கூகுள் மேப் வழிகாட்டியதால் விபத்து? சேலத்தில் கண்டெய்னர் லாரி மோதி பரபரப்பு

சேலம் நான்கு ரோடு பகுதியில், கூகுள் மேப் காட்டிய வழியை நம்பி சென்ற கண்டெய்னர் லாரி மேம்பாலத் தடுப்புச் சுவரில் மோதி விபத்துக்குள்ளானது. கேரளாவைச் சேர்ந்த ஓட்டுநர் வைஷ்ணவ் ஓட்டிய லாரியின் கண்டெய்னர் பெட்டி சாலையில் கவிழ்ந்ததால் போக்குவரத்து பாதிக்கப்பட்டது. நள்ளிரவு நேரம் என்பதால் உயிர்ச்சேதம் ஏதும் ஏற்படவில்லை. தகவலறிந்த போலீசார் கிரேன் மூலம் கண்டெய்னரை அகற்றி, வழக்குப் பதிவு செய்து விசாரணை நடத்தி வருகின்றனர்.