கடலூரில் பள்ளி வேன்–ரயில் மோதல்: ரயில்வே நிர்வாகம் அதிரடி உத்தரவு

நிலைமாற்று வாயில்

தமிழ்நாடு ஜூலை 10: கடலூர் பள்ளி வேன் விபத்தைத் (Cuddalore school van accident) தொடர்ந்து, நாடு முழுவதும் உள்ள ரயில்வே நிலைமாற்று வாயில்களில் (At railway crossings)  15 நாள் பாதுகாப்பு ஆய்வு (15-day safety inspection) நடைபெறுகிறது. மத்திய அமைச்சர் அஸ்வினி வைஷ்ணவ் (Union Minister Ashwini Vaishnav) 11 முக்கிய பாதுகாப்பு நடவடிக்கைகள் அறிவித்துள்ளார். எல்லா LC வாயில்களிலும் CCTV, மின் வசதிகள் கட்டாயம் செய்யப்பட வேண்டும் எனவும் இன்டர்லாக் அமைப்பை 10,000 TVUக்கு மேல் உள்ள இடங்களில் அவசரமாக அமல்படுத்தவும் உத்தரவிடப்பட்டுள்ளது. வேகத் தடைகள், எச்சரிக்கை பலகைகள் மற்றும் குரல் பதிவு சோதனைகள் கட்டாயம் எனவும் விபத்து அபாயம் அதிகம் உள்ள இடங்களில் RPF பாதுகாப்பு நடைமுறைப்படுத்தப்படும் எனவும் தெரிவிக்கப்பட்டுள்ளது. இதையொட்டி, தமிழகத்தில் உள்ள ரயில்வே நிலைமாற்று வாயில்களில் பாதுகாப்பு ஆய்வு நடைபெறுகிறது.

பள்ளி வேன் மீது ரயில் மோதி நிகழ்ந்த துயரமான விபத்து

கடலூர் மாவட்டத்தில் பள்ளி மாணவர்களை ஏற்றிச் சென்ற வேன், நிலைமாற்று வாயிலில் ரயிலுடன் மோதி அதிர்ச்சியளிக்கும் விபத்து நிகழ்ந்தது. பாதுகாப்பு வசதிகள் இல்லாததால் ஏற்பட்ட இந்த சம்பவம் பெரும் வேதனையை ஏற்படுத்தியுள்ளது. மாணவர்களின் உயிரிழப்பு தவிர்க்க முடியாத துயரமாக அமைந்துள்ள நிலையில் இதுகுறித்து நடவடிக்கை எடுக்கப்பட்டு வருகிறது.

ரயில்வே நிலைமாற்று வாயில்களில் பாதுகாப்பு நடவடிக்கைகள் தீவிரம்

கடலூர் மாவட்டத்தில் பள்ளி வேன் மீது ரயில் மோதி நிகழ்ந்த துயரமான விபத்துக்குப் பின்விளைவாக, நாடெங்கும் உள்ள ரயில்வே நிலைமாற்று வாயில்களில் (Level Crossing – LC) பாதுகாப்பு நடவடிக்கைகள் தீவிரமாக மேற்கொள்ளப்படுகிறது. மத்திய ரயில்வே துறை அமைச்சர் அஸ்வினி வைஷ்ணவ், அனைத்து தொகுதிப் பிரிவுகளிலும் உள்ள LC வாயில்களில் 15 நாட்கள் பாதுகாப்பு ஆய்வை மேற்கொள்ள உத்தரவிட்டுள்ளார். இதையொட்டி, தமிழகத்தில் உள்ள ரயில்வே நிலைமாற்று வாயில்களில் பாதுகாப்பு ஆய்வு நடைபெறுகிறது.

Also Read: இனி ஒரு வெடி விபத்துக்கூட நடக்கக்கூடாது.. அறிக்கை சமர்பிக்க பசுமை தீர்ப்பாயம் உத்தரவு..

எல்லா வாயில்களிலும் வேகத்தடை, எச்சரிக்கை பலகை

இதையடுத்து, LC பாதுகாப்பு மதிப்பீடு செய்வதற்காக 11 முக்கிய நடவடிக்கைகள் அறிவிக்கப்பட்டுள்ளன. இதில், CCTV கேமராக்கள், மின் ஆதார வசதிகள் (solar panel, battery backup, UPS ஆகியவை) போன்றவை கட்டாயமாக நிறுவப்பட வேண்டும். எல்லா வாயில்களிலும் வேகத்தடை, எச்சரிக்கை பலகைகள் உள்ளடக்கிய நிரந்தர அமைப்புகள் தரப்படுத்தப்பட வேண்டும்.

அதோடு, இன்டர்லாக் அமைப்பை விரைவில் செயல்படுத்தும் நடவடிக்கைகள், TVU வரம்பு 10,000 ஆக குறைக்கப்பட்டமை, மற்றும் ROB/RUB/LHS திட்டங்களை பொருட்படுத்தாமல் இன்டர்லாக்கு மாற்றுதல் உள்ளிட்ட திட்டங்கள் அறிவிக்கப்பட்டுள்ளன.

இன்டர்லாக் செய்யப்படாத LC வாயில்களில் தினசரி குரல் பதிவு சோதனை (குறைந்தபட்சம் 2 முறை) மேற்கொள்ளப்படும் என்றும், DRM கள் இதை உறுதிப்படுத்த வேண்டுமென அமைச்சர் வலியுறுத்தியுள்ளார்.

பாதுகாப்புப் படையினரால் கண்காணிக்க நடவடிக்கை

மேலும், அதிக விபத்து அபாயம் உள்ள LC வாயில்களை RPF மற்றும் உள்நாட்டு பாதுகாப்புப் படையினரால் கண்காணிக்க நடவடிக்கை எடுக்கப்படும் எனவும் தெரிவிக்கப்பட்டுள்ளது. தற்போது, அனைத்து தொகுதிகளிலும் 15 நாள் பாதுகாப்பு ஆய்வு இயக்கம் தொடங்கியுள்ள நிலையில், இந்த நடவடிக்கைகள் அனைத்தும் மிஷன் முறையில் நிறைவேற்றப்படும் என ரயில்வே துறை தெரிவித்துள்ளது.