Health Tips: பலரும் விரும்பும் பதப்படுத்தப்பட்ட உணவுகள்.. இது உடலுக்கு ஆரோக்கியமானதா?
Frozen Foods Healthy or Unhealthy: கடந்த சில ஆண்டுகளாக உலகளவில் ப்ரோஜன் புட்ஸ் மீதான மோகம் அதிகரித்துள்ளது. இளைஞர்கள் இந்த உணவை அதிக பயன்படுத்துகின்றனர். இந்த வகை உணவு உணவில் பரவும் தொற்று அபாயத்தை அதிகரிக்கிறது. அந்தவகையில், பதப்படுத்தப்பட்ட உணவின் பல்வேறு தீங்கு குறித்து தெரிந்து கொள்வோம்.
ஃப்ரோஜன் உணவுகள்
பரபரப்பான வாழ்க்கை முறை காரணமாக மக்கள் தங்களது உணவு பழக்கத்தில் பல மாற்றங்களை கொண்டு வருகின்றனர். போதிய நேரம் இல்லாத காரணத்தினால், பெரும்பாலான மக்கள், வீட்டில் சமைப்பதற்கு (Cooking) பதிலாக ப்ரோஜன் புட்ஸ் (Frozen Foods) என்று அழைக்கப்படும் பதப்படுத்தப்பட்ட உணவுகளை எடுத்து கொள்கிறார்கள். ஆனால், இந்த பதப்படுத்தப்பட்ட உணவுகள் உங்கள் உடலுக்கு தீங்கு விளைவிக்கும் என்று தெரியுமா..? சாப்பிட எப்போதும் தயாராக இருக்கும் உணவுகளில் பெரும்பாலும் ஹைட்ரஜனேற்றப்பட்ட பாமாயிலை பயன்படுத்துகின்றன. இதில், குறிப்பிடத்தக்க அளவிலான டிரான்ஸ் கொழுப்பும், அதிக அளவும் சோடியமும் இருக்கும். இது உங்கள் உடலை பலவீனப்படுத்தும்.
கடந்த சில ஆண்டுகளாக உலகளவில் ப்ரோஜன் புட்ஸ் மீதான மோகம் அதிகரித்துள்ளது. இளைஞர்கள் இந்த உணவை அதிக பயன்படுத்துகின்றனர். இந்த வகை உணவு உணவில் பரவும் தொற்று அபாயத்தை அதிகரிக்கிறது. அந்தவகையில், பதப்படுத்தப்பட்ட உணவின் பல்வேறு தீங்கு குறித்து தெரிந்து கொள்வோம்.
ALSO READ: 15 நாட்களுக்கு ஒரு முறை.. ஒரு வேளை உண்ணாவிரதம்.. உடலுக்குள் இவ்வளவு நன்மைகள் நடக்குமா?
சர்க்கரை நோய்
உணவை நீண்ட நேரம் ப்ரஸாக வைத்திருக்க, பதப்படுத்தப்பட்ட உணவுகளில் ஸ்டார்ச் பயன்படுத்தப்படுகிறது. ஸ்டார்ச் உடலில் நுழையும் போது சர்க்கரையாக மாறி, இரத்த சர்க்கரை அளவை அதிகரித்து, சர்க்கரை போன்ற நோய்களின் அபாயத்தை அதிகரிக்கிறது.
எடை அதிகரிப்பு
பதப்படுத்தப்பட்ட உணவுகளில் எடை அதிகரிப்பிற்கு பங்களிக்கும் ஆரோக்கியமற்ற கொழுப்புகள் உள்ளன. பதப்படுத்தப்பட்ட உணவுகளில் புரதத்தை விட கலோரிகள் கணிசமாக அதிகம். இந்த உணவுகளை விரைவாக சாப்பிடுவது மீண்டும் பசியை ஏற்படுத்தி, அதிகமாக சாப்பிடுவதற்கு வழிவகுக்கும். அதிக கார்போஹைட்ரேட் உள்ளடக்கம் எடை அதிகரிப்பிற்கும் பங்களிக்கிறது.
ஊட்டச்சத்து குறைபாடு
குளிர்சாதன பெட்டியில் நீண்ட நேரம் வைக்கப்படும் உணவுகள் வைட்டமின்கள் மற்றும் தாதுக்களை இழக்கின்றன. இந்த உணவுகளில் அதிக கலோரிகள் உள்ளன. அவை உடலில் ஆற்றலை இழக்க செய்கின்றன. இந்த உணவுகளை சாப்பிடுவது ஊட்டச்சத்து குறைபாடுகளுக்கு வழிவகுக்கும். இதனால் எலும்புகள் உடையக்கூடியதாகிவிடும்.
இதய நோய்
இந்த உணவுகளில் அதிக அளவு டிரான்ஸ் கொழுப்பு உள்ளது. இது கொழுப்பின் அளவை அதிகரிக்கிறது. டிரான்ஸ் கொழுப்பு நல்ல கொழுப்பைக் குறைத்து கெட்ட கொழுப்பை அதிகரிக்கிறது. கெட்ட கொழுப்பு மாரடைப்பு அபாயத்தை அதிகரிக்கிறது. உறைந்த உணவுகள் இதயத்திற்கு ஆரோக்கியமற்றவை. இந்த உணவுகளில் அதிக அளவு சோடியம் உள்ளது, இது இரத்த அழுத்த பிரச்சினைகளை ஏற்படுத்தும்.
ALSO READ: திடீரென எடை அதிகரிப்பு.. ஆரோக்கியமற்ற உணவு முறை மட்டுமே காரணமா?
இப்போதெல்லாம், பதப்படுத்தப்பட்ட மற்றும் துரித உணவுகளை நம்பியிருப்பது சர்வசாதாரணமாகிவிட்டது. ஆனால், வீட்டில் சமைக்கப்படும் உணவை விட சிறந்தது எதுவுமில்லை என்று பலருக்கும் தெரிவதில்லை. வீட்டில் சமைக்கப்படும் ப்ரஸான உணவில் உடல் ஆரோக்கியமாக இருக்க தேவையான அனைத்து ஊட்டச்சத்துக்களும் உள்ளன. நீங்கள் ஆரோக்கியமாக இருக்க விரும்பினால், பதப்படுத்தப்பட்ட உணவுகளை தவிர்ப்பது நல்லது.
