அருண் விஜயின் ரெட்ட தல படத்துடன் மோதும் கொம்புசீவி… அப்போ போட்டி உறுதி!
Retta Thala VS KombuSeevi: தென்னிந்திய சினிமாவில் பிரபலமான நடிகர்களில் ஒருவராக இருப்பவர் அருண் விஜய். இவரின் நடிப்பில் உருவான ரெட்ட தல வரும் 2025ம் ஆண்டு டிசம்பர் 25ம் தேதியில் வெளியாகிறது. இந்நிலையில் இந்த படத்துடன் சண்முக பாண்டியனின் கொம்புசீவி படம் வெளியாகுவதாக தகவல் வெளியாகியுள்ளது.
ரெட்ட தல Vs கொம்புசீவி
தமிழ் சினிமாவில் 80ஸ் காலகட்டத்தில் சிறந்த நாயகனாக இருந்துவந்தவர் விஜயகாந்த் (Vijayakanth). இவரின் நடிப்பில் பல படங்கள் வெளியாகி சூப்பர் ஹிட் வெற்றியை பெற்றிருக்கிறது. அந்த வகையில், இவருக்கு பின் சினிமாவில் வளர்ந்துவரும் நடிகராக இவரின் மகன் சண்முகப் பாண்டியன் (Shanmuga Pandian) இருந்துவருகிறார். இவரின் நடிப்பில் ஏற்கனவே சில படங்கள் வெளியாகியிருந்த நிலையில், மேலும் இவரின் நடிப்பில் மிக பிரம்மாண்டமாக வெளியீட்டிற்கு தயாராகிவரும் படம்தான் கொம்புசீவி (Kombuseevi). இப்படத்தை இயக்குநர் பொன்ராம் (Ponram) இயக்கியுள்ள நிலையில், இறுதிக்கட்ட பணிகளில் இருந்துவருகிறது. இந்த படத்தில் நடிகர் சரத்குமார் (Sarathkumar) மிக முக்கிய வேடத்தில் நடித்துள்ளார். மேலும் நடிகர்கள் தரணிகா மற்றும் காளி வெங்கட்டும் இணைந்து நடித்துள்ளனர். இந்த படத்திற்கு யுவன் சங்கர் ராஜா (Yuvan Shankar Raja) இசையமைத்திருக்கும் நிலையில், பாடல்கள் இணையத்தில் நல்ல வைரலாகிவருகிறது.
இந்நிலையில் இப்படத்தின் ரிலீஸ் எப்போது என எதிர்பார்த்த நிலையில், படக்குழு ஸ்பெஷல் போஸ்டர் ஒன்றை வெளியிட்டுள்ளது. அதில் 2025ம் ஆண்டு கிறிஸ்துமஸ் பண்டிகையில் இப்படம் வெளியாகும் என அறிவிக்கப்பட்டுள்ளது. அந்த வகையில் அருண் விஜய்யின் (Arun Vijay) ரெட்ட தல (Retta Thala) படமும் இந்த 2025ம் ஆண்டு கிறிஸ்துமஸ் பண்டிகையில் வெளியாகிறது என்பது குறிப்பிடத்தக்கது .
இதையும் படிங்க: ஜெயிலர் 2 படப்பிடிப்பில் இணையும் பிரபல நடிகர்கள்? வைரலாகும் தகவல்
கொம்புசீவி படக்குழு வெளியிட்ட ரிலீஸ் குறித்து எக்ஸ் பதிவு :
MASS-mode activated 💥#Kombuseevi is all set to rage in full force this Christmas!@realsarathkumar & @ShanmugaP_Actor #Tharnika#Kombuseevi #OnceUponATimeInUsilampatti
A @ponramVVS Direction
Produced By @StarCinemas_ @mukesh_chelliah
A @thisisysr Musical @balasubramaniem pic.twitter.com/MqqU7bdPoD— Star Cinemas (@StarCinemas_) November 30, 2025
ரெட்ட தல VS கொம்புசீவி :
அருண் விஜய்யின் நடிப்பிலும் இயக்குநர் கிரிஷ் திருகுமாரனின் இயக்கத்திலும் உருவாகியுள்ள படம்தான் ரெட்ட தல. இந்த படத்தில் அருண் விஜய் ரெட்டை வேடத்தில் நடித்துள்ளார். மேலும் இதில் நடிகைகள் சித்தி இத்னானி, தான்யா ரவிச்சந்திரனும் இணைந்து நடித்துள்ளனர். இந்த படமும் முதலில் 2025 டிசம்பர் 18ம் தேதியில் வெளியாகி இருந்த நிலையில், தற்போது இப்படம் 2025ம் ஆண்டு டிசம்பர் 25ம் தேதியில் வெளியாகும் என படக்குழு அதிகாரப்பூர்வ அறிவிப்பை சமீபத்தில் வெளியிட்டிருந்தது.
இதையும் படிங்க: விமானத்தில் ரசிகர் செய்த விஷயம்… பாராட்டி ஆட்டோகிராஃப் போட்ட ரஜினிகாந்த்.. வைரலாகும் வீடியோ!
இந்த படமானது அதிரடி ஆக்ஷ்ன் கதைக்களத்துடன் உருவாகியுள்ள நிலையில் இப்படத்தின் மீதான எதிர்பார்புகள் அதிகரித்துவருகிறது. இந்நிலையில் இப்படத்துடன்தான் சண்முகப் பாண்டியனின் கொம்புசீவி படமும் வெளியாகவுள்ளதாம். இப்படம் 2025ம் ஆண்டு டிசம்பர் கிறிஸ்துமஸ் பண்டிகையில் வெளியாகும் என படக்குழு அறிவித்திருந்தாலும்,தேதியை குறிப்பிடவில்லை என்பது குறிப்பிடத்தக்கது. விரைவில் இது தொடர்பான அறிவிப்பும் வெளியாகும் என வட்டாரங்கள் தெரிவிக்கிறது.
