Drinking Water: இந்த உணவுகளை சாப்பிட்ட உடனே தண்ணீர் குடிக்கக்கூடாது.. ஏன் தெரியுமா?

தண்ணீர் குடித்தல்

நம் உடல் ஆரோக்கியமாக இருப்பதற்கு தண்ணீர் (Drinking Water) மிக மிக அவசியமான ஒன்று. உடலில் சீரான இரத்த ஓட்டத்திற்கும், ஆற்றல் வளத்திற்கும், செரிமானத்திற்கு தண்ணீர் இன்றி எதுவும் நடக்காது. இருப்பினும், உணவுகளை சாப்பிட்ட உடனேயே தண்ணீர் குடிப்பது ஆரோக்கியத்திற்கு நல்லதல்ல என்று சுகாதார நிபுணர்கள் கூறுகின்றனர். ஆனால் பலருக்கு இது பற்றி தெரியாது. இதனால்தான் மக்கள் தேவைப்படும் போதெல்லாம் தண்ணீர் குடிக்கிறார்கள். ஆனால் இது செரிமான பிரச்சனைகளை ஏற்படுத்துகிறது. இது மலச்சிக்கலுக்கு (Constipation) வழிவகுக்கிறது. எனவே சாப்பிட்ட பிறகு தண்ணீர் குடிக்கும் பழக்கம் ஆரோக்கியத்திற்கு பிரச்சனையை உண்டாக்கும். அந்தவகையில், சாப்பிட்ட பிறகு நாம் ஏன் தண்ணீர் குடிக்கக்கூடாது? தண்ணீருக்கும் அந்த உணவுகளுக்கும் என்ன தொடர்பு? இங்கே கண்டுபிடிப்போம்..

சாப்பிட்டவுடன் ஏன் தண்ணீர் குடிக்கக்கூடாது..?

உணவுக்குப் பிறகு உடனடியாக தண்ணீர் குடிப்பது செரிமான நொதிகளை பலவீனப்படுத்துகிறது. இது செரிமானத்தை மெதுவாக்குகிறது. சரியான செரிமானம் ஆரோக்கியத்திற்கு எப்போதும் ஒரு வரப்பிரசாதம். ஆயுர்வேதத்தின்படி, ஒருவர் உணவுக்குப் பிறகு குறைந்தது 30 நிமிடங்களுக்கு எதையும் குடிக்கக்கூடாது. கூடுதலாக, சில உணவுகளை உட்கொண்ட பிறகு எந்த சூழ்நிலையிலும் 30 நிமிடத்திற்கு தண்ணீர் குடிக்கக்கூடாது. அப்படியான உணவுகள் பட்டியல் இதோ.

ALSO READ: குழந்தைகளின் நோய் எதிர்ப்பு சக்தியை அதிகரிக்க வேண்டுமா..? டாக்டர் ஹரிணி ஸ்ரீ விளக்கம்!

சிட்ரஸ் பழங்கள்

ஆரஞ்சு, சாத்துக்குடி மற்றும் எலுமிச்சை உள்ளிட்ட புளிப்பு பழங்கள் வயிற்றில் அமில உற்பத்தியைத் தூண்டுகின்றன. எனவே சாப்பிட்ட உடனேயே தண்ணீர் குடிப்பது இந்த அமிலங்களை நீர்த்துப்போகச் செய்யும். இதனால் உடலில் pH சமநிலை சீர்குலையும். இது சிறிது நேரத்தில் வாயு அல்லது அஜீரணத்தை ஏற்படுத்தும். எனவே சிட்ரஸ் பழங்களை சாப்பிட்ட பிறகு குறைந்தது 30 நிமிடங்கள் காத்திருந்து தண்ணீர் குடிக்க வேண்டும்.

பால்

சூடான பால் குடித்த உடனேயே தண்ணீர் குடிப்பது, பாலில் உள்ள புரதங்களை உறிஞ்சுவதற்குத் தேவையான வயிற்று அமிலங்களை பலவீனப்படுத்துகிறது. இது வளர்சிதை மாற்றத்தை மெதுவாக்குகிறது. இதுமட்டுமின்றி, வயிற்றில் அமிலத்தன்மையையும் அதிகரிக்கிறது. எனவே, செரிமான பிரச்சனைகளைத் தவிர்க்கவும், ஆரோக்கியமாக இருக்கவும், பால் குடித்த பிறகு குறைந்தது 30 நிமிடங்கள் முதல் ஒரு மணி நேரம் வரை காத்திருக்கலாம். இதன் பிறகு தண்ணீர் குடிப்பது நல்லது.

வாழைப் பழம்

வாழைப்பழத்தில் பொட்டாசியம் மற்றும் நார்ச்சத்து நிறைந்துள்ளது. வாழைப்பழம் சாப்பிட்ட உடனே தண்ணீர் குடிப்பது அஜீரணம் மற்றும் வயிற்று உப்புசத்தை ஏற்படுத்தும். பொதுவாக, வயிற்றில் உள்ள நொதிகள் இந்த பழத்தில் உள்ள ஊட்டச்சத்துக்களை உறிஞ்சுவதற்கு தேவைப்படுகின்றன. தண்ணீர் குடிப்பது இந்த நொதிகளை பலவீனப்படுத்துகிறது. எனவே, வாழைப்பழம் சாப்பிட்ட பிறகு குறைந்தது 30 நிமிடங்கள் காத்திருந்து தண்ணீர் குடிக்கவும்.

பப்பாளி

பப்பாளி பழத்தில் 96% தண்ணீர் உள்ளது. எனவே சாப்பிட்ட உடனேயே தண்ணீர் குடிப்பதால் வயிற்றுச் சாறுகள் நீர்த்துப்போகும். இது செரிமான சாறுகளின் செறிவைக் குறைக்கிறது. இது உணவை ஜீரணிக்கும் செயல்முறையை மெதுவாக்குகிறது. எனவே, பப்பாளி சாப்பிட்ட பிறகு குறைந்தது 40 முதல் 50 நிமிடங்கள் வரை தண்ணீர் குடிக்கக்கூடாது.

ALSO READ: முட்டை சாப்பிடுவதால் இருமல் குணமாகுமா..? சரிசெய்யும் எளிய முறைகள்!

வேர்க்கடலை

வேர்க்கடலையில் பொதுவாக கொழுப்பு மற்றும் புரதம் அதிகமாக உள்ளது. சாப்பிட்ட உடனேயே தண்ணீர் குடிப்பதால் செரிமானம் மெதுவாகிறது. இது அஜீரணம் அல்லது வயிற்றில் கனமான உணர்வை ஏற்படுத்தும். இந்த பிரச்சனை குறிப்பாக குழந்தைகளில் பொதுவானது. எனவே, வேர்க்கடலை சாப்பிட்ட பிறகு 20 முதல் 30 நிமிடங்கள் இடைவெளி எடுக்க வேண்டும்.