திரௌபதி 2 படத்திலிருந்து ஸ்னீக் பீக் வீடியோவை வெளியிட்டது படக்குழு

திரௌபதி 2

தமிழ் சினிமாவில் கடந்த 2020-ம் ஆண்டு பிப்ரவரி மாதம் 28-ம் தேதி திரையரங்குகளில் வெளியான படம் திரௌபதி. இந்தப் படத்தில் நடிகர் ரிச்சர்ட் ரிஷி நாயகனாக நடித்து இருந்தார். இவர் நடிகை ஷாலினியின் தம்பி என்பது குறிப்பிடத்தக்கது. மேலும் ரிச்சர்ட் ரிஷி நாயகனாக நடித்த இந்தப் படத்தில் இவருடன் இணைந்து நடிகர்கள் ஷீலா ராஜ்குமார், கருணாஸ், நிஷாந்த், நிவிதா ஆழ்ந்த, சௌந்தரியா நஞ்சுண்டன், லீனா, லொள்ளு சபா சேசு, ஆறு பாலா, ஜீவா ரவி, அம்பானி சங்கர், இளங்கோ, கோபிநாத், மருமலர்ச்சி பாரதி, ஜி.வி.குமார், ஜெயம் எஸ்.கே.கோபி, சுப்ரமணி, பிரியா அஸ்மிதா என பலர் இந்தப் படத்தில் முக்கிய வேடத்தில் நடித்து இருந்தனர். இயக்குநர் மோகன் ஜி இந்தப் படத்தினை எழுதி இயக்கி இருந்தது குறிப்பிடத்தக்கது.

இந்தப் படத்தில் பெண்களை காதல் என்ற பெயரில் ஏமாற்றி அவர்களை சீரழிக்கும் ஆண்கள் குறித்து எடுத்து இருப்பது போன்று காட்டப்பட்டு இருந்தது. ஆனால் அந்த ஆண்கள் குறிப்பிட்ட சாதியைச் சேர்ந்தவர்கள் என்று இயக்குநர் காட்டியிருந்தது மக்களிடையே பெரும் சர்ச்சையை ஏற்படுத்தியது குறிப்பிடத்தக்கது. இந்தப் படத்தின் தொடர்ச்சியாக தற்போது திரௌபதி 2 என்ற படத்தை இயக்குநர் மோகன் ஜி எடுத்துள்ளார். ஆனால் இது முற்றிலும் வேறுபட்ட கதையாக இருக்கும் என்று தெரிவிக்கப்படுகின்றது.

திரௌபதி 2 படத்திலிருந்து ஸ்னீக் பீக் வீடியோ இதோ:

அதன்படி திரௌபதி 2 படம் ஹிஸ்டாரிகல் ட்ராமாவாக உருவாகி உள்ளது. இதில் நடிகர் ரிச்சர்ட் ரிஷி நாயகனாக நடிக்க அவருடன் இணைந்து நடிகர்கள் ரக்ஷனா இந்துசூடன், நட்டி நடராஜ், சிராக் ஜானி என பலர் இந்தப் படத்தில் நடித்து இருந்தனர். மேலும் இந்தப் படம் வருகின்ற 23-ம் தேதி ஜனவரி மாதம் 2026-ம் ஆண்டு திரையரங்குகளில் வெளியாக உள்ளது. இயக்குநர் மோகன் ஜி இயக்கத்தில் உருவாகி உள்ள இந்தப் படத்தில் இருந்து தற்போது ஸ்னீக் பீக் வீடியோவை படக்குழு வெளியிட்டுள்ளது. அது தற்போது இணையத்தில் கவனம் ஈர்த்து வருகின்றது.

Also Read… ஜாலியான ரொமாண்டிக் காமெடி படத்தை பார்க்கனுமா? அப்போ ஓடிடியில் இந்த ஃபிதா படத்தை மிஸ் செய்யாதீர்கள்

திரௌபதி 2 படக்குழு வெளியிட்ட எக்ஸ் தள பதிவு:

Also Read… Pallichattambi: டோவினோ தாமஸ் – கயாடு லோஹரின் ‘பள்ளிச்சட்டம்பி’ படத்தின் ரிலீஸ் எப்போது..? வீடியோவுடன் வெளியானது அறிவிப்பு!