தமிழிசைக்கு ஆதரவாக பிரச்சாரம்.. களத்தில் இறங்கிய மத்திய அமைச்சர் பியூஷ் கோயல்!

2026 தமிழ்நாடு சட்டமன்ற தேர்தலில் மயிலாப்பூர் தொகுதியில் போட்டியிடும் தமிழிசை சௌந்தரராஜனுக்கு ஆதரவாக மத்திய அமைச்சர் பியூஷ் கோயல் பிரச்சாரம் மேற்கொண்டார். அப்போது பேசிய அவர், “ஈரானில் துன்புற்றுக் கொண்டிருந்த நமது சகோதர சகோதரிகள், தங்கள் குடும்பத்தாரிடமும் தாய்மண்ணிற்கும் திரும்பும் ஒரு மகிழ்ச்சியான நாளாக இன்று அமைந்துள்ளது. நமது மீனவச் சகோதர சகோதரிகள் அனைவரையும் நாங்கள் அன்புடன் வரவேற்கிறோம். இது அவர்களுக்கு ஒரு கடினமான பயணமாக அமைந்தது; அவர்கள் ஆர்மீனியா மற்றும் பிற நாடுகளுக்குச் செல்ல 20 மணி நேரம் பயணிக்க வேண்டியிருந்தது. அவர்களை ஆர்மீனியாவுக்கு அழைத்து வருவதற்காக, வெளியுறவுத் துறை அதிகாரிகள் இரவும் பகலும் அயராது உழைத்தனர். இன்று அவர்கள் ஆர்மீனியாவிலிருந்து விமானம் மூலம் தாயகம் திரும்புகின்றனர். அவர்களைப் பெற்றுக்கொள்வதிலும், மீண்டும் தாயகத்திற்கு வரவேற்பதிலும் நாங்கள் மிகுந்த மகிழ்ச்சி அடைகிறோம்.” என்று தெரிவித்தார்.