Tamil Nadu Election 2026 Live : விஜய் கன்னியாகுமரி விசிட்.. இன்றைய தேர்தல் அப்டேட்ஸ்!

ஆலங்குளம் அருகே   விவசாயி ஒருவரின் மீது துப்பாக்கிச் சூடு நடத்தப்பட்ட சம்பவம் அப்பகுதியில் பெரும் கொந்தளிப்பை ஏற்படுத்தியது. இது தொடர்பான போராட்டத்தில் கலந்து கொண்டதற்காக, காவலர் பிரபாகரன் உள்ளிட்ட 12 பேர் மீது காவல்துறையினர் வழக்குப் பதிவு செய்தனர். இதனைத்தான் காவலரின் மனைவி கேள்வி கேட்டுள்ளார்.

குமரி நோக்கிச் செல்லும் விஜய்யின் வாகனத்தை ரசிகர்கள், தொண்டர்கள் பின் தொடர்ந்து செல்கின்றனர். செல்லும் வழியில் பலத்த பாதுகாப்பும் போடப்பட்டுள்ளது

கன்னியாகுமரியில் ரோடு ஷோ செல்லவுள்ள விஜய் சென்னையில் இருந்து தூத்துக்குடி சென்றடைந்தார். தூத்துட்க்குடி விமான நிலையத்தில் அவருக்கு உற்சாக வரவேற்பு அளிக்கப்பட்டது

ஆலங்குளம் பகுதியில் தேர்தல் பிரசாரம் மேற்கொண்டிருந்த திமுக எம்.பி கனிமொழியிடம், காவலர் ஒருவரின் மனைவி  வாக்குவாதத்தில் ஈடுபட்டார்.

தமிழ்நாடு முழுவதும் மூத்த குடிமக்களிடம் நேரில் சென்று வாக்கு சேகரிக்கும் பணி நடைபெற்று வருகிறது. இதையொட்டி, 85 வயதுக்கு மேற்பட்ட மூத்த குடிமக்கள் இருக்கும் வீட்டிற்கே தேர்தல் அலுவலர்கள் நேரில் சென்று தபால் வாக்கு பெற்று வருகின்றனர்.  இந்த வாக்குப்பதிவானது இன்று, நாளை மற்றும் ஏப்.17ம் தேதி நடைபெறுகிறது.

ராமதாஸ் தரப்பில் சேலம் மேற்கு தொகுதியில் தற்போதைய எம்.எல்.ஏ அருள் மீண்டும் போட்டியிடுகிறார். பாமக பொதுச்செயலாளர் முரளிசங்கர் காட்டுமன்னார் கோவில் தொகுதியிலும், மாக்கா ஸ்டாலின் கும்பகோணத்திலும் களம் காண்கின்றனர்.

அதிமுகவின் 9 முன்னாள் அமைச்சர்களைக் குறிவைத்து, அந்தந்தத் தொகுதிகளில் நன்கு அறிமுகமான முன்னாள் எம்.எல்.ஏக்கள் மற்றும் முக்கியப் பிரமுகர்களைச் சசிகலா களமிறக்கியுள்ளார்.

அதிமுக மற்றும் அன்புமணி தலைமையிலான பாமக ஆகிய இரு கட்சிகளுக்கும் நெருக்கடி கொடுக்கும் வகையில் சசிகலா மற்றும் ராமதாஸ் தரப்பு களம் இறங்கியுள்ளது

தொடர்ந்து விஜய்யின் பரப்புரை கூட்டம் ரத்து செய்யப்படுவதால் விஜய் ரசிகர்களும், தவெக தொண்டர்களும் வருத்தத்தில் உள்ளனர்.

விஜய் வருகையால் ஆயிரக்கணக்கான மக்கள் ஒரே இடத்தில் திரள்வார்கள் என்பதால் பலத்த பாதுகாப்பும், முன்னேச்சரிக்கை நடவடிக்கைகளும் எடுக்கப்பட்டுள்ளன

பொதுக்கூட்டம் ரத்து செய்யப்பட்டாலும் விஜய் இன்று கன்னியாகுமரியில் ரோடு ஷோவில் ஈடுபடுவார் என தெரிவிக்கப்பட்டுள்ளது. ரோடு ஷோ மூலம் அவர் வாக்கு சேகரிப்பார் என தவெக சார்பில் தெரிவிக்கப்பட்டுள்ளது

விஜய் இன்று கன்னியாகுமரியில் பொதுக்கூட்டத்தில் ஈடுபடுவார் என தெரிவிக்கப்பட்டது. ஆனால் அது தற்போது ரத்து செய்யப்பட்டுள்ளது

தொண்டர் வீட்டுக்கு விசிட் அடித்த முதல்வர் ஸ்டாலின்

நான் வெறும் முகத்தை மட்டும் காண்பித்து உங்களிடம் ஓட்டு கேட்கவில்லை. நல்ல நல்ல கருத்துக்களை சொல்லி வாக்கு கேட்டு வருகிறேன். இதே போல, நான் பல கோடிகளை கொட்டி அரசியல் செய்ய வந்தவன் கிடையாது. உயர்ந்த கொள்கைகளை முன்னிலைப்படுத்தி அரசியல் செய்ய வந்தவன் – சீமான்

தமிழகத்தில் நடைபெற்ற சட்டமன்ற தேர்தல்களில் நான் போட்டியிட்ட 4 தேர்தல்களில் பணம் இல்லாத காரணத்தால் தோல்வியை சந்தித்ததாக நாம் தமிழர் கட்சியின் தலைமை ஒருங்கிணைப்பாளர் சீமான் உருக்கமாக பேசினார்.

வாக்குச்சாவடி அலுவலர்கள் பூத் சிலிப் விநியோகம் செய்ய வரும்போது, வீட்டில் வாக்காளர்கள் இல்லையெனில், அருகில் உள்ள வீடுகளில் தங்களுக்கான பூத் சிலிப்புகள் வழங்கப்படும் என்று தேர்தல் அதிகாரிகள் தரப்பில் தெரிவிக்கப்பட்டுள்ளது

அதில் அவர்களின் பாகம் எண், வரிசை எண், வாக்குச்சாவடி எண்ணை எளிதில் அடையாளம் காணும் வகையில் கட்டம் போட்டு காட்டப்பட்டுள்ளது. இந்த ‘பூத் சிலிப்பில்’ ‘கியூ ஆர் கோடும்’ உள்ளது. இதன்மூலம் கூடுதல் தகவல்களை அறிந்துகொள்ளலாம்.

வாக்காளர்களுக்கு அடையாள சீட்டுகளை (பூத் சிலிப்) வழங்க பி.எல்.ஓ. அலுவலர்களுக்கு மாவட்ட தேர்தல் அதிகாரிகள் உத்தரவிட்டுள்ளனர். இந்த தேர்தலுக்காக புதிய வகை அடையாளச் சீட்டுகள் அச்சிடப்பட்டு உள்ளன.

பி.எல்.ஓ. அலுவலர்கள் வீடுவீடாக சென்று இவற்றை வழங்குவார்கள். அவர்கள் தனித்தனியாகச் சென்று இந்த ‘பூத் சிலிப்புகளை’ வாக்காளர்களுக்கு வழங்கலாம்.

தமிழகம் முழுவதும் வீடு வீடாக ‘பூத் சிலிப்’ வழங்கும் பணி இன்று முதல் தொடக்கம்