நார்வே சென்ற பிரதமர் மோடி.. இந்திய வம்சாவளியினர் உற்சாக வரவேற்பு..

பிரதமர் மோடி தனது ஐரோப்பிய தூதரக பயணத்தின் ஒரு பகுதியாக ஒஸ்லோ நகருக்கு வருகை தந்தார். அங்கு அவருக்கு நோர்வேயில் வாழும் இந்தியர்கள் சார்பில் பிரம்மாண்டமான கலாச்சார வரவேற்பு அளிக்கப்பட்டது. ஒஸ்லோவில் நடைபெற்ற வரவேற்பு நிகழ்ச்சியில் இந்திய பாரம்பரிய இசை, நாட்டிய நிகழ்ச்சிகள் மற்றும் உற்சாக முழக்கங்களுடன் பிரதமர் மோடி  வரவேற்கப்பட்டார். பாரம்பரிய இந்திய உடைகளில் அலங்கரித்திருந்த குழந்தைகள் கலாச்சார நடனங்களை நிகழ்த்தி, மலர்கள் வழங்கி, தேசபற்று முழக்கங்களுடன் பிரதமரை வரவேற்றனர்.

இந்த நிகழ்ச்சியின் போது பிரதமர் மோடி, இந்திய வம்சாவளியினருடன் அன்புடன் உரையாடியதுடன், குழந்தைகளை நேரில் சந்தித்து வாழ்த்தினார். நிகழ்ச்சியில் கலந்துகொண்ட கலைஞர்களின் நிகழ்ச்சிகளையும் பாராட்டி அவர்களுக்கு தனது நன்றியை தெரிவித்தார்.