Under 19 World Cup 2026: 19 வயதுக்குட்பட்ட உலகக் கோப்பை.. சூப்பர் 6 சுற்றுக்கு தகுதி பெற்ற இந்திய அணி!
Under 19 World Cup 2026 Super 6: 2026 ஐசிசி 19 வயதுக்குட்பட்ட உலகக் கோப்பையின் குரூப் ஸ்டேஜ் போட்டிகள் தற்போது நடைபெற்று வருகிறது. 16 அணிகளும் நான்கு அணிகள் கொண்ட நான்கு குழுக்களாகப் பிரிக்கப்பட்டுள்ளன. இதில், குரூப் B இல் இந்திய அணி முன்னிலை வகிக்கிறது.
இந்திய அண்டர் 19 அணி
ஜிம்பாப்வே மற்றும் நமீபியா இணைந்து நடத்தும் ஐசிசி 19 வயதுக்குட்பட்ட உலகக் கோப்பை 2026 (ICC Under 19 World Cup 2026) போட்டியில் இந்திய அணி வெற்றிப் பாதையில் பயணித்து வருகிறது. கடந்த 2026 ஜனவரி 18ம் தேதி வங்கதேசத்தை 18 ரன்கள் வித்தியாசத்தில் வீழ்த்தி ஆயுஷ் மத்ரே தலைமையிலான இந்திய அணி (Indian Cricket team) சூப்பர் 6 நிலைக்குத் தகுதி பெற்றது. இந்த போட்டியில் சூப்பர் 6 சுற்றுக்கு தகுதி பெற்ற ஒரே அணி இந்திய அணி மட்டுமே. 19 வயதுக்குட்பட்ட உலகக் கோப்பையில் இந்திய அணி தனது அமெரிக்காவை 6 விக்கெட் வித்தியாசத்தில் தோற்கடித்தது. இதன் விளைவாக, இந்திய அணி இரண்டு போட்டிகளில் இரண்டு வெற்றிகளுடன் தங்கள் குரூப்பில் முதலிடம் பிடித்து சூப்பர் 6 சுற்றுக்கு தகுதி பெற்றது.
ALSO READ: இந்திய ஜெர்சியில் விராட் – ரோஹித் அடுத்து எப்போது களமிறங்குவார்கள்..? யாருடன் மோதும் இந்திய அணி?
கோப்பைக்காக 16 அணிகளிடையே போட்டி:
A busy day 4️⃣ at #U19WorldCup as the race for the Super Six begins 📸
Roundup of the day’s action ➡️ https://t.co/rbObQ50FgA pic.twitter.com/tvB296Fjv7
— ICC Cricket World Cup (@cricketworldcup) January 18, 2026
2026 ஐசிசி 19 வயதுக்குட்பட்ட உலகக் கோப்பையின் குரூப் ஸ்டேஜ் போட்டிகள் தற்போது நடைபெற்று வருகிறது. 16 அணிகளும் நான்கு அணிகள் கொண்ட நான்கு குழுக்களாகப் பிரிக்கப்பட்டுள்ளன. இதில், குரூப் B இல் இந்திய அணி முன்னிலை வகிக்கிறது. அதைத் தொடர்ந்து, குரூப் C இல் இங்கிலாந்து, குரூப் A இல் இலங்கை மற்றும் குரூப் D இல் ஆப்கானிஸ்தான் உள்ளன. மேலும், குரூப் C-யில் பாகிஸ்தான் இரண்டாவது இடத்தில் உள்ளது. இந்த குரூப்பில் ஸ்காட்லாந்து மூன்றாவது இடத்தில் உள்ளது, ஜிம்பாப்வே கடைசி இடத்தில் உள்ளது.
குரூப் B இன் நிலை:
குரூப் பி-யில் இரண்டு போட்டிகளில் இந்திய அணி 2 வெற்றிகளைப் பெற்று நான்கு புள்ளிகளுடன் முதலிடத்தில் உள்ளது. நியூசிலாந்து இரண்டாவது இடத்திலும், அமெரிக்கா மூன்றாவது இடத்திலும், வங்கதேசம் கடைசி இடத்திலும் உள்ளன.
- இந்தியா: 2 போட்டிகள், 2 வெற்றிகள்
- நியூசிலாந்து: 1 போட்டி, 1 டிரா
- அமெரிக்கா: 2 போட்டிகள், 1 தோல்வி, 1 டிரா
- வங்கதேசம்: 1 போட்டி, 1 தோல்வி
குரூப் A இன் நிலை:
- இலங்கை: 2 போட்டிகள், 2 வெற்றிகள்
- ஆஸ்திரேலியா: 1 போட்டி, 1 வெற்றி
- அயர்லாந்து: 2 போட்டிகள், 2 தோல்விகள்
- ஜப்பான்: 1 போட்டி, 1 தோல்வி
குரூப் C இன் நிலை:
- இங்கிலாந்து: 2 போட்டிகள், 2 வெற்றிகள்
- பாகிஸ்தான்: 2 போட்டிகள், 1 வெற்றி, 1 தோல்வி
- ஸ்காட்லாந்து: 2 போட்டிகள், 1 தோல்வி, 1 டிரா
- ஜிம்பாப்வே: 2 போட்டிகள், 1 தோல்வி, 1 டிரா
ALSO READ: பொறுமை இழந்த ஐசிசி.. ஸ்காட்லாந்துக்கு அழைப்பு.. வெளியேறும் வங்கதேசம்..?
குரூப் D இன் நிலை:
- ஆப்கானிஸ்தான்: 2 போட்டிகள், 2 வெற்றிகள்
- தென்னாப்பிரிக்கா: 2 போட்டிகள், 1 வெற்றி, 1 தோல்வி
- வெஸ்ட் இண்டீஸ்: 2 போட்டிகள், 1 வெற்றி, 1 தோல்வி
- தான்சானியா: 2 போட்டிகள், 2 தோல்விகள்
