“உள்ளூர் மளிகைக் கடைக்குச் சென்று விலைவாசியைக் கேளுங்கள்” – முதலமைச்சர் விஜய்க்கு மு.க.ஸ்டாலின் அறிவுரை!
MK Stalin To CM Vijay: ஸ்டாலின் தனது பதிவில், “முதலமைச்சர் அவர்கள் லண்டன் போகிறார், கர்நாடகா போகிறார், ஆந்திரா போகிறார். போகட்டும். அப்படியே உள்ளூரில் உள்ள மளிகைக் கடைக்கும் ஒரு எட்டு போய் விலைவாசி உயர்வைக் கேட்டுத் தெரிந்துகொள்ள வேண்டும். தயவுசெய்து மாண்புமிகு உணவுத்துறை அமைச்சரிடம் கேட்டுவிட வேண்டாம். அவர் எல்லாம் நார்மலாக இருக்கிறது என்பார். மக்களிடம் கேளுங்கள்” எனக் குறிப்பிட்டுள்ளார்.
அக்டோபர் 15, 2026: தமிழகத்தில் அத்தியாவசியப் பொருட்களின் விலை உயர்ந்து வருவதாகக் குற்றம்சாட்டியுள்ள முன்னாள் முதலமைச்சரும் திமுக தலைவருமான மு.க.ஸ்டாலின் (MK Stalin), தற்போதைய முதலமைச்சர் விஜய் (CM Vijay) உள்ளூர் மளிகைக் கடைக்குச் சென்று விலைவாசி நிலவரத்தைக் கேட்டறிய வேண்டும் எனத் தெரிவித்துள்ளார். இதுதொடர்பாக அவர் தனது சமூக வலைதளப் பக்கத்தில் வெளியிட்டுள்ள பதிவு அரசியல் வட்டாரத்தில் கவனம் பெற்றுள்ளது.
அரிசி, பருப்பு, சமையல் எண்ணெய், சர்க்கரை உள்ளிட்ட அத்தியாவசியப் பொருட்களின் விலை உயர்வால் பொதுமக்கள் சிரமத்தைச் சந்தித்து வருவதாகக் குறிப்பிட்டுள்ள அவர், பண்டிகைக் காலத்தில் மகிழ்ச்சியாக இருக்க வேண்டிய மக்கள் விலைவாசி உயர்வு காரணமாகக் கவலையில் இருப்பதாக விமர்சித்துள்ளார்.
மேலும் படிக்க: ஊருக்கு போற பிளான் இருக்கா? ஆயுத பூஜைக்கு சேலம் வழியாக சிறப்பு ரயில்கள் அறிவிப்பு.. முழு விவரம் உள்ளே..
உள்ளூர் மளிகை கடைக்கு போய் விலைவாசியை கேட்டறியட்டும்:
முதலமைச்சர் அவர்கள் இலண்டன் போகிறார், கர்நாடகா போகிறார், ஆந்திரா போகிறார். போகட்டும்…
அப்படியே உள்ளூரில் உள்ள மளிகைக் கடைக்கும் ஒரு எட்டு போய், விலைவாசி உயர்வைக் கேட்டுத் தெரிந்துகொள்ள வேண்டும்.
தயவுசெய்து, மாண்புமிகு உணவுத்துறை அமைச்சரிடம் கேட்டுவிட வேண்டாம். அவர் எல்லாம் ‘நார்மலாக’ இருக்கிறது என்பார்.
மக்கள் பண்டிகைக் காலத்தின் மகிழ்ச்சிக்கு பதிலாக, பயத்தில் உறைந்துபோய் இருக்கிறார்கள்.
அவர்களிடம் கேளுங்கள்!
#PriceRise #Inflation— M.K.Stalin (@mkstalin) October 15, 2026
ஸ்டாலின் தனது பதிவில், “முதலமைச்சர் அவர்கள் லண்டன் போகிறார், கர்நாடகா போகிறார், ஆந்திரா போகிறார். போகட்டும். அப்படியே உள்ளூரில் உள்ள மளிகைக் கடைக்கும் ஒரு எட்டு போய் விலைவாசி உயர்வைக் கேட்டுத் தெரிந்துகொள்ள வேண்டும். தயவுசெய்து மாண்புமிகு உணவுத்துறை அமைச்சரிடம் கேட்டுவிட வேண்டாம். அவர் எல்லாம் நார்மலாக இருக்கிறது என்பார். மக்களிடம் கேளுங்கள்” எனக் குறிப்பிட்டுள்ளார்.
அரசின் அதிகாரப்பூர்வ விளக்கங்களை மட்டும் நம்பாமல், நேரடியாகப் பொதுமக்களிடம் சென்று அவர்களின் அன்றாடப் பொருளாதாரச் சுமையைப் புரிந்துகொள்ள வேண்டும் என்பதே அவரது விமர்சனத்தின் மையமாக உள்ளது.
மேலும் படிக்க: பசும்பொன் முத்துராமலிங்கத்தேவர் ஜெயந்தி விழா.. நேரில் சென்று மரியாதை செலுத்துகிறார் முதல்வர் விஜய்!!
தீபாவளி நெருங்கும் நிலையில் கவலை
தீபாவளி பண்டிகையை முன்னிட்டு வீட்டு உபயோகப் பொருட்கள், உணவுப் பொருட்கள் மற்றும் இனிப்புகள் தயாரிப்பதற்கான மூலப்பொருட்களை வாங்கும் செலவு அதிகரிப்பது குடும்பங்களின் மாதாந்திர பட்ஜெட்டில் தாக்கத்தை ஏற்படுத்தலாம். இந்நிலையில், அத்தியாவசியப் பொருட்களின் விலையைக் கட்டுப்படுத்த அரசு உரிய நடவடிக்கை எடுக்க வேண்டும் எனப் பல்வேறு தரப்பினரும் வலியுறுத்தி வருகின்றனர்.
தமிழகத்தில் பணவீக்கம் அதிகரிப்பு:
மத்திய அரசின் புள்ளிவிவரங்கள் மற்றும் திட்ட அமலாக்க அமைச்சகம் வெளியிட்டுள்ள 2026 செப்டம்பர் மாத நுகர்வோர் விலைக் குறியீட்டின்படி, இந்தியாவின் சில்லறைப் பணவீக்கம் 5.54% ஆக உயர்ந்துள்ளது. ஆகஸ்ட் மாதத்தில் இது 4.83% ஆக இருந்தது. உணவுப் பொருட்களுக்கான பணவீக்கம் 7.74% ஆக அதிகரித்துள்ளது; முந்தைய மாதத்தில் இது 5.97% ஆக இருந்தது.
தமிழகத்தில் செப்டம்பர் மாதச் சில்லறைப் பணவீக்கம் நாட்டிலேயே அதிகமாக இருந்ததாக வெளியான தகவல்களைச் சுட்டிக்காட்டி, விஜய் தலைமையிலான அரசை மு.க.ஸ்டாலின் விமர்சித்துள்ளார். இருப்பினும், மாநிலத்தின் ஒட்டுமொத்தப் பணவீக்க விகிதத்தையும் குறிப்பிட்ட மளிகைப் பொருட்களின் விலை மாற்றத்தையும் தனித்தனியாகப் புரிந்துகொள்வது அவசியம்.
