போட்டிகளில் விளையாடியது. இந்தப் போட்டிகளைத் தொடர்ந்து, இந்தியா, ஆஸ்திரேலியா, இங்கிலாந்து மற்றும் தென்னாப்பிரிக்கா அரையிறுதிக்குத் தகுதி பெற்றன. பாகிஸ்தான், நியூசிலாந்து, இலங்கை மற்றும் வங்கதேசம் ஆகியவை லீக் கட்டத்திலேயே வெளியேறின.
முதல் அரையிறுதிப் போட்டி எப்போது..?
முதல் அரையிறுதிப் போட்டி இங்கிலாந்து மற்றும் தென்னாப்பிரிக்கா இடையே நடைபெறும். இந்தப் போட்டி வருகின்ற 2025 அக்டோபர் 29 ஆம் தேதி பிற்பகல் 3:00 மணிக்கு குவஹாத்தியில் உள்ள பர்சபரா கிரிக்கெட் மைதானத்தில் தொடங்கும். லீக் ஸ்டேஜ் போட்டியில் இங்கிலாந்து அணி இதுவரை 7 போட்டிகளில் விளையாடி 5 போட்டிகளில் வெற்றியும், ஒன்றில் தோல்வியடைந்தது. அதேநேரத்தில், ஒரு போட்டி மழையால் கைவிடப்பட்டது. இதனை தொடர்ந்து, இங்கிலாந்து அணி 11 புள்ளிகளுடன் புள்ளிகள் பட்டியலில் இரண்டாவது இடத்தைப் பிடித்தது.
ALSO READ: ஆஸ்திரேலியாவுக்கு பயம் காட்டும் ஸ்மிருதி மந்தனா.. ரெக்கார்டு வேற லெவல்!
இதற்கிடையில், தென்னாப்பிரிக்கா அணி 7 போட்டிகளில் விளையாடி 5 போட்டிகளில் வெற்றி பெற்று 10 புள்ளிகளுடன் இறுதி 4 இடங்களுக்குள் இடம் பிடித்தது. இந்த இரண்டும் வலுவானவை என்பதால், இந்த போட்டி இரு அணிகளுக்கும் இடையே கடுமையான போட்டியாக இருக்கும்.
இரண்டாவது அரையிறுதிப் போட்டி எப்போது..?
𝐐𝐔𝐀𝐋𝐈𝐅𝐈𝐄𝐃 👏#TeamIndia seal their spot in the semi-finals with a convincing win against New Zealand 🇮🇳🙌
Scorecard ▶ https://t.co/AuCzj0Wtc3#WomenInBlue | #CWC25 | #INDvNZ pic.twitter.com/iHOc9hf8cR
— BCCI Women (@BCCIWomen) October 23, 2025
இரண்டாவது அரையிறுதிப் போட்டியில் இந்தியாவிற்கும் நடப்பு சாம்பியன் ஆஸ்திரேலியாவிற்கும் இடையே வருகின்ற 2025 அக்டோபர் 30ம் தேதி நவி மும்பையில் உள்ள DY பாட்டீல் மைதானத்தில் பிற்பகல் 3:00 மணிக்கு தொடங்கும். லீக் கட்டத்தில் இந்திய அணி தனது ஏழு போட்டிகளில் மூன்றில் வெற்றியும் மூன்றில் தோல்வியையும் சந்தித்தது. அதே நேரத்தில் வங்கதேசத்திற்கு எதிரான போட்டி மழையால் கைவிடப்பட்டது. இதன் மூலம், இந்தியா 7 புள்ளிகளுடன் நாக் அவுட் சுற்றுக்கு முன்னேறியது.
லீக் சுற்றில் பலம் மிக்க ஆஸ்திரேலிய அணி 2025 உலகக் கோப்பையில் தோல்வியடையாமல் ஆதிக்கம் செலுத்தி வருகிறது. இதுவரை 7 போட்டிகளில் ஆறு போட்டிகளில் வெற்றியும், ஒரு போட்டி மழையால் கைவிடப்பட்டது. 13 புள்ளிகளுடன், புள்ளிகள் பட்டியலில் முதலிடத்தில் ஆஸ்திரேலியா அரையிறுதிக்குள் நுழைந்தது. லீக் சுற்றில் ஆஸ்திரேலியா இந்தியாவை தோற்கடித்தது, எனவே இந்த போட்டி இந்திய அணிக்கு தங்கள் தோல்விக்குப் பழிவாங்க இந்திய அணிக்கு ஒரு வாய்ப்பாக இருக்கும்.
இறுதிப் போட்டி எப்போது, எங்கே நடைபெறும்?
2025 மகளிர் உலகக் கோப்பை இறுதிப் போட்டி வருகின்ற 2025 நவம்பர் 2ம் தேதி பிற்பகல் 3 மணிக்கு மும்பையில் உள்ள டி.ஒய்.பாட்டீல் மைதானத்தில் நடைபெறும். அரையிறுதிப் போட்டிகளின் முடிவுகள் எந்த இரண்டு அணிகள் இறுதிப் போட்டிக்கு முன்னேறும் என்பதைத் தீர்மானிக்கும்.
ALSO READ: இந்தியா – பங்களாதேஷ் போட்டியில் குறுக்கிட்ட மழை – கைவிடப்பட்ட போட்டி
மழை காரணமாக ஆட்டம் தடைபடுமா..?
அரையிறுதி மற்றும் இறுதிப் போட்டிகள் இரண்டிற்கும் ஐ.சி.சி. ரிசர்வ் நாட்களை நிர்ணயித்துள்ளது. மழை அல்லது மோசமான வானிலை காரணமாக எந்த நாளிலும் ஒரு போட்டி ரத்து செய்யப்பட்டால், தெளிவான முடிவை உறுதி செய்வதற்காக போட்டி மறுநாள் மீண்டும் திட்டமிடப்படும்.