Entertainment News Live Updates: வசூலை வாரிக்குவிக்கும் தலைவன் தலைவி படம்!

தமிழ் சினிமாவின் முன்னணி நடிகராகவும், பல்துறை திறமை வாய்ந்தவராகவும் திகழும் நடிகர் தனுஷ் இன்று தனது பிறந்தநாளை கொண்டாடுகிறார். அவருக்கு ரசிகர்கள் வாழ்த்து தெரிவித்து வருகின்றனர். இதனிடைய தனுஷ் நடித்து வரும் இட்லி கடை படத்தின் அப்டேட் நேற்று வெளியானது. இன்று அவரின் நடிப்பில் உருவாகி வரும் படங்களின் அப்டேட்டுகள் வெளியாகும் என தகவல் வெளியாகியுள்ளது. இயக்குனர் வெற்றிமாறன் இயக்கத்தில் நடிகர் சிலம்பரசன் நடிக்கும் படத்தின் படப்பிடிப்பானது ஆகஸ்ட் மாதம் இரண்டாவது வாரத்தில் தொடங்கும் என தகவல்கள் தெரிவிக்கின்றன. இந்த படத்திற்காக நடிகர் சிம்பு சுமார் 10 கிலோ எடை குறைந்துள்ளார். வெற்றிமாறன் இயக்கத்தில் தனுஷ் நடித்த வடசென்னை படத்தின் தொடர்பு கதையாக இந்த படம் உருவாக உள்ளதாக கூறப்படுகிறது. விஜய் சேதுபதி நடித்த தலைவன் தலைவி மற்றும் வடிவேலு பகத் பாஸில் நடித்த மாரீசன் படம் ரசிகர்களிடம் நல்ல வரவேற்பை பெற்றுள்ளது. இந்தப் படம் வார விடுமுறையில் நல்ல வசூலை பெற்றதாக கூறப்படுகிறது. தென்னிந்திய சினிமாவின் வியக்க வைக்கும் கதாநாயகர்களில் ஒருவரான துல்கர் சல்மான் நடித்துள்ள காந்தா படத்தின் டீசர் அவரின் பிறந்த நாளை முன்னிட்டு இன்று வெளியாகும் என தெரிவிக்கப்பட்டுள்ளது.